Aizaia 17:7 - Edo Bible (E Baibol Ẹdo) Version 1996

⁷ Ọ gha sẹ ẹdẹ nẹdẹrriọ, emwa gha lẹ bu Ayi ne ọ yii iran ne ọ re Osanobua Nọhuanrẹn ọghe Izrẹl rre ne ọ do ru iyobọ ne iran.

Aizaia 17:7 ပူးပေါင်းရင်းမြစ်များ

II Samuẹl 22:42

Iran gualọ iyobọ, ne ọ gha miẹn iran fan i rrọọ, iran tu tie Nọyaẹnmwa, sokpan ọ ma khuẹn niẹn iran.

II Krọnikol 31:1

Iran ghi ru emwiukpo na nẹ, ivbi Izrẹl hia keghi khian lele ore ẹvbo ni rre Juda hia, iran keghi ya guọghọ orre okuta ni rrọ kua, iran keghi siẹn ama Asiẹrra ne ẹbọ ne okhuo sẹ otọ, iran keghi dunmwu avbe Ogiukpo kevbe aro ẹbọ iran ni ga ẹbọ hia a. Iran keghi vbe ru ẹe vberriọ vbe ehe ni dekẹe vbe Juda, kevbe otọe Bẹnjamin, Ifreim kevbe Manasẹ, iyeke ọnii, iran hia kegha die owa.

Psalm 95:6

Wa larre, wa gie ima ghughẹ rre, ne a ya uhunmwu rhanmwẹ otọ ne ẹẹn, wa gie ima diguẹ ne Nọyaẹnmwa ne ayi Nọyimwa.

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Aizaia 22:11

wa keghi, fian ọghọdọ ye adesẹ ore ẹvbo ne amẹ ne ọ lẹ ke odighi nẹdẹ rre miẹn gha lẹ hẹnhẹn yi, sokpan, wa ma zẹye ọghe Osanobua ne ọ mwamwa emwi na hia nẹkpo i mwẹẹ arria gha dee, ọmwa ne ọ vbe gie ẹe gha sunu.

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Hozia 6:1

Emwa ni khare wẹẹ, “Wa gie ima werriegbe bu e Nọyaẹnmwa. Ọ ru ima emwi nẹ, sokpan ẹ i mwẹ ọ ma mu ima egbe rran, ọ kuan ima nẹ, sokpan ọ gha gbalọ ima ẹwẹn ra u ma ro vberriọ?

Emọs 3:12

E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.