wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.
Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.
Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.
Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.
Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”
“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.
A gha gbe ima hin ọkhọ rre, vbobọ vbobọ nii, ọ ghi ye vbe ne a miẹn wẹ, te a wa ho ne a rhia ima ekhọe rua, ighẹ i re ne ọ ya ẹe rhiẹnrhiẹn. Sokpan Ọ ghẹ ghi sẹ okiekie, a vbe emwa ne a gu gui vberriọ dia ye odẹ, ghi do miẹn ẹdẹ agbọn nekhuẹrhẹ, ọ ghe ọmwa ẹmwata, rhie vbọ.