Aizaia 19:14 - Edo Bible (E Baibol Ẹdo) Version 1996

¹⁴ E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Aizaia 19:14 ပူးပေါင်းရင်းမြစ်များ

II Krọnikol 18:22

Ẹre Mikaia ghi na fian ẹre ifi wẹẹ, “Emwi ne ọ sunu ọ re ọ na khin. E Nọyan ru ẹe nẹ ne avbe akhasẹ ruẹ na hia gha ta ohoghe ma ruẹn, sokpan, rẹn tobọ ẹre tae nẹ wẹ te u ra ya khian rhie!”

Job 12:16

“Osanobua wegbe, rẹn ọ re ọ khọnmiotọ vbe ẹghẹ hia. Ke ne a rẹrẹ, kevbe ne ọ rẹrẹ ọmwa, obọ ẹtin ẹnrẹn ọ re iran hia ye.

Job 12:25

Iran baba odẹ khian vbe uwu ebiebi iran kegha kpigogo, zẹvbe ọdayọn.”

Itan 12:8

U gha mwẹ ẹwaẹn, emwa ghi gha tian ruẹn, sokpan, u gha re akpa, emwa ghi ye aro gbe uẹ re.

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Aizaia 24:20

Agbọn tobọ ẹre ghi gha ya owẹ fi otọ dọn, zẹ vbe Ọdayọn. Ọ ghi gha han yo han rre zẹ vbene irhu ne a gbae ru vbe okpẹhoho a gha hoho. Ihe orukhọ agbọn yẹnyẹn ọẹn mu otọ nẹ, ọ gha de guo, ẹ i ghi vbe kpaegbe ọvbehe.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Aizaia 3:12

Iran ni rhie igho isu ne emwa mọmọ gha wọ emwa mwẹ uhunmwu, iran ni rri iran osa kevbe gha mu iran ru. Wa ne emwa mwẹ avbe ọkaolotu uwa bibi uwa odẹ sẹrriọ wẹ, wa ma ghi rẹn odẹ ne uwa ghẹ ghi la.

Aizaia 9:16

Iran ni su emwa na khian wa bibi iran odẹ nẹ fẹẹrẹ, iran keghi gie iro han ehia.

Jerimaia 25:27

Ẹre Nọyaẹnmwa na tama mwẹ wẹẹ, “Tama avbe emwa nii wẹ mẹ ne Nọyaẹnmwa ne Oghodua ne Osanobua Izrẹl, mẹ ọ re ọ tama iran wẹ ne iran da rhinrin ọ te do gha gbe iran ne iran gha bi, iran te do dele gbotọ vbe ne iran i ghi na sẹtin kpaegbe ọvbehe, rhunmwuda okuo ne I gie bu iran dee.

Jerimaia 48:26

E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

II Tẹsalonaika 2:11

Rhunmwuda ọna, Osanobua keghi gie ẹtin idodẹ, ne ọ ya gha winna vbe uwu iran, iran na ghi gha ya emwi ohoghe yi.

Giọgis 9:23

Ẹre Nọyaẹnmwa na mu ikhẹko nọkhua ye ẹkpo Abimẹlẹk kevbe ivbi e Siẹkẹm, iran na sọtẹ Abimẹlẹk.