Aizaia 19:24 - Edo Bible (E Baibol Ẹdo) Version 1996

²⁴ Ọ gha sẹ ẹghẹ ne a kha na, Izrẹl gha gu Igipt kevbe Asiria mwa ẹrrẹe avbe okpẹvbo eheha na ghi gha re afianma ne uhunmwu otọ agbọn hia.

Aizaia 19:24 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Aizaia 19:23

Ọ gha sẹ ẹghẹ ne a kha na, ukpo ne gbodoo okpa gha rrọ ne ọ ke Igipt ya sẹ Asiria. Ivbi ẹvbo eveva na ghi gha la ẹe yo la ẹe rre do gha mu ẹlẹ tue egbe, ẹvbo eveva na ghi vbe gha ga kugbe.

Aizaia 19:25

E Nọyaẹnmwa ne Oghodua gha fiangbe iran, ọ ghi kha wẹẹ, “I gha fiangbe uwa wa ne Igipt ne emwa mwẹ, wa ne Asiria ne imẹ yii kevbe uwẹ Izrẹl ne emwa ne imẹ hannọ zẹ.”

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Aizaia 49:22

Osanobua ne Udazi tama emwa rẹn wẹẹ: “I gha gie uhunmwu gie avbe uhunmwu ẹvbo, iran ghi viọ avbe ivbuẹ gha die owa.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Aizaia 65:8

E Nọyaẹnmwa khare wẹẹ, “A i miẹn ọmwa ne ọ viọ alimo azara ne ọ maa kua, sokpan, te iran ya ẹe ru ayọn. Erriọ vbe nọ, mẹ i ra fuẹn emwa mwẹ hia a, I gha miẹn iran ni ga mwẹ vbọ fan.

Aizaia 66:12

E Nọyaẹnmwa khare wẹẹ, “I gha gie uwa etẹbitẹ sẹ uwa obọ. Emwi umamwẹ agbọn ọghe avbe uhunmwu ẹvbo, gha lẹ bu ruẹ rre zẹ vbe ẹzẹ ne ẹ i ka. Wa gha yevbe ọmọ ne iyẹe koko, ne ọ mu mwẹ obọ, ne ọ na vbe ya obọ ahoẹmwọmwa mu ẹẹn.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Iyẹn ne ọ Maan Ọghe Luk 2:32

Uwanmwẹ ne ọ gha ma avbe ni ma yayi odẹ ruẹ, ne ọ gha vbe rhie uyi ne avbe Izrẹl emwa ruẹn.”

Ebe ne Pọl gbẹẹn gie emwa Rom 15:27

Iran ọre ọ tobọ iran kha ighẹ iran ra ruẹe, sokpan ne a ta ẹmwata, te ọ bi ye iran egbe ne iran ye avbe ivbiogue nii obọ. Rhunmwuda avbe Ju ghae afiangbe ọghe orhiọn iran sẹ iran ne ẹ i re Ju obọ. Rhunmwuda ọnii, te ọ vbe kei ne iran ne ẹ i re Ju vbe ya emwi afiangbe ne ọ re ọghe egbe ne iran mwẹ, ga avbe Ju.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Diuteronomi 32:43

“Wa ne avbe uhunmwu ẹvbo, wa gha go wan emwa e Nọyaẹnmwa, ọ rri iran ni gbele iran an oya, ọ rria avbe eghian rẹn ikhi. Ọ keghi viọ iran ni rri abe hin otọe emwa rẹn rre.”