Aizaia 2:11 - Edo Bible (E Baibol Ẹdo) Version 1996

¹¹ Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:11 ပူးပေါင်းရင်းမြစ်များ

II Samuẹl 22:28

Wẹ miẹn iran ni mu egbe rriotọ fan, u keghi si iran ni tọn egbe mu kẹ otọ.

Psalm 18:27

Wẹ miẹn iran ni mu egbe rriotọ fan sokpan, te uwẹ si iran ni tọn egbe mu kẹ otọ.

Psalm 18:28

E Nọyaẹnmwa, wẹ rhie uwanmwẹ mẹ u keghi khu ebiebi mwẹ fua.

Psalm 20:8

Emwa vberriọ gha rrua owẹ, iran ghi dele, sokpan ma gha kpaegbe, ma ghi mudia kpasi.

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 94:2

Wẹ ọ re ọ bu ohiẹn emwa hia kpaegbe, ne u ru avbe emwa ni tọn egbe mu emwi ne ọ ma iran.

Itan 16:5

Te ẹmwẹ ọmwaikọmwa ne ọ tọn egbe mu sọnnọ e Nọyaẹnmwa; ẹ i vbe gie irrioya la iran ban ẹdẹdẹmwẹdẹ.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 14:15

Sokpan ne ọ gha na te gha yerriọ, a sii ọ fi ehe ne ọ dinmwi sẹẹ vbe ẹvbo ne iran ni wulo nẹ ye vbe ototọ.

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Aizaia 24:21

Ẹdẹ dee ne Nọyaẹnmwa gha rri avbe ẹtin ni rre odukhunmwu oya deba avbe iran nikhaemwisẹ vbe agbọn.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 28:5

Ẹdẹ dee ne Nọyaẹnmwa ne Oghodua gha na yevbe ẹde obobo uyi ne emwa rẹn ni miẹn uhunmwu vbọ.

Aizaia 29:18

Ogha sẹ ẹdẹ nẹdẹrriọ, ayenhọ gha họn vbe a gha tie ebe ladian avbe arhuaro ni ka rre uwu ebiebi yi, gha rhan aro ua, iran ghi vbe dẹghe.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 4:1

Ọ gha ghi sẹ ẹghẹ ne a kha na, ikhuo ihinrọn gha de obọ mu okpia ọkpa, iran ghi kha wẹẹ, “Ma gha sẹtin koko egbe mwa, ma gha vbe sẹtin de ukpọn ye egbe mwa ẹkun, sokpan gie ima gha kha ighe wẹ ọrọre ọdafẹn ima, ne a ban ukpọn efaa ọghe okhuo ne ẹ i mwẹ ọdọ hin ima ẹkun rre.”

Aizaia 40:23

Ọ ya iran ni wegbe nikhaemwisẹ uhe sotọ ọ na ya iran khian ekẹkan fẹẹrẹ.

Aizaia 52:6

Vbe ẹdẹ ne ọ dee, wa gha miẹnkue wẹ mẹ ọrọre Osanobua, kevbe wẹẹ, I gu uwa guaan nẹ.”

Jerimaia 12:9

Te emwa mwẹ ne I hannọ zẹ ye vbe ahianmwẹ ne avbe ahua khu khian ke igienenẹ rre. Tie avbe aranmwẹ oha rre, ne iran do deba iran vbe ihe evbare ọbọbọtizọ nii!

Jerimaia 9:24

Adeghẹ ọmwa wẹ rẹn rhuọ emwi ne ọ gha ya rhuọ ọrọre wẹ ọ rẹn mwẹ ọ vbe rẹn vbene I ru emwi hẹ. Rhunmwuda ahoẹmwọmwa mwẹ i beghe, emwi ne ọ gbae kevbe ne ọ hẹnhẹn ọ re I ru. Mẹ ne Nọyaẹnmwa ta ẹe nẹ.”

Ezikiẹl 38:14

Rhunmwuda ọnii, e Nọyaẹnmwa ne Udazi keghi gie mwẹ ne I ya tama e Gọg vbene irẹn tama rẹn hẹ wẹẹ, “Banbanna nian, ivbi Izrẹl ne emwa mwẹ gha rrọ vbe ne ẹkun na sẹ iran otọ, wẹ gha wa guakpao,

Ezikiẹl 38:19

Uwu ohu nọkhua ne ọ mu mwẹ ọ re I na tae na wẹ igbohiotọ nọkhua gha sunu vbe Izrẹl vbe ẹdẹ nẹdẹrriọ.

Ezikiẹl 39:11

E Nọyaẹnmwa khare wẹẹ, “Emwi na hia ghẹ ghi sunu nẹ, I gha rhie itẹ ne Gọg vbe Izrẹl vbe evba, vbe Iya Ilavbodẹ, vbe odẹ ahọ Okun Nọwu.

Ezikiẹl 39:22

Ivbi Izrẹl gha vbe rẹn ke ẹghẹ nii kpao ighe mẹ ọrọre Nọyaẹnmwa ne Osanobua iran.

Daniẹl 4:34

Ọba keghi kha wẹẹ, “Ugbẹn vbe ukpo ihinrọn nii ghi ghaa nẹ, I keghi tọn aro mu ghe iso, ẹrherhe mwẹ keghi gba vbe uhunmwu. I keghi rho Osanobua ne ọ Sẹehia, I keghi rhie ọghọ kevbe uyi ne irẹn nii ne ọ rrọ ẹdẹdẹmwẹdẹ. “ ‘Rẹn gha rriọba ẹdẹdẹmwẹdẹ otọe arriọba ẹre gha rrọ etẹbitẹghori.

Hozia 2:16

Ẹghẹ nii ọ ghi dọlegbe gha tie mwẹ ọdọ ẹre, ẹ i ghi ra tie mwẹ e Baal ọghọe ọvbehe.

Hozia 2:18

Ogha sẹ ẹghẹ nii, mẹ gha gu avbe aranmwoha hia kevbe avbe ahianmwẹ ta ẹe kugbe, ne iran ghẹ kuan emwa mwẹ ọvbehe. I gha vbe viọ emwi igbinna okuo hia hin otọe nii rre, umozo kevbe uhanbọ hia I ghi gie emwa mwẹ gha rrọọ vbe ọfumwegbe kevbe ne a i na mwẹ ẹbe.

Hozia 2:21

Ẹghẹ ni, mẹ gha họn erhunmwu ivbi Izrẹl ne emwa mwẹ. I gha gie amẹ rhọ ye otọ, otọe ghi vbe ma ọka, alimo kevbe oliv.

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Obedaia 1:8

“Ẹdẹ ne I gha rri Idọm oya, I gha fuẹn emwa irẹnmwi ẹnrẹn hia a. I ghi vbe khiẹn ẹwaẹn iran hia hin rre.

Maika 2:3

Rhunmwuda ọnii, e Nọyaẹnmwa keghi kha wẹẹ, “I ra ru ẹe ne ọkhọ rruan uwa, wa i vbe lẹ ọre fe. Orueghe ọ re uwa ra miẹn na, ẹghẹ nii, wa i ghi ra gha khian ọkhian uhiomwẹ ọvbehe.

Maika 4:6

E Nọyaẹnmwa khare wẹẹ, “Ẹdẹ dee, ne I gha si avbe emwa ne I rri ọre oya koko, iran ni rri oya vbe iwe.

Maika 5:10

E Nọyaẹnmwa khare wẹẹ, “Ọ gha sẹ ẹghẹ nii, I gha viọ avbe ẹsin uwa kpao, I ghi vbe guọghọ ikẹkẹ okuo uwa a.

Zẹfanaia 3:11

Ọ gha sẹ ẹghẹ nii, ekhue i ghi ra ye gha mu uwa ne emwa mwẹ wẹ wa sọtẹ mwẹ. I gha viọ iran hia ni hio kevbe ni tọn egbe mu hin rre, wa i ghi ra dọlegbe sọtẹ ghe mwẹ ọvbehe vbe oke mwẹ nọhuanrẹn.

Zẹfanaia 3:16

Ẹghẹ dee ne iran gha na tama e Jerusalẹm wẹẹ, “Ghẹ mu ohan, okpẹvbo e Zaiọn! Ghẹ gie obọ ruẹ luẹluẹe ua!

Zẹkaraia 9:16

Ọ gha sẹ ẹdẹrriọ, e Nọyaẹnmwa gha miẹn emwa rẹn fan. Zẹ vbene ọsuohuan sinmwi oghẹn ohuan rẹn ladian hin ihe ẹbe rre.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

II Kọrinti 10:17

Sokpan zẹ vbene ebe kha re, “Ọmwaikọmwa ne ọ ho ne ọ gha rhuọ, wẹ ne ọ gha ye iwinna ne Nọyaẹnmwa winnaẹn rhuọ.”

II Kọrinti 10:5

Ma guọghọ ẹe sẹ otọ ighẹ emwi idobo ọghe uhiomwẹ ne emwa mu ye odẹ irẹnmwi Osanobua, ma munọ iro ekhọe hia oghunmwu, a na ye iran uhunmwu rhanmwẹ otọ ne Kristi.

II Tẹsalonaika 1:10

Ẹdẹ ne ọ gha rre nii, ne ọ do rhan obọ miẹn uyi vbe obọ emwa rẹn, kevbe ọghọ vbe obọ iran ni yayi, wa tobọ uwa gha vbe gha rre evba, rhunmwuda, wa ya ikporhu ne ima kpe ma uwa yi.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”