Aizaia 22:5 - Edo Bible (E Baibol Ẹdo) Version 1996

⁵ Ẹghẹ ulẹ ọbanban ọna khin, ẹghẹ a khọn ọmwa muotọ kevbe iro hanrẹn vbe Iya Umian, e Nọyaẹnmwa, Oghodua ne Osanobua ne Udazi, ọ re ọ ru ima ọna. Ekẹn ne a gbe lẹga ẹvbo mwa khian ne a rẹnkhẹẹn uan, utumwẹ wa bu rre kegha migbo vbe uhunmwu oke.

Aizaia 22:5 ပူးပေါင်းရင်းမြစ်များ

II Ọba 19:3

Uhunmwu ne ọ gie iran re gie Aizaia ọ re ọ na khin wẹẹ, “Ẹdẹ nẹrẹ na, ẹdẹ irrioya nọ, te a rri ima oya na, a vbe fa ima an. Ma ye vbe okhuo ne emwi ubiẹmwẹ ru ne ọ ma sẹtin biẹ.

II Ọba 25:10

Avbe ivbi iyokuo ẹre keghi guọghọ ekẹn ne a gbe ga ẹvbo ni sẹ otọ.

Ẹsta 3:15

Zẹ vbene ọba khare, ọ keghi ya ẹmwẹ na wewe vbe Susa ne igiogbẹ ẹvbo ni, iran ni rhulẹ keghi rhie iyẹn ni gha rrie dọmwadẹ iyaẹvbo. Ọba kevbe Haman keghi tota, iran na gha da ayọn, vbene adesẹ ore ẹvbo ni na khian ne a fian otighi fi.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 37:3

Vbene ọ wẹ ne iran tama Aizaia ọ re ọna khin: “Ẹdẹ irrioya ọ re ẹdẹnẹrẹ na wa khin, a wa rri ima oya, a fa ima an. Ma ye vbe okhuo ne ọ te ra biẹ, sokpan orhiọn i rrọ ẹre re ne ọ gha ya biẹ ọe.

Aizaia 5:5

“Vbene I ra ru ogba mwẹ hẹ ọ re ọna khin. I gha guọghọ ogba ne I gba ga ẹre hin rre, I ghi vbe guọghọ ekẹn ne ọ te degue ẹre. I ghi vbe gie aranmwẹ oha rri ọe, ne iran vbe ya owẹ rrilo ẹe muotọ.

Aizaia 63:3

E Nọyaẹnmwa keghi wanniẹn wẹẹ, “Mẹ ya owẹ rrilo avbe uhunmwu ẹvbo ginna otọ nẹ zẹ vbe alimo azara, ọmwa ne ọ rre do yọmwẹ obọ i rrọọ. I ya owẹ rrilo iran ginna otọ vbe ohu mu mwẹ, esagiẹn iran keghi gbe gba ẹwu mwẹ hia.

Aizaia 63:6

Vbe uwu ne ohu na mu mwẹ nii, I keghi, ya owẹ rrilo avbe uhunmwu ẹvbo ginna otọ I keghi duẹ iran an, I keghi hihiẹẹ, esagiẹn arrọọ iran yotọ.”

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Eve Orriara 1:5

Obọ avbe eghian rẹn ke ukhunmwu iran mu ẹre izẹghede. E Nọyaẹnmwa ru ẹe ne ọ rrioya ye orukhọ ne ọ ru hia iran munọ avbe ivbi ẹre hia oghunmwu hẹ gha rrie.

Eve Orriara 2:2

E Nọyaẹnmwa wa rẹnkhẹẹn igue hia ni rre Juda a vbe ne a i na vbe mwẹ itohan ọ kevbe guọghọ odin ne a te gba ga ẹvbo nii uan ọ keghi vbe fa otọe arriọba nii kevbe avbe ọkaolotu ẹre ua.

Eve Orriara 2:8

E Nọyaẹnmwa wa tae nẹ wẹ te ekẹn e Zaiọn gha de guọghọ ua. Ọ keghi mwa ẹnrẹn ne a miẹn ehe na miẹn wẹ, te a fuẹn ọnrẹn fo fẹẹrẹ. Ke owa ọkhẹ kevbe ekẹn ọnrẹn, itowa ehia ghi khin.

Ezikiẹl 7:7

Ufomwẹ dee ne uwa ni rre otọe nii. Ẹghẹ dee ne ai ghi ra na gha do ugie ọyọ vbe avbe uhunmwu oke, otighi ghi gha rre ehia.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Zẹfanaia 1:15

Ẹdẹ ohu nọkhua khian gha nọ, ẹdẹ ọlọghọmwa kevbe ibaro, ẹdẹ ọrhiae kevbe ọfuan, ẹdẹ ebiebi kevbe akhiẹ, ẹdẹ ne ọ vuọn ne okuku kevbe ne ọ siere ua.

Matiu 24:16

“Ẹghẹ ni wa ni rre Judia hia, wa lẹ gha rrie uhunmwu oke.

Iyẹn ne ọ Maan Ọghe Luk 23:30

Ẹdẹ ne ẹdẹrriọ ọre emwa gha khama oke nekhua wẹẹ, ‘De rhu ima!’ kevbe avbe oke negiẹrẹ wẹẹ, ‘Gue ima muotọ.’