Aizaia 21:12 - Edo Bible (E Baibol Ẹdo) Version 1996

¹² Mẹ keghi wanniẹn wẹẹ, “Ẹdẹ wan dee nẹ, sokpan, ẹdẹ gha vbe dọlegbe mu. Adeghẹ, u ho ne u dọlegbe nọ, u ghi werriegbe rre do nọ.”

Aizaia 21:12 ပူးပေါင်းရင်းမြစ်များ

Aizaia 17:14

Iran si ohan rre vbe ẹghẹ ota, sokpan, ọ gha sẹ owiẹ, iran kpao nẹ. Erriọ ọ ra rruan iran hia ni fu emwi viọ vbe ẹvbo mwa.

Aizaia 21:11

Ọna ọrọre uhunmwu ne a gie rre vbekpa Idọm. Ọ wẹẹ, “Abodẹ, vbe ọ ra kpee sẹ hẹ ẹdẹ ke gbe yi? Tama mwẹ, vbe ọ gha kpee sẹ hẹ ọ ke fo.”

Aizaia 21:13

Uhunmwu ne a gie vbekpa Arebia ọ re ọna khin. Ivbi e Dedan, wa ne ekhẹn ekpatẹ ne okotọ ẹre sierre vbe Arebia ne ẹvbo ne ọ dihoi rua,

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Ezikiẹl 7:10

Ẹdẹ ọfuan dee. Uyinmwẹ ikẹtin ra gba ehehia. Itengbemu hin ukpo ne ọ yo.

Ezikiẹl 7:12

Ẹghẹ wa dee. Ẹghẹ nii sotọ fo, ne a gha na miẹn wẹ ne a gha dẹ emwi, ra ne a gha khiẹn i ghi mwẹ esa, rhunmwuda, Osanobua ra ye abọ okpa nii rria emwa hia ikhi.

Obedaia 1:1

Ẹmwẹ akhasẹ ne Obedaia miẹn ọre ọna khin ẹmwẹ ne Nọyaẹnmwa ne Udazi tae vbe ekpa Idọm. E Nọyaẹnmwa gie ukọ ẹre gha rrie avbe uhunmwu ẹvbo nẹ, ma vbe họn uhunmwu ne a gie iran re wẹẹ: “Wa mu egbe! Wa gie ima mu okuo gha rrie Idọm!”