Aizaia 17:2 - Edo Bible (E Baibol Ẹdo) Version 1996

² Emwa gha lẹkua hin avbe okpẹvbo e Siria rre ẹdẹdẹmwẹdẹ. Iran gha khian ehe ne ohuan kevbe ẹmila na rria, ọmwa ne ọ gha vbe khulo iran hin evba rre i rrọọ.

Aizaia 17:2 ပူးပေါင်းရင်းမြစ်များ

Job 11:19

Afianma avbe eghian ruẹn i ghi ra fian an, emwa ni bun gha do nọ iyobọ vbe obọ ruẹ.

Aizaia 27:10

Ẹvbo ne a gbe ekẹn gaa nii khian itowa. Emwa lẹkua vbọ zẹ vbe ẹgbo ne ọ dihoi rua. Ọ khian ehe ne avbe ẹmila na rria.

Aizaia 5:17

Avbe ivbi ohuan gha rri irunmwu, avbe ivbi ẹwe ghi vbe gha rria vbe itowa ni rre ẹvbo ni.

Aizaia 7:21

“Ọ gha sẹ ẹghẹ nii, ọ gha khọn rẹn ne a miẹn wẹ ovbi ẹmila okpa ọ re ọwẹe sẹtin koko hin rre, deba ivbi ẹwe eva,

Aizaia 7:22

ewẹn iran gha la sẹrriọ wẹ, ọ gha mwẹ sẹ vbene ọ ho. Ẹn, ikpirogho eva ni ghi miẹn uhunmwu vbe otọ nii, gha miẹn ewẹn ẹmila kevbe owọn gha re.

Jerimaia 48:19

Wa ni rre Aroa, wa mudia ye ọkpẹn odẹ ne uwa gha khẹ, wa nọ avbe iran ni lẹ khian, wa nọ iran emwi ne ọ sunu.

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Ezikiẹl 25:5

I gha ya ore Raba khian ne a ya rri ekẹtẹkẹtẹ, otọe Amọn hia gha vbe khian ehe ne a na koko avbe ohuan, ne uwa miẹn ehe na rẹn wẹ mẹ ọrọre Nọyaẹnmwa.

Ezikiẹl 39:26

Iran ghẹ ghi dọlegbe gha rre otọe iran nẹ vbe ne a i na fian afianma, vbe ne a i ghi na miẹn ọmwa ne ọ kpokpo iran orhiọn, iran gha sẹtin mian mian vbene a fa iran an hẹ vbe iran ya mwẹ maa.

Maika 4:4

Edọmwadẹ ọghọe gha rrọọ vbe ọfumwegbe vbe ugbo azara kevbe oliv ẹre, ọmwarhọkpa i ghi vbe runran ẹẹn. E Nọyaẹnmwa ne Oghodua ru eyan na nẹ.

Zẹfanaia 2:6

Otọe uwa ni rre eghute gha khian oha kẹkan ne avbe ọsuohuan bọlọ eko yi kevbe ehe ne a viọ ohuan yi.

Nọmbas 32:34

Ẹwae ọghe Gad keghi dọlegbe bọlọ avbe ẹvbo ne a gbe odin khinkhian ighẹ Dibọn.

Diuteronomi 2:36

E Nọyaẹnmwa ne Osanobua mwa keghi gie ima khọn avbe ẹvbo hia ni rre ke Aroa vbe ọkpẹn Ẹzẹ Anọn kpao rhinrin ya sẹ Giliad mu otọ ke ẹe kevbe avbe ẹvbo ni wa rre ọkpẹn nene ẹzẹ tobọ ẹre. A ma miẹn ẹvbo ne ekẹn ọnrẹn yo gbe ne ima.

Diuteronomi 3:12

“Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Jọsua 13:16

Otọe iran keghi ke Aroẹ kpao (vbe ehọ Iya Anọn) kevbe ẹvbo ne ọ rre adesẹneva iya nii, kevbe avbe otọ ni rriẹe hia ni lẹga Mẹdeba.

Jọsua 13:25

Otọe iran keghi re Jaza kevbe okpẹvbo ni rre Giliad hia, obọkpa vbe otọe emwa Amọn ya sẹ Aroẹ ne ọ rre odẹ ahọ ọghe Raba.