Aizaia 18:2 - Edo Bible (E Baibol Ẹdo) Version 1996

² Avbe ukọ ẹvbo ghi gha ke ẹvbo nii ya okọ ne a ya irunmwu do lele e Naẹl rre. Iran ghi gha werriegbe yo owa iran. Avbe ukọ ne okhian kẹe! Wa ya ta uhunmwu ne a gie uwa re gie ẹvbo uwa ne ẹzẹ ghae ye inu ihe ne ọ khin, ẹvbo uwa nii ne ọ wegbe ne ọ vbe mwẹ ẹtin, gie avbe emwa ruẹn ni taẹn, ni vbe mwẹ egbe nọ rriẹe, ne emwa hia mu ohan rẹn vbe otọ agbọn na.

Aizaia 18:2 ပူးပေါင်းရင်းမြစ်များ

II Krọnikol 14:9

Ovbi e Sudan ọkpa ne a tiẹ ẹre Zẹra keghi viọ ivbiyokuo ẹbo ọkpa (1,000,000) mu okuọ gha die Juda, ikẹkẹ okuọ iyisẹn eha (300) kevbe rrọọ, ọ keghi khọn sẹ Maresia.

II Krọnikol 16:8

Avbe ivbi e Sudan kevbe Libya ma gha mwẹ ivbiyokuo ni bun ra deba ikẹkẹ okuọ ni bun kevbe avbe emwa ni hin ẹsin? Sokpan, rhunmwuda ne u na mu ẹtin yan e Nọyaẹnmwa, ọ keghi gie obọ ruẹ ke ukhunmwu ne ọghe iran.

Job 9:26

Agbọn mwẹ gberra, zẹ vbe okọ ne ọ rhulẹ, okhian wa kẹ ọre zẹ vbe oghohọn, ne ọ ra vin mu ofẹn.

Ẹksọdọs 2:3

Ugbẹn vbe ọ ma ghi gie ẹe rhie lẹre, ọ keghi mu okhuae ne a ya irunmwu do, ọ na ya ọdan vbe ibi rhu ẹe ne amẹ ghe larọ, ọ keghi mu ọmọ nii ye uwu ere, ọ keghi ya muẹn ye uwu irunmwu ne ọ wan ẹsẹse vbe ọkpẹn ẹzẹ.

Aizaia 18:7

Ẹdẹ dee ne Nọyaẹnmwa gha na miẹn emwi ihaoko vbe obọ ẹvbo na ne ẹzẹ ghae ye inu ihe ne ọ khin, ẹvbo ni wegbe ni vbe mwẹ ẹtin na, ẹvbo ni taẹn ne ikpakpa egbe ẹre vbe rrie na, ne emwa mu ohan rẹn la otọ agbọn hia. Iran gha rri Oke Zaiọn, ehe ne a na ga e Nọyaẹnmwa ne Oghodua.

Jerimaia 49:14

Mẹ keghi kha wẹẹ, “Idọm, e Nọyaẹnmwa gie uhunmwu gunmwẹ. Ọ gie ọmwa okpa uhunmwu ne ọ ya tama avbe uhunmwu ẹvbo hia wẹ ne iran si ivbiyikuo iran koko ne iran dekun ruẹn.

Ezikiẹl 30:9

“Ọ gha ghi sẹ ẹdẹ nẹdẹrriọ ighe a ghi fuẹn Igipt ua nẹ, I gha ya okọ gie emwa uhunmwu ya rueghe emwa e Sudan ni ma rẹn ne a ye. Iran ghi wa runran. Ẹdẹ nẹdẹrriọ he dee!”

Obedaia 1:1

Ẹmwẹ akhasẹ ne Obedaia miẹn ọre ọna khin ẹmwẹ ne Nọyaẹnmwa ne Udazi tae vbe ekpa Idọm. E Nọyaẹnmwa gie ukọ ẹre gha rrie avbe uhunmwu ẹvbo nẹ, ma vbe họn uhunmwu ne a gie iran re wẹẹ: “Wa mu egbe! Wa gie ima mu okuo gha rrie Idọm!”

Habakọk 1:7

Iran si ohan kevbe orrirri khian rhunmwuda itengbemu iran, emwi ne ọ khọn iran ọ re iran ru.

Iyẹn ne ọ Maan Ọghe Luk 10:19

Wa danmwehọ, I rhie ẹtin ne uwa nẹ ne uwa ya gha rrilo ekpakpahuangan kevbe ẹyẹn muotọ, kevbe ẹtin vbe uhunmwu ẹtin hia ne Oghian ni mwẹ. Emwi ọkpa ne ọ gha kuan uwa, ẹ i rrọọ.