Aizaia 20:4 - Edo Bible (E Baibol Ẹdo) Version 1996

⁴ Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Aizaia 20:4 ပူးပေါင်းရင်းမြစ်များ

II Samuẹl 10:4

E Hanun keghi munọ eguọmwadia e Devid, ọ na zẹlẹ iran obọ ọkpọkpa kua vbe ẹtu iran, ọ keghi giagia iran ukpọn ke ẹkun gha die otọ, ọ na wẹ ne iran gha rrie.

I Krọnikol 19:4

E Hanun na munọ emwa ne Devid gie ẹre uhunmwu, ọ na gbẹn iran ẹtu kua, ọ na giagia ẹwu iran la ẹkun, ọ na wẹ ne iran gha rrie.

Aizaia 19:4

I gha viọ ivbi Igipt ku obọ ọba dan, ọba ne ekhọe dan ne ọ ra gha khaemwisẹ yan iran. Mẹ ne Nọyaẹnmwa ne Oghodua, ọ re ọ tae.”

Aizaia 3:17

I gha rri iran oya, I gha khiokhio iran uhunmwu, I ghi vbe gie iran gha re emwa ne eto i ghi rrọ ẹre uhunmwu.”

Aizaia 31:2

Ọ rẹn emwi ne irẹn ru. Ọ ghi gie ọfuan. Ọ ghi vbe mu ẹẹn sẹ ighẹ eyan ne ọ yan rẹn wẹ, rẹn gha rri emwa dan kevbe iran ni gbegue ne iran oya.

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Aizaia 47:2

Werriẹ olọ nii, wiẹn ọka nii! Ban ugbaleto ruẹ fua. Bannọ avbe ukpọn ruẹn ne mose mose kua kie ẹwu ruẹ ghe odukhunmwu, ne u ya fian ẹzẹ rra.

Aizaia 47:3

Emwa gha miẹn uẹn eban iran gha miẹn vbe a si ọ kẹ otọ iran gha miẹn vbe a fa ruẹ ua. I gha rria ikhi, ọmwa ne ọ gha da mwẹ obọ yi i rrọ.”

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 13:26

E Nọyaẹnmwa tobọ ẹre ọ re ọ ra bannọ uwa a, ọ ghi gie agbọn miẹn emwi ekhue uwa.

Jerimaia 46:19

Wa mu egbe ne a ra ya viọ uwa oghunmwu gha rrie, wa ne ivbi Igipt! A gha ye Mẹmfis khian ato, itowa ne ọmwarhọkpa i ye.

Jerimaia 46:26

I ghi viọ iran ne emwa ni ho ne iran gbele iran an, ne Nebukiadneza ne Ọba e Babilọn kevbe ivbiyokuo ẹre. Sokpan, ọ ghẹ ghi kpee fua, emwa gha vbe dọlegbe yin Igipt vbene ọ ka ye yi vbe ẹghẹ ne ọ gberra. Mẹ ne Nọyaẹnmwa taa ẹe nẹ.”

Ezikiẹl 30:18

Ebiebi gha so yan e Tapanhes vbe I a ghi guọghọ ẹtin Igipt, I ghi kie ẹre ukpẹ ighe ẹtin ne iran ya ghagha. Amẹ ne ọ bi gha degue Igipt. Emwa ni rre avbe okpẹvbo ẹre hia ghi khian ne a viọ ẹre oghunmwu.

Emọs 9:7

E Nọyaẹnmwa khare wẹẹ, “Wa ne ivbi Izrẹl, vbene ẹmwẹ uwa ye mwẹ vbe ekhọe ọ re ẹmwẹ ivbi e Sudan vbe ye mwẹ vbe ekhọe. E Kret ọ re I ke viọ ivbi e Filistin gha dee, I keghi viọ ivbi e Siria ke Kaa gha dee zẹ vbene I viọ uwa ke Igipt gha dee.

Maika 1:11

Wa ne ivbi Siafa, wa gha rrie iwe, vbe irhunmwuirhun kevbe ekhue. Ohan i ghi gie iran ni rre Zaanan ladian hin ore ẹvbo iran rre. Wa gha họn vbene ivbi Betezẹl ya khiẹ hẹ, wa gha wa rẹn wẹ, ehe ne a lẹre yi i ghi rre evba.

Nahum 3:10

Sevba te a ye viọ Tebis gha rrie iwe. Abọ idunmwu hia ọ re a na wa gha gbele ivbi iran la ẹrinmwi. A ye ghan rro emwa rẹn ni hin usi viọ kpao, a keghi ghaa iran ne emwa ni viọ iran oghunmwu.

Zẹfanaia 2:12

E Nọyaẹnmwa gha vbe gbele iran an ighe ivbi e Sudan.

Arhie Maan 3:18

Rhunmwuda ọnii, I gu uẹ zẹ iro nian ne u do gun mwẹ dẹ igoru, igoru ne a ma gua, ne u miẹn ehe na fe. Vbe dẹ ogbọnmwọkpa ya gha mu egbe, ne u rhuan ẹn gue irhunmwirhun efaa ne u ye. U ghi vbe dẹ ukhunmwu eso gha ya ye aro, ne u miẹn ehe na gha dẹghe.