Aizaia 19:3 - Edo Bible (E Baibol Ẹdo) Version 1996

³ I gha rhia uma ne ivbi Igipt si, I ghi vbe duẹ ẹtin ne ọ te rre iran iwu rua. Iran gha rinmwian wẹ ne amazẹ iran yi iran obọ, iran gha vbe yo ya gha gualotọ emwi vbe obọ iran ni miẹn aro, iran ghi vbe gha nọ ibude vbe obọ orhiọn emwa ni wulo nẹ.

Aizaia 19:3 ပူးပေါင်းရင်းမြစ်များ

II Samuẹl 15:31

E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

II Samuẹl 17:14

Absalọm kevbe emwa rẹn keghi kha wẹẹ, “Iro ne Husiai zẹe ọ re ọ maa sẹ ọghe Ahitofẹl.” E Nọyaẹnmwa ta ẹe nẹ wẹ a i rhie iro esi ne Ahitofẹl zẹ rhunmwuda ne ọkhọ miẹn ehe na rruan Absalọm.

II Samuẹl 17:23

Ahitofẹl ghi miẹn wẹ, a ma rhie iro ne irẹn zẹẹ, ọ na rhunmwuda ọnii gbalọ ekẹtẹkẹtẹ ọre, ọ na gha rrie ẹvbo ẹre. Ọ ghi mwamwa emwi hia ye ihe nẹ, ọ na ya zẹgbẹle. Iran keghi re ẹre ye idin ẹgbẹe ọre.

II Ọba 1:2

Ahazaia ne ọba Izrẹl keghi ke uhunmwu egedege ne ọ rre ẹguae ẹre vbe Sameria de gbe otọ, obọ keghi da ẹe ẹsẹse. Rẹn na rhunmwuda onii gie emwa ne iran ya nọ e Baal ne ẹbọ ivbi e Filistia vbe Ẹkrọn, ne ọ miẹn ehe na rẹn a deghẹ rẹn gha fe ra rẹn i ra fe.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

Psalm 107:27

Iran rrua owẹ te iran ghi zẹ owẹ ahanmwahan vbe ọdayọn iguemwi iran hia ma ghi gha mwẹ esa ne ọ ye.

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Psalm 76:12

Osanobua ru ẹe ne emwa gha mu ohan irẹn ọ munọ iran ni tọn egbe mu rriotọ ọ keghi vbe runran avbe ọba nekhua.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 14:27

E Nọyaẹnmwa ne Udazi tae ne ighe te irẹn ra ru emwi na. Ọ niẹn obọ ẹre ladian nẹ ne ọ ya rri emwa oya, ọmwa okpa i rrọ ne ọ gha sẹtin da ẹre obọ yi.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Aizaia 47:12

Gha kun egba kevbe akpalode ruẹ khian erriọ ọ re u kun ẹnrẹn khian ke ẹghẹ ọvbokhan gha dee. U gha ghe a gha miẹn emwi ne iran gha ru ne uẹn; u gha ghe, u gha sẹtin runran avbe eghian ruẹn.

Aizaia 57:16

Mẹ ọ re ọ rhie arrọọ ne emwa mwẹ, rhunmwuda ọnii, mẹ i ra wa gha gu iran gui ra ne ohu iran gha mu mwẹ rhinrin ẹdẹ.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Jerimaia 46:15

Vbọzẹ ne Apis ne ẹbọ uwa nọkhua na de yi? E Nọyaẹnmwa ọ re ọ gbe ẹe fi otọ!’

Ezikiẹl 21:7

Iran gha nọ ruẹn emwi ne ọ zẹ ne u na rriakọn, u ghi tama iran wẹ rhunmwuda iyẹn ne ọ he dee nọ. Ẹghẹ ne iyẹn nii gha ya sẹ obọ, ohan gha mu iran hia ẹsẹse, obọ iran gha wu ginna iran egbe, ẹtin gha fo iran, igbọn iran ghi gha rhie gbe egbe. Nene ẹghẹ wa dee, ọ sẹẹ emwa fo nẹ,” E Nọyaẹnmwa ne Udazi guan nẹ.

Ezikiẹl 22:14

Te uwa ro ighe orhiọn gha ye gha rre uwa re, ra ne uwa ye miẹn orhiọn ya tọn obọ mu vbe i a ghi ru uwa emwi nẹ? Mẹ ne Nọyaẹnmwa ọ re ọ guan, I gha taa ẹmwẹ nẹ, te I ru ẹe.

Daniẹl 1:20

Ẹmwẹkẹmwẹ ne ọba a rhirhi nọ, ra ọlọghọmwa ne ọ rhirhi a gha rrọ, emọ na keghi ya ukhukhu igbe rẹn sẹ avbe ebo edunna kevbe avbe ọbiro ni rre otọe arriọba nii hia.

Daniẹl 2:2

Ọ keghi rhunmwuda ọnii gie ne a tie avbe ọbiro, ebo edunna, oso kevbe azẹn ne iran gha de do rhan otọ imina nii ma irẹn. Iran ghi rre do mudia ye odaro ọba.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”

I Samuẹl 25:37

Aro ghi gbannọẹn nẹ, ọ keghi na iyẹn emwi hia ma rẹn. Egbe keghi ku ẹre ohiọnhiọn, arọ na wa kinmwi ẹẹn,