Aizaia 22:1 - Edo Bible (E Baibol Ẹdo) Version 1996

¹ Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Aizaia 22:1 ပူးပေါင်းရင်းမြစ်များ

Gẹnẹsis 21:17

Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ.

II Samuẹl 14:5

Ọ na nọ rẹn wẹẹ, “Vbe u a ho ne I ru nuẹn yi?” Rẹn keghi wanniẹn wẹẹ, “Okhuo ne ọ de ẹgbẹe ọre I khin, enọwanrẹn. Ọdafẹn mwẹ wu nẹ.

II Ọba 6:28

De emwi ne ọ ruẹ yi?” Okhuo ni keghi wanniẹn wẹẹ, “Ọ ghi sẹ ẹdẹrriọ, okhuo na ne ọ rre emwa na keghi khama mwẹ wẹ ne ima gbe ovbi mwẹ re, ẹdẹ gha gbe ne a vbe gbe ọghe ọe re.

Psalm 114:5

Vbọkhin yi, Okun ne u na lẹ fua? Kevbe uwẹ Jọdan, ne u na dobọ ulẹmwẹ yi?

Psalm 125:2

Zẹ vbene oke lẹga Jerusalẹm, erriọ Nọyaẹnmwa lẹga emwa rẹn banbanna kevbe ẹdẹdẹmwẹdẹ.

Itan 29:18

Ẹvbo ne Osanobua i gie odẹ ma, ẹvbo ne ọ ma dehẹnhẹn nọ. Afiangbe ọrọre ọghe ọmwa ne ọ rhie uhi Osanobua lẹre.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 15:3

Emwa ni khian vbe ore viọ ukpọn akhiẹ rhuan, emwa gha viẹ, iran vbe khiẹ vbe adesẹ ughe kevbe ẹrhunrhun owa.

Aizaia 22:5

Ẹghẹ ulẹ ọbanban ọna khin, ẹghẹ a khọn ọmwa muotọ kevbe iro hanrẹn vbe Iya Umian, e Nọyaẹnmwa, Oghodua ne Osanobua ne Udazi, ọ re ọ ru ima ọna. Ekẹn ne a gbe lẹga ẹvbo mwa khian ne a rẹnkhẹẹn uan, utumwẹ wa bu rre kegha migbo vbe uhunmwu oke.

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”

Jerimaia 21:13

E Jerusalẹm, wẹ tota ye ehe ne ọ yo sẹ avbe iya ẹsẹse, zẹ vbe okuta nọkhua, ne ọ yo sẹ otọe ne ọ rriẹe ẹsẹse. Sokpan, I gha guẹ gbinna. U khare wẹ ọmwa ne ọ gha sẹtin dekun ruẹn i rrọọ ra ọmwa ne ọ gha sẹtin ha emwi ne u ya gba ogba ga egbe i rrọọ.

Jerimaia 32:29

Iran ghi vbe mu erhẹn yọ. Iran gha giẹn ọnrẹn sotọ, deba avbe owa nii ne emwa na ya gha ye ohu mu mwẹ vbekpa ne iran na gha giẹn eturari ne Baal vbe okpo, kevbe ne iran na gha sa ayọn imuohan kua ne avbe ẹbọ.

Jerimaia 32:32

Rhunmwuda emwi dan ne ivbi e Juda kevbe ivbi e Jerusalẹm he ru, iran kevbe avbe ọba kevbe avbe olotu iran, avbe ohẹn kevbe avbe akhasẹ iran.

Jerimaia 48:38

Akhiẹ Ọ re ọ ghi rre ehe hia vbe ẹrhunrhun owa kevbe ughe e Moab hia, rhunmwuda, I guọghọ Moab nẹ zẹvbe esago nẹi yẹ ọmwa rhọkpa.

Joẹl 3:12

“Te avbe uhunmwu ẹvbo gha mu egbe, ne iran gha die Iya Ibuohiẹn. Evba mẹ ne Nọyaẹnmwa ra na tota, ne I bu ohiẹn, avbe ẹvbo ni lẹga eni hia.

Joẹl 3:14

Arriaisẹn inu ne ọ khin, wa rre Iya Ibuohiẹn, evba nii ọ re ẹdẹ e Nọyaẹnmwa gha na rre ban.

Maika 3:6

“Wa ne avbe akhasẹ, ẹdẹ uwa rrie dọn ọn, ebi avan ra ro uwa. Rhunmwuda ne uwa na de emwa odẹ, wa i ghi ra miẹn umian akhasẹ ọvbehe, wa i ghi ra dọlegbe sẹtin ta emwi ne ọ gha he sunu ye otọ.”

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Matiu 10:27

Emwi ne I tama uwa vbe ebiebi, wa gha rrie azagba ya tae ladian, emwi ne uwa họn ẹn vbe ẹkhokho, wa ya wewẹe vbe ẹrhunrhun owa.

Ebe ne Pọl gbẹẹn gie emwa Rom 3:2

Ẹsẹse, vbe ẹmwata, vbe odẹ hia. Vbe ne okaro, avbe Ju ọre Osanobua rhie ẹmwẹ ọnrẹn nẹ rhie mwẹ.

Diuteronomi 22:8

“U gha bọ owa ọgbọn, ghẹ mwẹ u ma ru emwi ne a dayi lẹga ehọ okhiẹ ọ re. Ẹghẹ nii, ẹ i ghi rre urhu ruẹ ọ re ọ ye a deghẹ ọmwa defua, ọ na wu.

Giọgis 18:23

Iran na go yan iran. Ẹre emwa e Dan na fi egbe werrie, iran nọ e Maika wẹẹ, “Vbe ọ khin na yi? Vbe iran na si ọbọbọ rrie?”

I Samuẹl 11:5

Ẹghẹ na, e Sọl wa ke ugbo dee ke ẹe kevbe avbe ẹkhuia ẹmila ẹre, ọ keghi nọ wẹẹ, “De emwi ne ọ sunu yi? Vbọzẹ ne emwa hia na viẹ yi?” Iran keghi na iyẹn ma rẹn vbene emwa ni ke Jabẹs rre kha hẹ.

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.