Aizaia 19:19 - Edo Bible (E Baibol Ẹdo) Version 1996

¹⁹ Ọ gha sẹ ẹghẹ ne a kha na, a gha bọ Ogiukpo ne Nọyaẹnmwa vbe otọe Igipt, a ghi vbe ya orre okuta fi ohan ne ẹẹn vbe ehe ne uwu Igipt lae.

Aizaia 19:19 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 28:18

E Jekọb keghi guakpaọ vbe owiẹ vbirrivbirri ne ọ lelẹe, ọ keghi mu okuta ne ọ ya ke uhunmwu, ọ na muẹn mudia zẹ vbe okuta iyama. Ọ keghi tue ofigbọn oliv yan rẹn ne ọ yae fiohan ne Osanobua.

Psalm 68:31

Iran ne ukọ ẹvbo gha ke Igipt rre avbe ivbi e Sudan, gha tọn obọ mu na erhunmwu ghe Osanobua.

Ẹksọdọs 24:4

E Mosis keghi gbẹnnẹ iyi ọghe Nọyaẹnmwa hia ye otọ. Owiẹ vbe ẹdẹ ne ọ lele ẹe, ọ keghi gba aka ye ototọ oke nii, ọ keghi vbe viọ okuta iyama iweva ye evba ne ẹwae iweva nii rre Izrẹl.

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Aizaia 60:7

Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.

Aizaia 66:23

Ẹghẹ emwiukpo Uki ọgbọn kevbe Ẹdẹ Ikẹtin hia, ọre ivbi edọmwadẹ uhunmwu ẹvbo gha do ya gha ga mwẹ vbe Jerusalẹm vbe emwana. Erriọ,” Nọyaẹnmwa khare.

Jerimaia 46:2

Ọ na suẹn ọnrẹn vbe egbe Igipt. Ẹmwẹ ne ọ tae vbekpa ivbiyokuo e Nẹko ne ọba Igipt ẹre ọ na khin, ọmwa ne Nebukiadneza ne ọba e Babilọn khọn mu Kakẹmis vbe ọkpẹn Yufretes ne Ẹzẹ vbe ukpo ne ogienẹ ne Jehoiakim yae vbe ẹkete e Juda:

Ezikiẹl 29:1

Vbe ikpẹdẹ ne ogiweva ọghe uki ne ogigbe vbe ọ rre ukpo igbe ne ima ke gha rre iwe, e Nọyaẹnmwa keghi gunmwẹ guan wẹẹ:

Ezikiẹl 30:1

E Nọyaẹnmwa keghi vbe dọlegbe gu mwẹ guan wẹẹ,

Ezikiẹl 31:1

Vbe ikpẹdẹ n okaro ọghe uki nogieha ukpo ne ogiowọrọ ne ima kegha rre iwe, e Nọyaẹnmwa keghi gunmwẹ guan wẹẹ,

Ezikiẹl 32:1

Vbe ikpẹdẹ n okaro ọghe uki ne ogiweva vbe ukpo ne ogiweva ne ima kegha rre iwe, e Nọyaẹnmwa keghi gunmwẹ guan wẹẹ,

Zẹkaraia 6:15

Emwa ni rre urria gha rre, iran ghi do ru iyobọ ye ubọmwẹ Ọgua Osa e Nọyaẹnmwa. A ghẹ ghi dọlọ ẹe bọọ nẹ, wa gha rẹn wẹ e Nọyaẹnmwa ne Oghodua ọre ọ gie mwẹ bu uwa gha dee. Ena hia gha wa sunu fẹẹrẹ a deghẹ wa họn ẹmwẹ ne Nọyaẹnmwa Osanobua rua tama uwa, wa na vbe ya ẹe ru emwi.

Hibru 13:10

Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.

Jọsua 22:10

Ivbi ẹwae Riubẹn, Gad kevbe odẹ ahọ, vbe ivbi e Manasẹ ghi sẹ Gelilot vbe obọ nii ne ọ mu da orrie vbe Jọdan, iran keghi bọ aka ne mose mose nọkhua ọkpa ye evba vbe ọkpẹn ẹzẹ nii.

Jọsua 22:26

Rhunmwuda onii ọ re ima na bọ aka, ẹ i re ne ima ya gha giẹn ese ra ne a na yo imuohan!

Jọsua 22:27

Sokpan ne ọ gha re ama ne otu ima eveva ke orre ne ọ gha rre vbe iyeke mwa wẹ te ima ga e Nọyaẹnmwa vbe ekpa ne a na giẹn ese mwa, kevbe ese ne a zọọ, kevbe isara. Te ima wẹ ne a ye ọna ru ẹe ne ivbi uwa ghẹ ya tama ima ẹdẹ ne ọ dee wẹẹ, ‘Ẹmwẹ e Nọyaẹnmwa ma kan uwa.’

Jọsua 22:28

Iziro mwa nọ wẹẹ, ọ gha ye rriọ ẹdẹ ne akhuẹ, ivbi ma ghi sẹtin kha wẹẹ, ‘Ghe! Avbe erhamwa odede bọ aka zẹ vbene ọghe e Nọyaẹnmwa ye ẹ i re ne a ya ẹe gha giẹn ese ra ne a na zọ ese, sokpan zẹ vbe ama ne otu ima eveva.’

Jọsua 22:34

Emwa Riubẹn kevbe Gad kegha tie aka ni “Osẹe,” iran wẹ rhunmwuda, “Osẹe ọ re nọ ne ima hia wẹ Nọyaẹnmwa ọrọre Osanobua.”