Aizaia 22:11 - Edo Bible (E Baibol Ẹdo) Version 1996

¹¹ wa keghi, fian ọghọdọ ye adesẹ ore ẹvbo ne amẹ ne ọ lẹ ke odighi nẹdẹ rre miẹn gha lẹ hẹnhẹn yi, sokpan, wa ma zẹye ọghe Osanobua ne ọ mwamwa emwi na hia nẹkpo i mwẹẹ arria gha dee, ọmwa ne ọ vbe gie ẹe gha sunu.

Aizaia 22:11 ပူးပေါင်းရင်းမြစ်များ

II Ọba 20:20

Avbe emwi ọvbehe hia ne Hẹzekaia ru, iwinna udinmwẹ ọnrẹn, iyẹn vbene ọ bọ owa amẹ hẹ, kevbe ne ọ fian uroramẹ ne ọ miẹn ehe na si amẹ sẹ ore ẹvbo hẹ, a gbẹnnẹ ehia ye Ebe Okha Avbe Ọba Juda.

II Ọba 25:4

Iran keghi guọghọ ihe eso vbe ekẹn ne a gbe lẹga ẹvbo nii. A gha rhe miẹn wẹ te ivbi e Babilọn wa tan obọ khinkhian ẹvbo nii, avbe ivbi iyokuo ni rrọọ hia lẹkua vbe asọn. Iran keghi la odẹ ogba ọghe ọba ladian, iran keghi la onurho ne ọ rre ehe ne ekẹn eva na miẹn egbe, iran le le odẹ ne ọ rrie Iya e Jọdan.

II Krọnikol 6:6

Sokpan banbanna nian, I zẹ e Jerusalẹm zẹ vbe ehe ne a gha na gha ga mwẹ kevbe uwẹ ne Devid ne u gha khaemwisẹ yan emwa mwẹ!’ ”

Nehimaia 3:16

E Nehimaia ne ovbi Azbuk ne ọ kha yan obọkpa vbe otọ e Bẹtzọ keghi bọ ako ne ọ diake ẹe, ya sẹ idin e Devid, ọghọdọ kevbe agọ ivbiyokuo.

Aizaia 17:7

Ọ gha sẹ ẹdẹ nẹdẹrriọ, emwa gha lẹ bu Ayi ne ọ yii iran ne ọ re Osanobua Nọhuanrẹn ọghe Izrẹl rre ne ọ do ru iyobọ ne iran.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Aizaia 7:3

E Nọyaẹnmwa keghi tama Aizaia wẹẹ, “Rhie ovbuẹ ighe Sia Jasiub mwẹ obọ, ne u ya vba Ọba Ehaz. U gha miẹn ọẹn vbe odẹ nii ne iran ni do ukpọn na winna, vbe ukpe uvun ne amẹ lẹ la ke ẹzẹ ne ọ ke odọ rre.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Jerimaia 39:4

Ugbẹn vbe Zedekaia ne ọba kevbe avbe ivbiyokuo ẹre ghi miẹn vbene emwi ye hẹ, iran kegha ho ne iran lẹkua hin ẹvbo rre vbe asọn. Iran keghi la odẹ ogba ọghe ọba, iran na lele onurho ne ehe ne ekẹn ọlẹga eva na vba egbe iran na lẹẹ mu aro da odẹ Iya e Jọdan.

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.