Aizaia 21:9 - Edo Bible (E Baibol Ẹdo) Version 1996

⁹ Wa ghe vbe iran wa dee nian ighẹ avbe ikpia ni hin ẹsin, ni vbe rre uviẹn eveva, odibo ne ọ bodẹ nii ọ re ọ kha vberriọ, “E Babilọn de guọghua, avbe ẹbọ ne iran gho hia wa rre otọ bẹẹrẹ, ehia rẹnkhẹn uan.”

Aizaia 21:9 ပူးပေါင်းရင်းမြစ်များ

Aizaia 13:19

E Babilọn ọrọre otọe arriọba ne ọ mose sẹẹ vbe uwu ehia, emwi ne emwa rẹn ya hio nọ. Sokpan mẹ ne Nọyaẹnmwa gha dunmwu e Babilọn uan zẹ vbene i ru e Sọdom kevbe Gomorra.

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Aizaia 21:7

Ọ gha miẹn avbe ikpia ni hin ẹsin dee ni re eveva, kevbe avbe ikpia ni hin ekẹtẹkẹtẹ kevbe e kamẹl, wẹ ne ọ gbe aro kotọ ghe iran ẹsẹse.”

Aizaia 47:5

E Nọyaẹnmwa tama e Babilọn wẹẹ, “Tota ne u hunwan hii vbe uwu ebiebi a i ghi dọlegbe tie ruẹ oloi avbe uhunmwu ẹvbo!

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Aizaia 48:14

“Wa hia si koko, ne uwa danmwehọ! Ọkpa i rrọ vbe avbe ẹbọ ne ọ sẹtin tae yotọ wẹ ọmwa ne imẹ zẹe gha mu okuo yo Babilọn; emwi ne I ho ne ọ ru, ọ re ọ ra ru.

Jerimaia 50:29

“Wa tama iran ni fi uhanbọ ne iran dekun e Babilọn. Wa gie iran gha khian ighe avbe emwa ni ghi guara fi uhanbọ kevbe ifẹnmwẹ. Wa ghae ga ẹvbo nii, wa ghẹ vbe gie ọmwarhọkpa miẹn uhunmwu vbọ. Wa ru ẹre emwi hia ne irẹn vbe ru emwa re werriegbe. Wa hae nẹ zẹ vbene irẹn ka ru. Rhunmwuda, uhiomwẹ ọ re ọ ya yin da mwẹ, mẹ ne ọmwa Nọhuanrẹn ọghe Izrẹl.

Jerimaia 50:38

Ghẹ gie amẹ rhọ ye otọ ẹre, vbe si avbe ẹzẹ ọre ka. Otọe amazẹ ni mu ohan ọre Babilọn khin ọ na vbe ya avbe emwa nii khian akpa.

Jerimaia 50:42

Iran viọ uhanbọ kevbe umozo iran mwẹ obọ nẹ ekhọe iran wegbe, iran i vbe mwẹ itohan urhu iran yevbe ọghe okun ne ọ vannọ vbe iran a gha hin ẹsin iran khian. Iran mu egbe ne iran ya khọn e Babilọn.

Jerimaia 50:9

I ra ya bọ avbe uhunmwu ẹvbo eso ni wegbe vbe odẹ okuọ yọ ne iran dekun e Babilọn. Iran gha mwamwa egbe ye okuo ghe ẹvbo nii, iran ghi khọn rẹn, ohuẹ ni guee ẹsẹse ọ re iran khin, iran ni fi ifẹnmwẹ nẹi ba emwi ku.

Jerimaia 51:27

“Wa ta ẹe ne iran suẹn igbinna! Wa kpe okpe nii ne avbe agbọn ẹvbo hia miẹn ehe na họn. Wa mu avbe uhunmwu ẹvbo hia egbe yotọ khẹ okuo ne iran gu e Babilọn gbinna. Wa tama avbe otọe arriọba Ararat, e Mini kevbe Askẹnaz ne iran dekun ẹnrẹn. Gie ọkaokuo ne ọ ke odaro igbinna nii. Viọ avbe ẹsin rre zẹ vbe oibirri irhiso.

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:47

“Rhunmwuda ọnii, ẹghẹ dee ne I gha na ru avbe ẹbọ e Babilọn emwi. Ekhue gha mu ẹvbo nii hia, a gha vbe gbele emwa rẹn hia a.

Jerimaia 51:52

Rhunmwuda ọnii nian, I khare wẹ ẹghẹ dee ne I gha na ru avbe ẹbọ e Babilọn emwi, emwa ne emwi vbare ghi gha solo vbe otọe ni hia.

Jerimaia 51:64

U ghi vbe kha wẹẹ, ‘Emwi ne ọ ra rruan e Babilọn ọ re ọ na khin ọ gha dinmwi, ẹ i ghi ra vbe dọlegbe laghe odukhunmwu, rhunmwuda ọkhọ ne Nọyaẹnmwa ra gie ẹe do sunu vbe egbe ẹre.’ ” Ẹmwẹ e Jerimaia fo vbe emwa.

Jerimaia 51:8

E Babilọn de udemwẹ udomwurri, ọ keghi rẹnkhẹn uan. Wa khiẹ ọre! Wa gualọ ukhunmwu rhie ye ọre ẹwẹn, u gha ghe, ọ gha rrie.

Arhie Maan 14:8

Odibosa ogieva keghi lele ne okaro, ọ khare wẹ, “Ọ de guọghọ ua nẹ, Babilọn nọkhua de guọghọ ua nẹ, Ọ mu ayọn ne emwa, ọ si iran da ẹe ayọn ne ọ wo vbe egbe ọghe orriarria alama oghẹ ọre!”

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.