Aizaia 22:15 - Edo Bible (E Baibol Ẹdo) Version 1996

¹⁵ E Nọyaẹnmwa ne Oghodua keghi tama mwẹ wẹ ne I gha rrie ọghe Siebna, ne ọ re ọdia ne ọ gbearoghe igiowa ọba, ne I ya tama rẹn wẹẹ,

Aizaia 22:15 ပူးပေါင်းရင်းမြစ်များ

I Ọba 4:6

Ọka ibiẹguae: Ahisia. Ọmwa ne ọ gbearoghe iwinna ne a ye ẹtin mu emwa winna: Adoniram ne ovbi Abda.

II Ọba 10:5

Rhunmwuda ọnii, iran ni gbe aro ghe ẹguae, kevbe iran ni gbearoghe ore ẹvbo kevbe avbe ekamakodin ẹvbo nii, kevbe iran ni gbe aro ghe iran, keghi gie ne a tama e Jehu wẹẹ, “Eguọmwadia ruẹ ma khin, ma vbe mu egbe ne ima ya ru emwi ne u a rhirhi wẹ ne ima ru. Sokpan, ma i ma ọmwaikọmwa ọba; ru emwi ne uwẹ ghi rẹn ighẹ ọ ke sẹẹ.”

II Ọba 18:18

Iran gie wẹ ne a tie Hẹzekaia ne ọba rre, ọ re eha vbe uwu avbe ekhaẹmwẹ ọnrẹn na bu iran gha khian, iran na kegha re Eliaikim ne ovbi Hilkaia, ne ọka ẹguae, e Siebna, ne ọgbenbe ẹvbo kevbe Joa ne ovbi Asaf nọ sin emwi ẹro.

II Ọba 18:26

Ẹre Eliaikim, Siebna kevbe Joa na kha wẹẹ, “Zẹ Aremia ya gha gu ima guan enọwanrẹn ighẹ ma họn, ghẹ ghi zẹ e Hibru, iran hia ni tẹn lele egbekẹn gha danmwehọ.”

II Ọba 18:37

Ẹre Eliaikim, Siebna kevbe Joa na sọ ukpọn iran an vbe akhiẹ, iran na ya na iyẹn ẹmwẹ ne ekaokuo Asiria do ta ma rẹn.

II Ọba 19:2

Ọ keghi gie Eliaikim ne ọkaẹguae, e Siebna ne ọgbenbe iko kevbe ohẹn ne ọdiọn bu Aizaia ne ovbi Amọz. Iran keghi yọ ukpọn akhiẹ.

I Krọnikol 27:25

Eni emwa ni gha gbearoghe emwi ọba ọre ena khin: Aza ọghe ọba: Azmavẹt ne ovbi Adiẹl Aza ni rre dọmwadẹ ẹvbo: Jonatan ne ovbi Uzaia Iwinna ugbo: Ezri ne ovbi e Kiẹlub Ugbo emwiokọ: Simẹi ne ọ ke Rama rre Aza ayọn: e Zabdi ne ọ ke Siefam rre Erhan oliv kevbe sikamọ: (ni rre ototọ oke vbe owẹn ota) Bal Hana ne ọ ke Gede rre Ofigbọn oliv ne a dọlọ yi: e Joas Avbe ẹmila ni rre otọe ni rriẹe vbe Siarọn: Sitrai ne ọ ke Siarọn rre Ẹmila ni rre iya: e Siafat ne ovbi Adlai E kamẹl: Obil ne ọmwa Ismaẹl Ekẹtẹkẹtẹ: E Jedaia ọmwa Meronot Ohuan kevbe ẹwe: Jaziz ne ọmwa Hagrit.

Aizaia 36:11

Ẹre Eliaikim, e Siebna kevbe Joa na tama avbe ọkaokuo nii wẹẹ, “Zẹ ẹvbo Aram ma ima. Ma wa họn, ghẹ ghi zẹ e Hibru, emwa ni tota lele uhunmwu ekẹn na wa danmwehọ.”

Aizaia 36:22

Ẹre Eliaikim, Siebna kevbe Joa na yanghan ukpọn iran an, iran na ya tama Hẹzekaia, ẹmwẹ ne avbe ivbiyokuo Asiria tae.

Aizaia 36:3

Ivbi e Juda eha keghi rre do vba ẹre, iran eha ni gbearoghe ẹguae, ena ọre Eliaikim ne ovbi e Hilkaia, ọgbenbe ẹguae ighe Siebna, kevbe Joa ne ovbi Asaf, ne isiẹnmwẹro.

Aizaia 37:2

Ọ keghi gie Eliaikim ne ọ gbearoghe ẹguae, e Siebna ne ọgbenbe ẹguae, kevbe eniwanrẹn ohẹn bu akhasẹ ighẹ Aizaia ne ovbi Amọz. Ukpọn akhiẹ ọ re iran vbe hẹ rhuan.

Iwinna 8:27

Rhunmwuda ọnii, Filip mu egbe, ọ na gha khian. Ọghẹrriẹnoguan ọkpa, ọmwa Etiopia keghi ke ehe di owa. Okona keghi wa re ọmwa kpataki, rẹn ọrọre ọmwa ne ọ gbe aro ghe aza ọba nokhuo ra Kandes ọghe Etiopia. Te irẹn yo Jerusalẹm ya ga Osanobua.