Aizaia 2:19 - Edo Bible (E Baibol Ẹdo) Version 1996

¹⁹ Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 2:19 ပူးပေါင်းရင်းမြစ်များ

II Samuẹl 22:46

iran ghi gha guọ ke ogba ikhẹ igbinna iran dee.

Job 9:6

Osanobua ghi giẹ igbohiotọ, ọ ghi mu otọ rueghe, ọ ghi mu avbe orrẹ ni da agbọn yi rueghe.

Psalm 7:6

Guakpao vbe ohu ruẹ Nọyaẹnmwa. Kpaegbe mu aro igbinna da okuosu avbe eghian mwẹ, guọnmwẹ egbe ne u do yọmwẹ obọ. Ohiẹn ẹmwata ọre uwẹ gualọ.

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 2:10

Iran gha lẹ khuakhua vbe uwu uvun okuta vbe avbe oke okuta, ra iran ghi tọnnọ uvun ye uwu otọ ne iran miẹn lao hin izohu Osanobua rre, kevbe uyi ẹre rre.

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Aizaia 24:18

Ọmwa ne ọ wẹ rẹn ra lẹ ne ugborrirri nii, gha de ye uvun, ọmwa ne ọ vbe lẹ hin obọ uvun rre, ọ ghi de ye ifi. Okpamẹ nọkhua gha gbefua ke iso rre, ẹyotọ agbọn gha vbe mu rueghe.

Aizaia 24:19

Agbọn gha saa, ọ ghi guọghọ ua, ọ gha vaa, ọ ghi we unu uan yotọ.

Aizaia 30:32

E Nọyaẹnmwa gha fi iran emwi yan egbe yan egbe, avbe emwa rẹn ghi gha kpe ema kevbe ukusẹ yọ. Osanobua tobọ ẹre ọ re ọ ra gu ivbi Asiria gbinna.

Aizaia 33:10

E Nọyaẹnmwa tama avbe uhunmwu ẹvbo wẹẹ, “Banbanna nian, I gha guan yọ, I gha rhie ma uwa vbene ẹtin mwẹ sẹ hẹ.

Aizaia 7:19

Iran gha bi la avbe iya ne kpannọkpannọ nii, kevbe avbe uvun okuta, iran gha mama rhu oha igban hia kevbe otọe ne avbe aranmwẹ na rria hia.

Jerimaia 16:16

E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Jerimaia 4:29

A ghẹ ghi họn owogho avbe iran ni hin ẹsin ke ni viọ uhanbọ mwẹ dọmwadẹ ọghọe gha lẹ fua. Eso gha lẹ la uwu ẹgbo, eso gha lẹ mu uhunmwu okuta nekhua hin, a gha sẹ dọmwadẹ ẹvbo rae vbe ihoi, a i ghi miẹn ọmwa ne ọ gha diẹe ya ọvbehe.

Jerimaia 48:28

“Wa ne emwa ni rre Moab, wa kpao vbe ore ẹvbo uwa rre. Wa ya gha rre ukpe uhunmwu oke okuta! Wa ye egbe uwa do gha yevbe idu ne ọ bọ oko ye ẹzẹ ne ọ la uguowẹ okuta.

Ezikiẹl 33:27

“Tama iran wẹ mẹ ne Nọyaẹnmwa ne Udazi tama iran wẹ omwa vbe ne aro na dae wẹ mẹ ọrọre Osanobua ne ọ rrọ, te a ra gbele iran ni rre ẹvbo ne a rẹnkhuan nii hia a. Aranmwẹ oha gha rri iran ni rre avbe igue, emianmwẹ gha gbele iran ni lẹre ye uvun okuta kevbe avbe uhunmwu oke.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Maika 7:17

Iran gha wunnu la uzekhae vbe ẹyẹn. Iran gha ke owa ọkhẹ iran rre vbe uguọmwẹ kevbe ohan. Iran gha ya ohan bu e Nọyaẹnmwa Osanobua mwa rre.

Nahum 3:11

E Ninevi, wẹ tobọ ruẹ gha vbe zurọ ezurọ ọmwa ne ayọn gbe! We tobọ ruẹ gha vbe hia ne u lẹ eghian ruẹn fe.

Hagai 2:6

“Vbe ọ ma he kpee wan, I gha mu ẹrinmwi rueghe, kevbe agbọn otọe kevbe okun.

Hagai 2:7

I gha ye avbe uhunmwu ẹvbo hia uhunmwu rhu, a ghi viọ emwi ẹfe iran gha die emwa na, Ọgua Osa ghi vuọn ne emwi ẹfe.

Iyẹn ne ọ Maan Ọghe Luk 23:30

Ẹdẹ ne ẹdẹrriọ ọre emwa gha khama oke nekhua wẹẹ, ‘De rhu ima!’ kevbe avbe oke negiẹrẹ wẹẹ, ‘Gue ima muotọ.’

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.

Hibru 11:38

Agbọn na ma maa sẹ ne iran. Iran kegha kun yo kun rre vbe uwu ato kevbe uhunmwu oke, zẹ vbe emwa ne ẹ i mwẹ owa, iran kegha di uwu uvun okuta kevbe uvun otọ ya.

Hibru 12:26

Te urhu ẹre mu otọe agbọn rueghe ẹghẹ nii. sokpan wanwanna nian, rẹn tae nẹ wẹ, “Ẹ i re otọ agbọn ọkpa I gha dọlegbe mu rueghe, sokpan, kevbe ẹrinmwi ba ẹre.”

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.

Arhie Maan 16:18

Ayan kegha yan rhai rhai, avan nukhunmwu kegha vannọ yan egbe, deba igbohiotọ ọhanabe. A ma he miẹn egbe igbohiotọ na ke ne a bu agbọn tua agbọn, ọnọna ọre ọ he re igbohiotọ ne ọ rhia sẹ ehia.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 9:6

Vbe uwu uki isẹn na, emwa ni bun gha gualọ uwu, sokpan iran i ra miẹn, iran gha ho ne iran wulo sokpan uwu ghi lẹ ne iran.

I Samuẹl 13:6

Iran keghi gu ivbi Izrẹl gbinna ọghe ọhanabe, ẹ i ghi ye iran ẹse hiehie. Eso na lẹre ye uwu uvun okuta kevbe uvun otọ vbe uwu avbe okuta, deba uwu uye kevbe uhae.

I Samuẹl 14:11

Ẹre iran na gie ivbi e Filistin deghẹ iran, ivbi e Filistin keghi kha wẹẹ, “Ghe vbe ivbi e Hibru eso ke uwu uvun ne iran te lẹre yi ladian.”