Aizaia 17:6 - Edo Bible (E Baibol Ẹdo) Version 1996

⁶ Ibozẹghẹ ọ re ọ khian miẹn uhunmwu. Izrẹl gha do yevbe erhan oliv ne a kọlọ ọmọ rẹn fo, a na ghi sẹẹ eva ra eha rae ye ọre uhunmwu, ra ezaghazagha ne a sẹrae ye ọre abọ ni rre ototọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 17:6 ပူးပေါင်းရင်းမြစ်များ

I Ọba 19:18

Sokpan, I gha sẹ arhiẹn arriaisẹn ihinrọn (7,000) rae vbe Izrẹl, emwa ni rhie egbe mu mwẹ, emwa ni ma he vbokho igue rre ne Bal ra ne iran ya unu soso amazẹ ẹre unu.”

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 10:22

A gha rhe miẹn wẹ banbanna, te ivbi Izrẹl ye vbe ekhae ni rre ọkpẹn okun vbe ubunmwẹ, ibozẹghe ọ re ọ ra werriegbe rre. Ọfuan wa diakhẹ emwa na, vbene ọ wa ma iran zẹẹ.

Aizaia 24:13

Emwi ne ọ ra sunu vbe uhunmwu ẹvbo otọe agbọn hia, ọ re ọna khin. Te ọ ra yevbe ufomwẹ emwiorhọ vbe a ghi kọlọ ọmọ hin uhunmwu erhan hia rre nẹ, a na vbe kọlọ alimo ne okiekie hin azara rre.

Aizaia 27:12

Vbe ẹdẹ ne ẹdẹrriọ, ke Yufretes kpao ya sẹ ehe ne otọe Igipt lae, e Nọyaẹnmwa gha hannọ emwa rẹn ladian ọkpọkpa, zẹ vbene a khan ọka hin ihunhun rre.

Jerimaia 4:27

(E Nọyaẹnmwa tae nẹ, wẹ otọ agbọn hia gha khian ne ọ rhia ẹe, sokpan wẹ rẹn i ra fuẹn ọnrẹn uan fẹẹrẹ.)

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Obedaia 1:5

“Avbe oyi gha rre vbe asọn, emwi ne iran ho ọkpa ọ re iran viọ. Emwa gha kọlọ alimo ayọn, te iran ye sẹ ekherhe rae yọ. Sokpan, te avbe eghian ruẹn ra wa ya ruẹ obọ sin otọ fẹẹrẹ.

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Ebe ne Pọl gbẹẹn gie emwa Rom 11:26

Erriọ ọre a ra ya miẹn emwa Izrẹl fan. Zẹ vbene ebe khare: “Ọmiọnmwafan gha ke Zaiọn rre, ọ ghi rhie ekhọe dan hin uniẹn Jekọb rre.

Ebe ne Pọl gbẹẹn gie emwa Rom 9:27

Aizaia keghi vbe kha vbekpa Izrẹl wẹẹ, “Ọ gha khọn rẹn ne ivbi Izrẹl gha ye vbe ikpekhae ni rre ọkpẹn okun, ibozẹghẹ ọre a ra miẹnfan vbe uwu iran.

Diuteronomi 4:27

E Nọyaẹnmwa gha zagha uwa a lele uwu agbọn ẹvbo ọvbehe, Ibozẹghẹ ọ ra miẹn uhunmwu vbe uwu uwa vbe odọ niii.

Giọgis 8:2

Sokpan rẹn keghi tama iran wẹẹ, “Emwi ne imẹ ru ma zẹdẹ sẹ vbe ne uwa ru hiehiere. Uhin emwi kherhe ne uwa ne ivbi Ifreim ru kpọlọ sẹ emwi hia ne ekhuarha mwẹ he ru ukhukhu uri.