Aizaia 21:1 - Edo Bible (E Baibol Ẹdo) Version 1996

¹ Uhunmwu ne ọ gie rre vbekpa e Babilọn ọ re ọna khin. Ọkhọ gha ke ẹvbo ne ọ ye afianma fian ọmwa guọnmwẹ rre, zẹ vbe ẹhoho ẹziza ne ọ la ato gberra.

Aizaia 21:1 ပူးပေါင်းရင်းမြစ်များ

Job 37:9

okpẹhoho nekhua ke odẹ ekẹn rre, ọnii ne ọ zeze ọmwa keghi ke odẹ okuọ rre.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Aizaia 14:14

U wẹ, u gha la odukhunmwu ikpakpaiso ne u do gha yevbe Oghodua.

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 17:1

E Nọyaẹnmwa khare wẹẹ, “E Damaskọs i ghi ra sẹtin gha re okpẹvbo ọvbehe, utete itowa ọ re ọ ghi ra gha khin.

Aizaia 47:1

E Nọyaẹnmwa khare wẹẹ, “E Babilọn, tuorre vbe ẹkete ruẹ ne u do tota ye ebubẹ vbe otọ. Vbe ẹghẹ ọkpa, te u te yevbe ovbialeke, ẹvbo ne a ma khọn miẹn ẹre otọ sokpan, u i ghi re ne vbukhẹ kevbe ne sọguọsọguọ ọvbehe, ọviẹn ọ re u ghi khin na.

Aizaia 5:28

Ifẹnmwẹ iran mu, uhanbọ iran vbe mu egbe ne ọ gha ya fi ifẹnmwẹ. Ibata ẹsin iran wegbe vba ematọn, owẹ ikẹkẹ okuo iran keghi vbe fi lẹga zẹ vbe ẹhoho ẹziza.

Jerimaia 51:1

E Nọyaẹnmwa khare wẹẹ, “I ra gie ẹhoho omurhia gie Babilọn kevbe emwa ẹnrẹn.

Jerimaia 51:42

Okun lẹẹ rhu e Babilọn, ọ na ya ulẹmwẹ amẹ ne ọ wee rhu ẹe ginna otọ.

Jerimaia 51:51

Wa khare wẹ, a fa ima an nẹ, a keghi gie ekhue mu mwa, egbe wa wọọ mwa yotọ rhunmwuda, avbe orhunmwuyẹn mu nọ avbe ehe nọhuanrẹn vbe Ọgua Osa ya khian ọghe iran.

Ezikiẹl 1:4

Mẹ keghi tọn aro mu, I na ya bẹghe vbe okpẹhoho hoho ke odẹ okuo dee. Ayan kegha yan ke uwu okuku amẹ nọkhua ladian, iso ne ọ lẹga ẹre kegha fi wainwain. Ehe ne ayan nii ke yan ladian, emwi okpa keghi rrọ ne ọ yan kpoo zẹ vbe oze.

Ezikiẹl 30:11

Rẹn kevbe ivbiyokuo ẹre ne ekpakpasusu gha ya dunmwu ẹvbo nii uan. Iran gha ya umozo yan Igipt tobọ ẹre. Ikun orinmwi ghi gba ẹvbo nii.

Ezikiẹl 31:12

Avbe orhunmwuyẹn ne ẹ i zama ọmwa gha tọn ọẹn gbotọ, iran ghi vbe sẹ ọe rae ye evba. Avbe abọ ẹre kevbe ẹzi ẹre ni hunnọẹn gha dele ye dọmwadẹ oke kevbe iya ni rre ẹvbo nii. Avbe uhunmwu ẹvbo ni te rre ototọ irhu ẹre hia gha kpao.

Ezikiẹl 38:9

Ke irẹn kevbe ivbiyokuo ẹre deba avbe uhunmwu ẹvbo nibun ni gue ẹe gha mu okuo yo zẹ vbe okpẹhoho, iran ghi vbe gue otọe ni muotọ zẹ vbe ubimwẹ amẹ.”

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Zẹkaraia 9:14

E Nọyaẹnmwa gha ya egbe ladian vbe uwu ẹbu emwa rẹn; ọ gha fi uhanbọ ẹre zẹ vbe ayan.