Aizaia 2:10 - Edo Bible (E Baibol Ẹdo) Version 1996

¹⁰ Iran gha lẹ khuakhua vbe uwu uvun okuta vbe avbe oke okuta, ra iran ghi tọnnọ uvun ye uwu otọ ne iran miẹn lao hin izohu Osanobua rre, kevbe uyi ẹre rre.

Aizaia 2:10 ပူးပေါင်းရင်းမြစ်များ

Job 31:23

Rhunmwuda ighẹ ohan irria ikhi Osanobua mu mwẹ, ohan i gunmwẹ danmwẹ emwi vberriọ ghe.

Job 40:13

Tọnnọ iran hia ye otọ, munọ iran gba vbe ẹvbo emwa ni wulo nẹ.

Psalm 145:12

Ne emwa hia sẹtin rẹn iwinna nekhua ne u winna ẹn, kevbe uyi ẹtin ọba ọghe otọe arriọba ruẹ.

Psalm 90:11

De ọmwa ne ọ he ya egbe miẹn ohu ruẹ vbe uwu ẹtin ẹnrẹn hia? De ọmwa ne ọ rẹn ohan ne ohu ruẹ nọkhua sẹtin si rre?

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 25:11

Iran gha niẹn obọ ladian zẹ vbe ọmwa ne ọ ra khue vbe ẹzẹ, sokpan, Osanobua gha gbe iran kotọ, obọ iran ghi dinmwi lughọlughọ ye uwu ẹzẹ.

Aizaia 42:22

Sokpan, banbanna nian, iran hẹ rhu emwa rẹn; a viọ ehia khui ye uvun uwu otọ a keghi vbe viọ iran lẹre ye uwu ẹwẹdọ a do iran emwi hẹ, a hẹ rhu iran vbene ai na miẹn ne ọ gha miẹn iran fan.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Jerimaia 10:7

De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 13:9

“Vbenian ọ re I ra fuẹn ọnrẹn ruan ighe itengbemu e Juda kevbe itengbemu nọkhua ọghe Jerusalẹm.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Nahum 3:11

E Ninevi, wẹ tobọ ruẹ gha vbe zurọ ezurọ ọmwa ne ayọn gbe! We tobọ ruẹ gha vbe hia ne u lẹ eghian ruẹn fe.

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

Iyẹn ne ọ Maan Ọghe Luk 23:30

Ẹdẹ ne ẹdẹrriọ ọre emwa gha khama oke nekhua wẹẹ, ‘De rhu ima!’ kevbe avbe oke negiẹrẹ wẹẹ, ‘Gue ima muotọ.’

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.