Aizaia 21:2 - Edo Bible (E Baibol Ẹdo) Version 1996

² I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Aizaia 21:2 ပူးပေါင်းရင်းမြစ်များ

Gẹnẹsis 10:22

Ivbi e Siẹm ighẹ Ẹlam, Asiọ, Apaksiad, e Lud kevbe Aram, ọre ọ vbe gha re erha odede avbe emwa na a he ẹre eni ginna iran vberriọ.

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

Psalm 119:158

I gha bẹghe avbe ọgueva nii, ẹko ghi gha hu mwẹ, rhunmwuda, iran i ya iyi ruẹ ru emwi.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 25:3

A i mu emwa ni mu ẹtin yan ruẹn gbotọ sokpan iran ni zẹgiẹgiẹ sọtẹ ruẹ.

Psalm 60:3

U gie avbe emwa ruẹn rrioya ẹsẹsẹmwẹse; te ima ghi ye owẹ ba otọ ku khian vbe ọmwa ne ayọn gbe.

Psalm 79:11

Họn utumwẹ obalọ ọghe iran ni rre eghan, ne u vbe ya ẹtin ruẹn nọkhua fannọ iran ne a bu ohiẹn uwu gbe kua.

Itan 13:15

Te emwa hia ya ọghọ ne ẹwaẹn, sokpan, emwa ne ẹ i gia mu ẹtin yan, odẹ ọfuan iran gbẹn.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Aizaia 14:7

Banbanna nian, te otọ uhunmwu ghi fu otọ agbọn hia rre, te iran ghi miẹn ehe na hẹwẹ, ihuan oghọghọ ọ re dọmwadẹ ọghọe ghi so.

Aizaia 22:6

Avbe ivbiyokuo ni ke otọe Ẹlam rre hin ẹsin dee, iran ye uhanbọ kevbe ifẹnmwẹ mu egbe igbinna. Ivbiyokuo ni ke otọ Kẹ rre vbe ye asa iran mu egbe yotọ.

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Jerimaia 45:3

U tae khian wẹẹ, ‘Egbe wọ mwẹ! E Nọyaẹnmwa vbe viọ akhiẹ ba orueghe mwẹ, egbe ne I ya tu obalọ hia guọghọ mwẹ yotọ, I ma ghi vbe miẹn egberọkhọmwẹ!’

Jerimaia 49:34

E Zedekaia ghi wa da rriọba e Juda, e Nọyaẹnmwa ne Oghodua keghi gunmwẹ guan vbekpa Ẹlam.

Jerimaia 49:35

Ọ wẹẹ, “I gha gbele avbe emwa ni fi uhanbọ hia, iran ni do ya Ẹlam khian ẹvbo ne ọ mwẹ ẹtin.

Jerimaia 50:14

“Wa ni fi uhanbọ, wa ghae ye okuo ne uwa lẹga e Babilọn. Wa ya ifẹnmwẹ uwa hia filo e Babilọn, rhunmwuda, ọ sẹ ẹmwẹ mwẹ nẹ, mẹ ne Nọyaẹnmwa.

Jerimaia 50:34

Sokpan, ọmwa ne ọ wegbe ọ re ọmwa ne ọ ra miẹn iran fan khin, e Nọyaẹnmwa ne Oghodua, ọ re a tie ẹre. Rẹn ọ re ọ ra tobọ ẹre mu ẹzọ iran gui, ọ ghi rhie ọfumwegbe ye otọ agbọn, sokpan, orueghe ghi gha re ọghe ivbi e Babilọn.”

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:53

Ọ gha khọn e Babilọn ne ọ khian la uwu iso ne ọ ya bọ ẹvbo ne a gbe odin ga ye odọ, te I gha ye gie emwa ne iran ya fuẹn ọnrẹn uan. Mẹ ne Nọyaẹnmwa taa ẹe nẹ.”

Eve Orriara 1:22

“Bu abe gbe iran ye emwi dan ne iran ru, rri iran oya zẹ vbene u rrii imẹ oya ye orukhọ ne imẹ ru. I gha khiẹkhiẹ egbe vbe uwu usẹ ekhọe mwẹ hia vbe khuọnmwi.”

Daniẹl 5:28

A ghaa ẹre, a ghaa otọe arriọba ruẹ, a na viọ ne avbe Medis kevbe Pẹsia.”

Daniẹl 5:9

Vbene ọ ghi daa ẹe sẹ ighe emwi na, ọba Bẹlsiaza keghi dọlegbe gha kuagha, avbe ekhaẹmwẹ ọnrẹn ma ghi rẹn emwi ne iran gha ru.

Daniẹl 8:2

Vbe umian nii, I ghi wa ghe vbe udomwurri, I wa rre ẹvbo ne a gbe ekẹn gaa ọghe Susa vbe iyaẹvbo Ẹlam. Ọkpẹn Ẹzẹ Ulai ọ re I mudia yi.

Daniẹl 8:20

“Ogho ne u miẹn ne ọ mwẹ igho eva nii, mudia ye ihe avbe arriọba e Midia kevbe Pẹsia.

Arhie Maan 13:10

Ọmwa ne a kha nẹ ighẹ te a ra mu ẹre izẹghede, te a ra gele mu ẹre izẹghede, ne a wẹ a gha ya umozo gbe ua, te a ra gele ya umozo gbe ẹe ua. I ziengbe kevbe iyayi ọre ọ na nọ rẹn vbe obọ emwa Osanobua.”

I Samuẹl 24:13

Wẹ họn ẹn vbe a ya ẹe kpa itan wẹẹ, ‘Emwa dan ọ re ọ ru emwi dan,’ sokpan mẹ i ra ya obọ kan ruẹn.