Aizaia 19:6 - Edo Bible (E Baibol Ẹdo) Version 1996

⁶ Avbe ẹzẹ ne a ya obọ fian ghi do gha wia, vbene iran ya hẹko ka, irunmwu ni rre ọkpẹn ẹzẹ kevbe ni rhu yan ẹzẹ hia ghi luẹluẹ.

Aizaia 19:6 ပူးပေါင်းရင်းမြစ်များ

Gẹnẹsis 41:2

Ẹmila ihinrọn ni tii kevbe ni mose keghi ke uwu ẹzẹ ladian do gha rri irunmwu vbe ọkpẹn ẹzẹ.

II Ọba 19:24

U rhuọ wẹ u fian uhae vbe ẹvbo ẹrrẹe, u na wọn amẹ ọnrẹn kevbe wẹ, te ivbi iyokuo ruẹ ye owẹ rrilo Nail ka.

Job 8:11

“Irunmwu i sẹtin zọ vbe ehe ne amẹ iye a i vbe miẹn vbe a gha lahin ekhuọrhọ rre nẹ.

Job 8:12

Amẹ gha ka, iran ọ re ọ ka luẹluẹ, vbe iran ma he sẹ ne a fian ya ru emwi.

Ẹksọdọs 2:3

Ugbẹn vbe ọ ma ghi gie ẹe rhie lẹre, ọ keghi mu okhuae ne a ya irunmwu do, ọ na ya ọdan vbe ibi rhu ẹe ne amẹ ghe larọ, ọ keghi mu ọmọ nii ye uwu ere, ọ keghi ya muẹn ye uwu irunmwu ne ọ wan ẹsẹse vbe ọkpẹn ẹzẹ.

Ẹksọdọs 7:18

Avbe ehẹn ghi wulo, ẹzẹ na gha vbe gha wia sẹrriọ wẹ ivbi Igipt i ghi ra sẹtin wọn amẹ ọnrẹn.’ ”

Aizaia 15:6

Ẹzẹ e Nimrim kae irunmwu ni rre ọkpẹn ọnrẹn luẹluẹe, emwi ne ọ mwẹ ebe nekhui i ghi rrọ.

Aizaia 18:2

Avbe ukọ ẹvbo ghi gha ke ẹvbo nii ya okọ ne a ya irunmwu do lele e Naẹl rre. Iran ghi gha werriegbe yo owa iran. Avbe ukọ ne okhian kẹe! Wa ya ta uhunmwu ne a gie uwa re gie ẹvbo uwa ne ẹzẹ ghae ye inu ihe ne ọ khin, ẹvbo uwa nii ne ọ wegbe ne ọ vbe mwẹ ẹtin, gie avbe emwa ruẹn ni taẹn, ni vbe mwẹ egbe nọ rriẹe, ne emwa hia mu ohan rẹn vbe otọ agbọn na.

Aizaia 37:25

U rhuọ ma mwẹ wẹ, u fian uhae u keghi wọn amẹ vbe ẹvbo ẹrrẹe, kevbe wẹ avbe ivbiyokuo ruẹ ya owẹ mama ẹzẹ e Naẹl ka.

Nahum 3:8

E Ninevi, wẹ vbe maa sẹ Tebis ne igiogbẹ Igipt nian ra? Rẹn vbe gha mwẹ ẹzẹ ne ọ degue ẹre. E Naẹl ọ re ọ gha re ogba ne a gba ga ẹre.