Aizaia 20:5 - Edo Bible (E Baibol Ẹdo) Version 1996

⁵ Iran ni mu ẹtin yan e Sudan, iran na vbe gha ya Igipt rhuọ, aro gha ru iran gboo, idaehọ iran ghi wu ye ihoi.

Aizaia 20:5 ပူးပေါင်းရင်းမြစ်များ

II Ọba 18:21

Te u mu ẹtin yan Igipt ne ọ ru iyobọ ne uẹn, sokpan te ọ yevbe ne ọmwa ya ovbi erhan ru ọkpọ ne ọ ya tua otọ khian, te ọ bun fua, ọ ghi so e nọyan rẹn obọ, erriọ Igipt ye vbe ọmwaikọmwa a mu ẹtin yan rẹn.”

Aizaia 2:22

Ghẹ mu ẹtin yan ọmwa ne ọ sẹtin wu. Vbe iran gbe vbe iran hẹẹ?

Aizaia 30:3

Sokpan, ọba nii i mwẹ ẹtin iyobọ ne ọ ra ru ne iran, obọ ne Igipt ra tan gue iran, ọfuan ọ re ọ ra ke ẹre ikian.

Aizaia 30:5

ivbi Izrẹl gha gbe I ma rẹn, wẹ ọ da iran ne iran na zẹdẹ ya egbe yan uhunmwu ẹvbo ne ẹ i gia mu ẹtin yan nii, uhunmwu ẹvbo ne ọ hiẹ iran vbe iran te gha khẹ iyobọ ẹre.”

Aizaia 30:7

Iyobọ ne Igipt ru i mwẹ esa, rhunmwuda ọnii ọ re I na mu ovan ne Igipt gha tie ẹre, ‘Ugbogiorinmwi ne ọmẹhẹ.’ ”

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 36:6

Te u ro ighe Igipt gha ru iyobọ ne uẹn, te ọnii ra yevbe ne ọmwa ye erhan ne wẹnrẹn ru ọkpọ ne ọ ya khian, ọ gha bun nẹ, ọ ghi so ọmwa nii obọ. Erriọ ọ re ọba Igipt ye vbe ọmwaikọmwa a mu ẹtin yan rẹn.”

Aizaia 36:9

Wa ma zẹdẹ sẹ ẹrrẹe ọkaokuo Asiria ne ọ ghi kanmwa sẹ, sevba, wa keghi rhie aro yọ wẹ Igipt gha viọ ẹsin kevbe avbe ikẹkẹ okuo gie uwa.

Aizaia 37:9

Avbe ivbi Asiria keghi họn wẹ e Tihaka ọghe Sudan viọ ivbiyokuo Igipt dee do gu iran gbinna. Ugbẹn vbe ọgbaisi ghi họn ẹmwẹ na, ọ keghi gbẹn ebe gie Hẹzekaia ne ọba

Jerimaia 17:5

E Nọyaẹnmwa khare wẹẹ, “Mẹ gha bu abe gbe ọmwa ne ọ fi iyeke gbe mwẹ, ọ na ya mu ẹtin yan ọmwa, yan ẹtin ọmwa ne ọ vbe wu.

Jerimaia 46:25

E Nọyaẹnmwa ne Oghodua, ne Osanobua Izrẹl wẹẹ, “I gha rria Amọn ikhi, ẹbọ ne Tẹbes gho, ke ẹe kevbe Igipt, deba avbe ẹbọ ẹre kevbe avbe ọba ẹre. I ra mu ọba Igipt kevbe iran ni mu ẹtin ya rẹn.

Ezikiẹl 29:16

Izrẹl i ghi ra dọlegbe mu ẹtin yan iran wẹ ne iran do ru iyobọ ne iran. Emwi ne ọ rruan Igipt gha rhie ma ivbi Izrẹl wẹ emwi ne ọ ma gba nọ ne a te mu ẹtin yan iran. Ẹghẹ nii, Izrẹl gha rẹn wẹ mẹ ọrọre Nọyaẹnmwa ne Udazi.”

Nahum 3:9

Rẹn ọ re ọ gha kha yan e Sudan kevbe Igipt, ẹtin ẹnrẹn ma vbe gha mwẹ khian sẹ evba. Te Libya ye egbe kọ ẹe.

Zẹfanaia 2:12

E Nọyaẹnmwa gha vbe gbele iran an ighe ivbi e Sudan.

I Kọrinti 3:21

Rhunmwuda ọnii, we ne ọmwa rhọkpa ghẹ ya emwi ne emwa ne agbọn sẹtin ru rhuọ: Vbe ẹmwata, wa ọre ọ yan emwi hia.