Aizaia 2:16 - Edo Bible (E Baibol Ẹdo) Version 1996

¹⁶ Avbe okọ ni kọnkọn ke ni mose sẹ, ọ gha gbele ehia ye ẹzẹ.

Aizaia 2:16 ပူးပေါင်းရင်းမြစ်များ

I Ọba 10:22

Ọ keghi vbe gha mwẹ ọgbagba okọ ne ọ lele ọgbagba okọ ọghe Hiram ye uwu ẹzẹ. Ukpo eheha ọre avbe okọ ẹre ya dunmwu, iran ghi viọ igoru rre kevbe esiliva, akọn eni ọsa kevbe emẹ.

Psalm 47:7

Osanobua ọrọre ọba uhunmwu otọ agbọn hia wa so ihuan rho ẹre!

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 23:1

Uhunmwu ne a gie vbekpa Taia ọ re ọna khin. Gha go ugomwẹ akhiẹ, wa ne avbe oziguẹ ni gua vbe okun. E Taia ne eghute ẹvbo rua, a dunmwu ẹn ruan nẹ, avbe owa ni rrọ kevbe ehe ne okọ na yakọ khian itowa. Okọ uwa gha ke Saiprọs rre, wa gha họn iyẹn na.

Aizaia 23:14

Wa gha go ugomwẹ orriara wa ne avbe oziguẹ ni ke okun rre nẹ! Ore ẹvbo uwa ne uwa te ye aro khọ, a guọghọe rua nẹ.

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Aizaia 66:19

iran ghi vbe rẹn wẹ mẹ ọ re ọ rri iran oya. Sokpan, I gha sẹ eso rae vbọ, I ghi viọ iran gha rrie ẹvbo urria, iran ni ma he họn otiti mwẹ ra ne iran miẹn ukpọlọmwẹ kevbe ẹtin mwẹ. Avbe e Spen, e Libya kevbe Lidia ne emwa ni guara fi uhanbọ, kevbe gha rrie Tubal kevbe Gris. Iran gha ya na iyẹn ukpọlọmwẹ mwẹ ma avbe uhunmwu ẹvbo na.

Ezikiẹl 27:25

Avbe okọ ni kọnkọn sẹẹ kevbe ni ya ye usun ọ re ọ gha viọ emwi atẹ ruẹ rre. “Te uwẹ gha yevbe okọ ne a ye ihẹ ne ọ khua vuọn vbe okun.

Nọmbas 33:52

wa ghẹ mwẹ wa ma khulo emwa ni rre otọe nii hia hinrre. Wa ghi dunmwu amazẹ iran ne a ya okuta ra ematọn ru ruan, deba ehe ne iran na ga hia.

Arhie Maan 18:11

Emwa ni do ẹki nekhua vbe agbọn kevbe gha viẹ, iran kegha khiẹ ọre rhunmwuda, iran ma ghi miẹn ọmwa ne ọ gu iran dẹ emwi ọvbehe.

Arhie Maan 8:9

Obọ ọkpa vbe a wa emwi ni rre uwu okun ye ihe eha, keghi wulo, obọ ọkpa vbe a gha wa avbe okọ ni rre uwu okun ye eha na wa rẹnkhẹn uan.