Aizaia 17:4 - Edo Bible (E Baibol Ẹdo) Version 1996

⁴ E Nọyaẹnmwa khare wẹẹ, “Ẹdẹ dee ne ukpọlọmwẹ Izrẹl gha sẹ ufomwẹ, a ghi ya ogue rọ ẹfe ne ọ te mwẹ.

Aizaia 17:4 ပူးပေါင်းရင်းမြစ်များ

Gẹnẹsis 41:3

Ẹmila ihinrọn ọvbehe keghi vbe ke uwu ẹzẹ nii ladian, iran wa khọrhiọn ehia ye kangunkangun. Iran keghi do mudia ke avbe ẹmila nekpa vbe ọkpẹn ẹzẹ nii.

II Ọba 17:3

E Siamanẹsẹ ne ọba Asiria keghi mu okuo gie ẹe. E Hosia keghi de iguẹ ne Siamanẹsẹ, ọ na gha ha igho uhunmwu gie ẹe ukpukpo.

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

Aizaia 10:16

E Nọyaẹnmwa ne Oghodua ra gie emianmwẹ ya rri iran oya ighe avbe emwa ni miẹn evbare re ẹsẹse nian. Erhẹn ne ọ yọn kpoo gha rre iran uwu egbe.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 17:3

Izrẹl ghi khian ne ẹ i ghi mwẹ ne ọ degue ẹre, e Damaskọs ghi do khian ne ọ ma ghi yan egbe ẹre. Avbe ivbi e Siria ni ghi miẹn uhunmwu vbọ ghi do gha re emwa ne a faraa zẹ vbene ivbi Izrẹl ye. Mẹ mwẹ ne Osa ne Udazi tae ne.”

Aizaia 24:13

Emwi ne ọ ra sunu vbe uhunmwu ẹvbo otọe agbọn hia, ọ re ọna khin. Te ọ ra yevbe ufomwẹ emwiorhọ vbe a ghi kọlọ ọmọ hin uhunmwu erhan hia rre nẹ, a na vbe kọlọ alimo ne okiekie hin azara rre.

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 9:21

Ivbi e Manasẹ kevbe ivbi Ifreim gha gu egbe khọn, iran ghi vbe koko mu okuo gie Juda. Sokpan, ọ rhe ye vberriọ, ohu e Nọyaẹnmwa ma he ye fo, te obọ ẹre ye niẹn ladian ne ọ rriaikhi.

Aizaia 9:8

E Nọyaẹnmwa buu ohiẹn otọe arriọba Izrẹl nẹ, ohiẹn ivbi uniẹn e Jekọb.

Ezikiẹl 34:20

“Rhunmwuda ọnii, mẹ ne Nọyaẹnmwa ne Udazi tama uwa wẹ I gha bu ohiẹn uwa ne ohuan ni wegbe kevbe avbe ohuan ni ma wegbe.

Emọs 3:12

E Nọyaẹnmwa khare wẹẹ, “Zẹ vbene ọsuohuan rhọ owẹ ra ehọ ohuan ne oduma gbe re vbe otọ, erriọ zẹẹ, ibozẹghẹ ọ re ọ ra miẹn uhunmwu vbe ivbi e Sameria, ni niẹn obọ niẹn owẹ ua lele aga ne purhẹ iran.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.