Aizaia 20:3 - Edo Bible (E Baibol Ẹdo) Version 1996

³ Iran ghi khọn mu Asdọd nẹ nian, e Nọyaẹnmwa ke kha wẹẹ, “Ikpiaa ọ re ọ ye na ne Aizaia ne ọguọmwadia mwẹ kegha rre irhunmwuirhun ye owẹ kẹkan mama otọ lele ehe hia khian. Igiemwi emwi ne ọ ra sunu vbe egbe Igipt kevbe Sudan ọ re ọna khin.

Aizaia 20:3 ပူးပေါင်းရင်းမြစ်များ

Aizaia 19:4

I gha viọ ivbi Igipt ku obọ ọba dan, ọba ne ekhọe dan ne ọ ra gha khaemwisẹ yan iran. Mẹ ne Nọyaẹnmwa ne Oghodua, ọ re ọ tae.”

Aizaia 37:9

Avbe ivbi Asiria keghi họn wẹ e Tihaka ọghe Sudan viọ ivbiyokuo Igipt dee do gu iran gbinna. Ugbẹn vbe ọgbaisi ghi họn ẹmwẹ na, ọ keghi gbẹn ebe gie Hẹzekaia ne ọba

Aizaia 43:3

Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.

Aizaia 8:18

Mẹ rre emwa na deba emọ ne Nọyaẹnmwa viọ mẹ. e Nọyaẹnmwa ne Oghodua, ọmwa ne ẹkete ẹre rre Oke Zaiọn gie ima nẹ, zẹ vbe ẹmwẹ unu ne ọ rre agbọn, ne a gie gie emwa Izrẹl.

Jerimaia 13:1

E Nọyaẹnmwa keghi tama mwẹ ne I ya dẹ utalawẹ eto ovbiohuẹ ne I yọ ẹe, sokpan, ọ keghi vbe wẹ ne I ghẹ viọ iran ye uwu amẹ.

Ezikiẹl 12:6

Gie iran bẹghe ruẹ vbe u gha mu ihẹ ne u kunrun yan izabọ, kevbe vbe u a vbe ladian la uwu ebiebi vbe aro ne a gbalọe, sẹrriọ wẹ u i ghi bẹghe ehe ne u rrie. Emwi ne u ru ghi gha re ne a ya ta ẹmwẹ ma ivbi Izrẹl yotọ khẹ ọ dee.”

Ezikiẹl 30:4

Okuo gha sa vbe Igipt, akhiẹ nọkhua gha rre Sudan; a gha gbele enibun vbe Igipt, iran gha fu emwi ni rre ẹvbo nii viọ a ghi ya ee khian itowa.

Ezikiẹl 30:6

E Nọyaẹnmwa khare wẹẹ, “A gha gbele iran ni gbinna ne Igipt vbe okuo ke Mẹgido vbe odẹ okuọ kpao ya sẹ Asuan vbe odẹ ekẹn. A gha fuẹn ọnrẹn uan ighe ivbiyokuo Igipt ni ghagha. Mẹ ne Nọyaẹnmwa ne Udazi ọ re ọ ta ẹe.

Ezikiẹl 4:1

Osanobua keghi kha wẹẹ, “Ovbi ọmwa mu ibiriki ọkpa, mu ẹẹn ye odaro ruẹ ne u vinnọ emwi lelẹe ne a ya ẹe gie ore Jerusalẹm.

Ezikiẹl 4:3

Mu ọkpan ematọn, ne u mu ẹẹn ye ẹkpo uwẹ vbe ẹvbo nii zẹ vbe ekẹn ne a gbe. Mu aro da ẹvbo nii. Te a wa khọn rẹn na, wẹ ọ re ọmwa ne ọ khọn ẹnrẹn. Ọna ghi gha re ama ne uhunmwu ẹvbo Izrẹl.

Zẹfanaia 2:12

E Nọyaẹnmwa gha vbe gbele iran an ighe ivbi e Sudan.

Zẹkaraia 3:8

Rhunmwuda ọnii nian, danmwehọ, e Jọsua, wẹ ne ọre Ogie Ohẹn; wa vbe danmwehọ, wa ne avbe ohẹn ne ihua ẹre, wa ni re ama ọghe ẹdẹ nakhuẹ ne ọ maa. I gha rhie ẹre ladian ne a miẹn ighe ọguọmwadia mwẹ ne a tie ẹre Nene Abọ!

Nọmbas 14:34

Ukpo iyeva ọre uwa ra ya rri oya ye orukhọ uwa, ukpo ọkpa ye ikpẹdẹ ọkpọkpa ne uwa ya ghe otọe ni ghe. Wa gha rẹn emwi ne a ya kha we ne uwa si okuo mwẹ rrie egbe!