Aizaia 19:4 - Edo Bible (E Baibol Ẹdo) Version 1996

⁴ I gha viọ ivbi Igipt ku obọ ọba dan, ọba ne ekhọe dan ne ọ ra gha khaemwisẹ yan iran. Mẹ ne Nọyaẹnmwa ne Oghodua, ọ re ọ tae.”

Aizaia 19:4 ပူးပေါင်းရင်းမြစ်များ

Psalm 31:8

U ma gie obọ eghian mwẹ gba mwẹ. U rhie ẹtin mẹ, ne I khian sẹ ehe ne ọ khọn mwẹ.

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Aizaia 20:3

Iran ghi khọn mu Asdọd nẹ nian, e Nọyaẹnmwa ke kha wẹẹ, “Ikpiaa ọ re ọ ye na ne Aizaia ne ọguọmwadia mwẹ kegha rre irhunmwuirhun ye owẹ kẹkan mama otọ lele ehe hia khian. Igiemwi emwi ne ọ ra sunu vbe egbe Igipt kevbe Sudan ọ re ọna khin.

Aizaia 20:4

Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Jerimaia 46:26

I ghi viọ iran ne emwa ni ho ne iran gbele iran an, ne Nebukiadneza ne Ọba e Babilọn kevbe ivbiyokuo ẹre. Sokpan, ọ ghẹ ghi kpee fua, emwa gha vbe dọlegbe yin Igipt vbene ọ ka ye yi vbe ẹghẹ ne ọ gberra. Mẹ ne Nọyaẹnmwa taa ẹe nẹ.”

Ezikiẹl 29:19

Rhunmwuda ọnii nian, vbenian ọre imẹ ne Nọyaẹnmwa ne Oghodua khare: I ra mu otọ Igipt ne Nebukiadneza ne ọba. Ọ ghi viọ iran emwi, ọ ghi vbe fu iran emwi viọ, ọ ghi viọ ẹfe hia ni rre otọe Igipt zẹ vbe emwi ne a ya ha osa ne ivbiyokuo ẹre.

Ezikiẹl 30:12

I gha si e Naẹl ka, I ghi mu Igipt ye ototọ ẹtin emwa dan. Avbe orhunmwuyẹn gha dunmwu otọe nii hia a. Mẹ ne Nọyaẹnmwa ọre ọ tae.”

Nahum 3:10

Sevba te a ye viọ Tebis gha rrie iwe. Abọ idunmwu hia ọ re a na wa gha gbele ivbi iran la ẹrinmwi. A ye ghan rro emwa rẹn ni hin usi viọ kpao, a keghi ghaa iran ne emwa ni viọ iran oghunmwu.

I Samuẹl 23:7

Iran keghi do tama e Sọl wẹ, Devid rrie Keila, rẹn keghi kha wẹẹ, “Osanobua rhie ẹre yọ mwẹ obọ nẹ. E Devid ya lẹ fi ẹvbo ne a gbe ekẹn ga, a na viọ ọkhẹ ye odẹ ne a la larọ, ọ khui egbe ye imu.”