Aizaia 19:12 - Edo Bible (E Baibol Ẹdo) Version 1996

¹² Ọba Igipt, avbe iran ni gu ọmwa zẹ iro ne avbe umẹwaẹn ruẹn ghi vbo yi? U gha ghe, iran gha sẹtin tama ruẹn ehe ne Nọyaẹnmwa ghae yi vbe ekpa Igipt.

Aizaia 19:12 ပူးပေါင်းရင်းမြစ်များ

Aizaia 14:24

E Nọyaẹnmwa ne Oghodua vẹn ihẹn nẹ wẹẹ, “Te emwi ne I mwamwaẹn gha sunu. Emwi ne I kha nẹ wẹ a gha ru ẹe, te a ra ru ẹe.

Aizaia 44:7

Ọmwa ọvbehe ne ọ gha te sẹtin ru emwi ne imẹ ru rrọọ ra? De ọmwa ne ọ gha te sẹtin tae yotọ yi ighẹ avbe emwi ni gha sunu ke omuhẹn emwi hia gha dee do sẹ ufomwẹ ọnrẹn?

Aizaia 5:21

Ọghe uwa fo nẹ! Wa ro ighe uwa wan, ighe uwa guẹ emwi gbe.

Jerimaia 2:28

“Avbe ẹbọ ne uwa mu gbọ ne egbe uwa ghi vbo yi? Wa gha rre uwu ibaro, wa we ne iran do miẹn uwa fan adeghẹ iran gha sẹtin. E Juda, vbene avbe okpẹvbo uwa bun sẹ, erriọ ọ re avbe ẹbọ uwa vbe sẹ.

Obedaia 1:8

“Ẹdẹ ne I gha rri Idọm oya, I gha fuẹn emwa irẹnmwi ẹnrẹn hia a. I ghi vbe khiẹn ẹwaẹn iran hia hin rre.

Ebe ne Pọl gbẹẹn gie emwa Rom 9:17

Rhunmwuda ebe tama Fero wẹẹ, “Emwi ọre ọ zẹẹ ne I na ya a ma ọba, ne I miẹn ehe na la egbe ruẹ rhie ẹtin mwẹ ma an, kevbe ne I miẹn ehe na ya eni mwẹ khian ne a rẹnrẹn vbe uhunmwu otọ agbọn hia.”

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.

Giọgis 9:38

E Zẹbul keghi tama rẹn wẹẹ, “Orhuọ ne u rhuọ hia ghi vbo yi? Wẹ ọrọre ọmwa ne ọ nọ rẹn wẹ de emwi ne ọ zẹe ne ima na ga ọmwa na ighẹ Abimẹlẹk yi. Emwa ne u gha ya gbe ogie ena khin. Gha khian nian ne u ya gu iran gbinna.”