Aizaia 17:13 - Edo Bible (E Baibol Ẹdo) Version 1996

¹³ Avbe uhunmwu ẹvbo rhulẹ ghe odaro zẹvbe amẹ ne ọ lẹ ogbigbi sokpan, Osanobua guu iran gui, iran ke lẹẹ werriegbe, a khulo iran werriegbe zẹvbe ebubẹ ne ọ rre ehanhan oke, zẹ vbe ebe nọkakae vbe ẹhoho ẹziza.

Aizaia 17:13 ပူးပေါင်းရင်းမြစ်များ

Job 21:18

Ra ne ọ hoho iran gha rrie zẹ vbe ebe ne ọkakae vbe uwu ẹhoho, ra zẹ vbe ebubẹ ne okpẹhoho bi gha rrie?

Job 38:11

I keghi tama rẹn wẹẹ, ‘Emwa u ra sẹ, ghẹ gberra evba! Emwana ọ re uhumwẹ amẹ ruẹn gha na dobọyi.’

Psalm 1:4

Sokpan, avbe emwa dan i ye rrio hiehiere, iran yevbe ebe ne ọ kakae ne ẹhoho hoho khian.

Psalm 35:5

Te iran gha ye vbe ẹbe nọkakae ne ẹhoho hoho khian ne odibosa e Nọyaẹnmwa gha khu iran khian.

Psalm 65:7

U dọ uhumwẹ avbe okun yọ, deba owogho avbe ubimwẹ amẹ u vbe dọ owogho avbe emwa nii yọ.

Psalm 65:8

Otagbọn hia mudia yan unu uan gha ghe iwinna nọkhua ne uwẹ winnaẹn. Iwinna ruẹn rhie uwemwẹ oghọghọ rre, ke ufomwẹ agbọn ọkpa ya sẹ nọkpa.

Psalm 9:5

U bu abe gbe iran nigẹbọ nẹ, u vbe fuẹn avbe emwa dan an, ai ghi ye iran rre ọvbehe.

Aizaia 14:25

I gha rẹnkhẹn ivbi Asiria ni rre otọe Izrẹl ne ọghomwẹ, I ghi ya owẹ rrilo iran ginna otọe vbe uhunmwu oke mwẹ, I gha fannọ emwa mwẹ yotọ hin urọnghọn Asiria rre kevbe hin ihe ne a wẹ ne iran mu.

Aizaia 21:15

Emwa gha lẹ hin ehe ne umozo na ho ne ọ gbele iran an rre, hin ehe ne avbe uhanbọ ne ọ ho ne ọ salọ iran ye, hin obọ ẹbe okuo hia.

Aizaia 22:18

Ọ gha gua a rhie vbe ibọru, ọ ghi fi ọ fi ẹvbo ọvbehe ne ọ kpọlọ sẹẹ. Evba nii i ọ re u ra na wu ye ọkpẹn avbe ikẹkẹ okuo ne u te ya ghagha. Efa ọ re u khin ne owa arowa a.

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Aizaia 30:28

Ọ ghi gie ẹhoho ke odaro irẹn zẹ vbe orogho amẹ ne ọ kpolo emwi hia rrie. Ọ kpolo avbe uhunmwu ẹvbo ya fuan, ọ ghi gie iro dan ne iran zẹẹ fo ye evba.

Aizaia 34:17

E Nọyaẹnmwa ọ re ọ ra tobọ ẹre gha otọe nii ne iran, ọ ghi mu ọghe edọmwadẹ ọghọe ne ẹẹn. Iran ghi gha rre otọe nii ke orre ya sẹ orre, ọ ghi vbe gha re ọghe iran ẹdẹdẹmwẹdẹ.

Aizaia 40:15

Uhunmwu ẹvbo hia ma sẹ emwi rhọkpa vbe odaro e Nọyaẹnmwa, iran ma gberra ikpẹ amẹ ọkpa, te avbe otọe ne amẹ lẹga ni rre urria ye hogha zẹ vbe ikpekhae ọkpa.

Aizaia 40:24

Iran ye vbe ivbi erhan ne a da rhie gbọọ ne ọ ma he ke ọre zẹ inian. E Nọyaẹnmwa gha gie ẹhoho iran ghi kaka, iran ghi hoho kua vbe abọ irunmwu.

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Aizaia 8:7

mẹ ne Nọyaẹnmwa gha tie ọgbaisi Asiria rre, deba ivbiyokuo ẹre hia, ne iran gu e Juda gbinna. Iran gha bi rre zẹ vbene amẹ Ẹzẹ Yufretes kpa ku oke ẹre.

Daniẹl 2:35

Vbe ọwarọkpa nii, ematọn ne ọ rrọọ, kevbe obuẹ, kevbe oze kevbe esiliva kevbe igoru na wa rẹnkhẹẹn uan, ọ yevbe ebubẹ vbe ehe ne a na dunmwu ọka vbe ẹghẹ okhuakhua, ẹhoho keghi kpolo ehia gha rrie, a na wa ho ehia bẹkun. Sokpan, okuta ne ọ rrọọ keghi do digba khian oke nọkhua, ne ọ wa gba otọe agbọn hia.

Hozia 13:3

Rhunmwuda ọnii, a gha ho iran na bẹkun vbe evbu owiẹ ne ọ wa khian ne a ma ghi miẹn vbe ẹdẹ ma he khian hiehiere. Iran gha yevbe ebe ne ọ kakae ne ẹhoho hoho kua vbe ehe ne a na wiẹn ọka, zẹ vbe ighogho ne ọ ke ukoni ladian.

Zẹfanaia 2:2

vbe a te do miẹn wẹ wa luẹluẹ ua, wa keghi vbe wulo zẹ vbe obobo, vbene ohu nọkhua ọghe Nọyaẹnmwa te hihiẹ yan uwa, ọ te do sẹ ẹdẹ nii ne ọ gha rhie ohu ẹre maa.