Aizaia 2:6 - Edo Bible (E Baibol Ẹdo) Version 1996

⁶ E Nọyaẹnmwa, wẹ mianmian avbe emwa ruẹn ne, ighe avbe ivbi e Jekọb. Uyinmwẹ oso ọ re ọ ghi gba otọe nii hia, ke odẹ ahọ yasẹ Filistia. Uyinmwẹ, ẹvbo ẹrrẹe ọ re avbe emwa nii ghi yin.

Aizaia 2:6 ပူးပေါင်းရင်းမြစ်များ

II Ọba 1:2

Ahazaia ne ọba Izrẹl keghi ke uhunmwu egedege ne ọ rre ẹguae ẹre vbe Sameria de gbe otọ, obọ keghi da ẹe ẹsẹse. Rẹn na rhunmwuda onii gie emwa ne iran ya nọ e Baal ne ẹbọ ivbi e Filistia vbe Ẹkrọn, ne ọ miẹn ehe na rẹn a deghẹ rẹn gha fe ra rẹn i ra fe.

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

II Krọnikol 24:20

Ẹre orhiọn e Nọyaẹnmwa na hin yan e Zẹkaraia ne ovbi e Jehoiada ne ohẹn, Ọ keghi mudia ye ehe ne emwa ni gha na bẹghe irẹn, ọ na kha wẹẹ, “E Nọyaẹnmwa Osanobua nọ uwa emwi ne ọ si ẹe ne uwa na gha rra iyi irẹn ne uwa ghi ra na ya obọ uwa si ọfuan rriegbe! Wa fi iyeke gbe ẹe nẹ, rhunmwuda ọnii, rẹn vbe fi iyeke gbe uwa.”

Nehimaia 13:23

Ẹghẹ nii, I kevbe do miẹn wẹ ikpia ni bun vbe uwu avbe Ju viọ ikhuo vbe ivbi Asdọd, Amọn kevbe Moab.

Psalm 106:35

Sokpan, iran keghi gba gha ya ọmọ ne egbe iran na gha yin uyinmwẹ igẹbọ iran.

Ẹksọdọs 22:18

“Okhuo ne ọ re oso, wa ghi gbe ẹe rua.

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Itan 6:1

Ovbi mwẹ, u khare ighe u gha mu osa hae ne ọmwaikọmwa ra?

Aizaia 14:29

Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Jerimaia 10:2

Ọ wẹẹ, “Wa ghẹ yegbe ta avbe uhunmwu ẹvbo ọvbehe. Wa ghẹ gie ama ne ọ lughaẹn ne ọ rhie egbe ma vbe iso ya ohan mu uwa, ọ gha khọn rẹn ne afianma gha fian avbe emwa ọvbehe.

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Eve Orriara 5:20

Vbu a ghi na fi iyeke gbe mwa kpee sẹrriọ hẹ yi? U gha ye ye ima rre ẹdẹ yi?

Levitikọs 19:31

“Wa ghẹ yo ọghe iran ni gu avbe emwa ni wu nẹ guan. Wa gha ru ẹe. wa gha mu awua. Mẹ ọ re Nọyaẹnmwa Osanobua rua.

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Maika 5:11

I gha guọghọ avbe okpẹvbo ni rre otọe rua, I ghi vbe rẹnkhẹn avbe emwi ne uwa ya khẹ egbe ua.

Maika 5:12

“I gha rhia rua ighe avbe ẹbọ ne uwa lo, I i ra vbe sẹ ọho ne ọ miẹn aro ọkpa kẹkan rae ne uwa.

Zẹfanaia 1:8

E Nọyaẹnmwa khare wẹẹ, “Ọ gha sẹ ẹdẹ igbemwi nii, I gha rri avbe ekhaẹmwẹ oya, deba avbe ivbi ọba, kevbe emwa hia ni lele uyinmwẹ ne ẹ i re ọghe ẹvbo iran ru emwi.

Nọmbas 23:7

E Balam keghi guan ẹmwẹ akhasẹ na wẹẹ, “E Balak ne ọba e Moab ọ re ọ rhie mwẹ ke Siria ne ẹvbo oke ne odẹ ahọ gha dee. Ọ keghi kha wẹẹ, ‘Larre do gun mwẹ guan, fi avbe emwa Izrẹl unu.’

Ebe ne Pọl gbẹẹn gie emwa Rom 11:20

Ẹmwata ọnii khin. A giagia iran kua rhunmwuda ighẹ uwẹ yayi. Sokpan, ghẹ tọn egbe mu gbe ye ẹmwẹ na, vberriọ, gie ohan gha mu ẹn.

I Samuẹl 6:2

avbe ọkaolotu iran keghi tie avbe ohẹn kevbe ọbo edunna, iran keghi nọ iran wẹẹ, “Vbe ima gha ru Ẹkpẹti Ile ọghe Nọyaẹnmwa hẹ? A deghẹ ma mu ẹẹn werriegbe gha rrie ehe ne ọ ke rre, de emwi ne ima gha rhie lele ẹe gha khian?”