Aizaia 21:3 - Edo Bible (E Baibol Ẹdo) Version 1996

³ Emwi ne I họẹn kevbe ne I miẹn vbe umian nii, sii ohan kevbe obalọ yọmwẹ egbe, obalọ ne ọ yevbe ọghe okhuo ne emwi ubiẹmwẹ ru.

Aizaia 21:3 ပူးပေါင်းရင်းမြစ်များ

Psalm 48:6

Evba ọ re oguozizi kevbe irriakọn na dobọ mu iran ẹkun. Zẹvbe okhuo ne emwi ubiẹmwẹ ru.

Aizaia 13:8

Ehia gha runran, obalọ ghi la iran egbe, zẹ vbe obalọ okhuo ne emwi ubiẹmwẹ ru. Iran gha ya ohan tanro ye egbe egbe, ekhue ghi giẹn iran aro hia a.

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 16:11

I ya akhiẹ viẹ eve orriara ne Moab, kevbe eve oya ne Kẹ Hẹrẹs.

Aizaia 16:9

Banbanna nian, I viẹ ugbo azara e Sibma, I vbe viẹ Jazẹ. Ameve rhọ vbe aro mwẹ ne Hesbọn kevbe Elealẹ rhunmwuda, emwiorhọ i rrọọ ne ọ gha ya ẹko avbe emwa nii gha rhiẹnrhiẹn.

Aizaia 26:17

Nọyaẹnmwa, wẹ ọ re ọ ya ima tu ladian zẹ vbene okhuo ne emwi ubiẹmwẹ ru tu ladian vbe obalọ.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 48:41

A ghi vbe khọn mu avbe okpẹvbo kevbe ehe ne a gbe odin gaa ni rrọ hia. Vbe ẹdẹ ne ẹdẹrriọ, avbe ivbiyokuo e Moab ghi gha guọ zẹzẹzẹ vbe okhuo ne emwi ubiẹmwẹ ru.

Jerimaia 49:22

Avbe eghian gha hẹrhu e Bozra zẹ vbe oghohọn ne ọ vin ghe otọ kẹe ke ifuẹn ne a rhanrẹn vbe ẹdẹ ne ẹdẹrriọ, ivbiyokuo Idọm ghi gha guọ zẹzẹzẹ zẹvbe okhuo ne emwi ubiẹmwẹ ru.”

Jerimaia 50:43

Ọba e Babilọn họn ẹmwẹ na, obọ ẹre keghi luẹluẹ, akhiẹ dan dekun ẹnrẹn obalọ ne ọ yevbe ọghe okhuo ne ọ ra biẹ.

Jerimaia 6:24

Ivbi e Jerusalẹm keghi kha wẹẹ, “Ma họn ẹmwẹ na nẹ, obọ mwa keghi luẹluẹ ye ima egbe, akhiẹ kevbe obalọ hihiẹ yan mwa, zẹvbe okhuo ne emwi ubi-ẹmwẹ ru.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Iyẹn ne ọ Maan Ọghe Jọn 16:21

Emwi ubiẹmwẹ gha ru okhuo, egbe i rọkhọ ẹe, rhunmwuda ẹghẹ ne ọ gha ya rri oya sẹ nẹ, sokpan, ọ ghẹ ghi biẹ ọmọ nii nẹ, ẹ i ghi ye obalọ rre rhunmwuda, ọ biẹe rhie mwẹ.

Diuteronomi 28:67

“Udu uwa ghi gha hagha ye emwi kemwi ne uwa a rhirhi dẹghe owiowiẹ, wa ghi te gha ho ne ọ gha re ota, kevbe otota, wa ghi te gha ho ne ọ gha re owiẹ.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.