Aizaia 21:4 - Edo Bible (E Baibol Ẹdo) Version 1996

⁴ Aro wa lẹga mwẹ, te I ghi guọ zẹzẹzẹ rhunmwuda ohan. Te I ghi khẹ wẹ ne ẹdẹ mu sokpan, ọnii ma vbe rhie emwi rhọkpa gunmwuẹ gberra ohan.

Aizaia 21:4 ပူးပေါင်းရင်းမြစ်များ

I Ọba 1:49

Ẹre ohan na mu emwa ne Adonaija tie sẹ owa, iran keghi gua kpao, edọmwadẹ ọghọe na lele odẹ ọre gha rrie.

Ẹsta 5:12

E Haman keghi rhie te ẹe wẹẹ, “Ne ọ ghi wa sẹ vbe ena hia, ọmwa ọvbehe ne Ẹsta ne Oloi le evbare tie sẹ owa ẹ i rrọọ gberra ọba kevbe imẹ. Ọ wẹ ne ima vbe dọlegbe gha dee akhuẹ.

Psalm 55:5

Ohan kevbe uguọmwẹ dobọ mu mwẹ, ohan ọyunnuan mu mwẹ guẹ.

Psalm 55:6

Akpawẹ te imẹ mwẹ ifuẹn zẹvbe idu, te I gha tin fua, ne I ya gualọ ihọkpa na kẹtin.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 51:39

Te iran zuan ra? I gha le evbare ne iran, I gha ya ayọn ne iran da, iran ghi vbe gha ghọghọ. Iran gha ya vbiẹ vbe ne iran i ghi ra na rhiọrre ọvbehe.

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Daniẹl 5:1

Ọ ghi sẹ asọn ọkpa, e Bẹlsiaza keghi giee ne a tie emwa ni sẹ ekpe arriaisẹn gha die evbare eghọ nọkhua. Iran hia keghi gba gha da ayọn.

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Daniẹl 5:5

Vbe udomwurri, obọ ọkpa keghi ladian, ọ keghi gha gbẹnnẹ emwi ye egbekẹn ẹguae ne a wiẹn rẹn nii, ehe ne a vbe ukpa ne a rhu lele enii na kakabọ baa ẹse. Ọba keghi vbe bẹghe vbe obọ nii gbẹnnẹ emwi.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Diuteronomi 28:67

“Udu uwa ghi gha hagha ye emwi kemwi ne uwa a rhirhi dẹghe owiowiẹ, wa ghi te gha ho ne ọ gha re ota, kevbe otota, wa ghi te gha ho ne ọ gha re owiẹ.

Diuteronomi 32:11

Zẹ vbe oghohọn ne ọ ma ivbi ẹre utinmwẹ, ne ọ na ye ifuẹn ne a rhanrẹn da iran yi, e Nọyaẹnmwa ma gie Izrẹl de.