Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aizaia 22:12 - Edo Bible (E Baibol Ẹdo) Version 1996

12 Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

အခန်းကိုကြည့်ပါ။ ကော်ပီ




Aizaia 22:12
31 ပူးပေါင်းရင်းမြစ်များ  

E Jerimaia ne akhasẹ vbe gbẹn ihuan ya viẹ e Josaia ne ọba. Ihuan na ọ re iran ni so ihuan, ikpia kevbe ikhuo ghi ya khiẹ ọre vbe iran a gha khiẹ ọre. Te ọ ghi do khian iyi otọ ne iran gha ru ẹe vberriọ. Ihuan na rre usun avbe ihuan akhiẹ ne a si koko.


I ghi họn ẹmwẹ na, I keghi sọ ẹwu ye egbe mwẹ urhu, I na zanzan eto kevbe ẹtu mwẹ uan, I na de guo.


“U miẹn oya ne avbe erhamwa odede re vbe Igipt. U keghi họn vbe iran tu nọ iyobọ ọkpẹn Okun Iranmwiran.


Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.


Rẹn mwamwa ẹghẹ ne emwi hia kei yi ye otọ nẹ. Ọ vbe rhie ne ima ne a gha ho ne a rẹn vbene ẹdẹ nakhuẹ ra gha ye hẹ, sokpan, ọ ma gie ẹko ẹre vuọn ima wẹ ma rẹn otọ emwi ne ọ ru ẹsẹse.


ọ rhie ẹghẹ yọ ne a ya ru akhiẹ, ọ rhie ẹghẹ yọ ne a ya ku,


Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.


A gha rhe miẹn wẹ u tohan emwa dan iran i ye ruẹ vbene a ru emwi ẹse he uhin vbe ẹvbo ẹmwata ne a ye vbe emwa na te iran ye ru emwi dan. Iran ma ho ne iran miẹn ukpọlọmwẹ ruẹn kue.


Ọghe Jerusalẹm tobọẹre, ne ọ vbe re Ogiukpo Osanobua fo vbe otọ. Ọghe ẹvbo nii ne Devid bu agọ yi fo vbotọ. Gie ukpo okpa ra eva ọvbehe deba ugie kevbe emwi ukpo ne a ru vbọ vbe rre ne ọ vbe rrie,


Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!


Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.


E Hẹzekaia ne ọba ghi wa họn ẹmwẹ na, ọ ke yanghan ukpọn rẹn uan, ọ keghi hẹ ukpọn akhiẹ ye egbe, ọ na gha rrie Ọgua Osa e Nọyaẹnmwa.


Ọ keghi gie Eliaikim ne ọ gbearoghe ẹguae, e Siebna ne ọgbenbe ẹguae, kevbe eniwanrẹn ohẹn bu akhasẹ ighẹ Aizaia ne ovbi Amọz. Ukpọn akhiẹ ọ re iran vbe hẹ rhuan.


Emwa nii nọrẹn wẹẹ, “Vbọzẹ ne ima gha na gha ya aguẹ yi adeghẹ e Nọyaẹnmwa i dẹghe ẹre. Vbọzẹ ne ima gha na gha ya ohanmwẹ rriegbe adeghẹ rẹn i zẹ yọ.” E Nọyaẹnmwa tama iran wẹẹ, “Ẹmwata ne ọ rrọ ọrọre wẹ ẹghẹ ne uwa na rre aguẹ, iwinna obọ uwa ọ re uwa mu aro da, wa ghi vbe gha wọ iran ni winna ne uwa uhunmwu.


Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.


“Ghẹ la owa ne ọmwa ne gbe ẹbu gha rri evbare. Ghẹ gu iran tota ne u da ayọn.


Rhunmwuda ọnii wa viọ ukpọn akhiẹ yọ, wa gha tu wa gha viẹ egbe. Rhunmwuda, ohu nọkhua ọghe Nọyaẹnmwa ma he la hin e Juda uhunmwu rre.


Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.


Iran zẹ eto iran ne uẹn, iran keghi viọ ukpọn akhiẹ ye egbe. Ekhọe iran hia rriara, vbe iran viẹ nii.


Ọ ghi sẹ asọn ọkpa, e Bẹlsiaza keghi giee ne a tie emwa ni sẹ ekpe arriaisẹn gha die evbare eghọ nọkhua. Iran hia keghi gba gha da ayọn.


Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.


Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.


Wa ne avbe emwa, wa gha viẹ vbe ọmọ okhuo ne ọ viẹ uwu ọdọ ne ọ te ra rọnmwẹ.


“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:


Ohẹn ne ọ ga e Nọyaẹnmwa vbe ẹkpo onurho kevbe Ogiukpo Ọgua Osa, te iran gha viẹ ne iran gha na erhunmwu wẹẹ, “Tohan emwa ruẹn Nọyaẹnmwa, ghẹ gie ẹvbo ọvbehe zan mwa ra ne iran ya ima gha gbe ogie kha wẹẹ, ‘Osanobua uwa vbo?’ ”


I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.


Ugbẹn vbe ọba e Ninevi ghi họn, ọ keghi kpaegbe vbe ẹkete ọ keghi ban ẹwu ẹre mu fua, ọ na viọ ukpọn akhiẹ yọ, ọ na tota ye uwu emuẹn.


Wa ne ivbi e Juda, wa zẹ eto uwa ne uwa ya khiẹ emọ ne uwa ho ẹmwẹ ọnrẹn. Wa gie akpan gha rre uwa uhunmwu zẹ vbene ọghe ugu ye, rhunmwuda, a gha miẹn uwa ivbi uwa viọ gha rrie iwe.


Banbanna nian, wa danmwehọ mwẹ, wa ni fee. Wa gha viẹ, wa gha viẹ eve orriara ye ẹmwẹ ọkhọ ne ọ ra do sunu vbe egbe uwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ