Aizaia 19:2 - Edo Bible (E Baibol Ẹdo) Version 1996

² E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Aizaia 19:2 ပူးပေါင်းရင်းမြစ်များ

I Ọba 16:21

Ivbi Izrẹl keghi ghae egbe ye ihe eva, eso vbọ kegha ho ne iran ma Tibni ne ovbi e Ginat ọba, eso kevbe gha rre asa ọghe Ọmri.

II Krọnikol 15:6

Ẹvbo ọkpa kegha zẹ ẹvbo nọkpa owẹ, ore ọkpa kegha zẹ ore nọkpa owẹ rhunmwuda, Osanobua keghi si ọlọghọmwa kevbe omẹ ye iran egbe.

Aizaia 3:5

Edọmwadẹ ọghọe ghi gha gbe ogieva ẹre rhu. Avbe igbama i ra ghi gha ya ọghọ ne eniwanrẹn, deba re avbe ivbivbi emwa nii i ghi ra gha yọghọ ne emwa ni sẹẹ iran.

Aizaia 9:21

Ivbi e Manasẹ kevbe ivbi Ifreim gha gu egbe khọn, iran ghi vbe koko mu okuo gie Juda. Sokpan, ọ rhe ye vberriọ, ohu e Nọyaẹnmwa ma he ye fo, te obọ ẹre ye niẹn ladian ne ọ rriaikhi.

Jerimaia 46:12

Agbọn ẹvbo họn efa ne ọ rruan uwa nẹ, agbọn hia họẹn vbe uwa viẹ. Ovbiyokuo ọkpa ghi ya owẹ rri ọvbehe gberra iran eveva ghi dele gbe otọ.

Jerimaia 51:46

Wa ghẹ gie awẹawẹ ne uwa họn ya egbe wọ uwa ra ne ohan gha mu uwa. Ukpukpo ọ re awẹawẹ ughughan ya zọ ladian, awẹawẹ ọghe uyinmwẹ ikẹtin vbe otọe nii, kevbe ẹghẹ ọba okpa ne ọ gu ọba ọvbehe khọn.

Ezikiẹl 38:21

I gha ya emwi ọfuan hia runran e Gọg. Mẹ ne Nọyaẹnmwa ne Udazi ọ re ọ tae. Emwa rẹn gha ye umozo lọkọ egbe iran an.

Zẹkaraia 8:10

Vbe ọ te do sẹ ẹghẹ ne a kha na, a i miẹn ọmwa ne ọ sẹtin rhie aranmwẹ ra ọmwa ne agbọn vbe iwinna, ọmwa ne ọ wa vbe fe vbe obọ eghian rẹn ẹ i rrọ. I keghi ru ẹe ne emwa viọ aro igbinna da egbe.

Matiu 10:21

“Emwa gha silo etẹn iran ladian ne a gbelua, erriọ ọre erha gha vbe ru emọ. Emọ gha mu aro da erha iran, iran ghi gbele iran an.

Matiu 10:36

Ẹgbẹe ọmwa ọre ọ ra gha re oghian ne ọ khọ ẹko ọmwa sẹ.

Matiu 12:25

Jesu rẹn emwi ne ọ rre iran ekhọe, ọ keghi tama iran wẹẹ, “Agbọn ẹvbo ọkpa gha fian egbe ye iheva gha gu egbe khọn nẹ, ẹ i ghi tọ. Igiowa ra okpẹvbo gha fian egbe ye iheva gha gu egbe khọn, te ọ zagha.

Matiu 24:7

Ẹvbo na gha mu okuo gie nọkpa, otọ arriọba na ghi mu okuo gie nọkpa. Ukhumwu kevbe igbohiotọ ghi gha rre ehe hia.

Iyẹn ne ọ Maan Ọghe Mak 3:24

A deghẹ ẹvbo ọkpa gha egbe ye otu otu gha gu egbe khọn, te ẹvbo nii ra zagha a.

Giọgis 7:22

Ẹghẹ nii, iran iyisẹn eha nii ghi na kpee okpe iran, e Nọyaẹnmwa keghi ru ẹe ne iran ni rre agọ nii, ya umozo yan egbe iran. Iran keghi lẹ ghe odẹ Zarẹta ya sẹ Bẹt Sita ya sẹ Ebẹl Mehola vbe ọkpẹn Tabat.

Giọgis 9:23

Ẹre Nọyaẹnmwa na mu ikhẹko nọkhua ye ẹkpo Abimẹlẹk kevbe ivbi e Siẹkẹm, iran na sọtẹ Abimẹlẹk.

I Samuẹl 14:16

Ibiẹka e Sọl ni bodẹ vbe Gibea vbe otọ e Bẹnjamin keghi bẹghe vbe ivbi e Filistin hia gha hẹ yo hẹ rre, vbene iran ma na rẹn emwi ne iran gha ru.

I Samuẹl 14:20

Ẹre irẹn vbe emwa rẹn na vẹ la okuo bu emwa e Filistin ne emwi hia zighi mu, iran na gha gu egbe iran khọn.