Aizaia 18:6 - Edo Bible (E Baibol Ẹdo) Version 1996

⁶ A gha sẹ ikun avbe ivbiyokuo iran ni wulo rae ne avbe ahianmwẹ kevbe aranmwe oha. Avbe ahianmwẹ ghi gha rri iran vbe ẹghẹ owowo, avbe aranmwẹ oha gha rri iran vbe ẹghẹ okhuakhua.”

Aizaia 18:6 ပူးပေါင်းရင်းမြစ်များ

Aizaia 14:19

sokpan wẹ i mwẹ idin, a mu ikun ruẹn fi fua ne ọ kẹkẹ ua. A silo ikun avbe ivbiyokuo ne a gbele vbe okuo rhu uẹ ginna otọ, a fi ẹe lele iran ku uwu uvun okuta, a na ya owẹ mamaẹn ginna otọ.

Aizaia 23:13

(Ivbi e Babilọn ọ re ọ gie avbe aranmwẹ akọn rẹnkhẹn e Taia rua ighe ẹ i re ivbi Asiria. Ivbi e Babilọn ọ re ọ bọlọ owa ọkhẹ ya ghae ga e Taia, iran keghi guọghọ emwi ne a ya gba ogba lẹga ẹre sotọ, iran na ya ẹvbo nii khian itowa iran ke sẹ ọe rae.)

Aizaia 46:11

Mẹ tie okpia ọkpa ne ọ ke odẹ ahọ gha dee, ọ gha vin rrie otọ zẹ vbe ahua ọ ghi do ru emwi ne I mwamwa yotọ. I guan nẹ, te a ra ruẹe.

Aizaia 56:9

E Nọyaẹnmwa tama avbe uhunmwu ẹvbo ọvbehe nẹ wẹ ne iran gha dee zẹ vbe aranmwẹ akọn ne iran do gbele emwa irẹn re.

Jerimaia 15:3

“Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Ezikiẹl 31:13

Avbe ahianmwẹ ghi do gha tinnọ yan ike erhan ni ne ọ de ye otọ nii. Avbe aranmwẹ oha ghi gha ya owẹ rrilo abọ ẹre muotọ.