Aizaia 17:12 - Edo Bible (E Baibol Ẹdo) Version 1996

¹² Owogho nọkhua rre avbe uhunmwu ẹvbo ni wegbe, ọ yevbe uvannọ mwẹ nọkhua ọghe okun, ọ yevbe ne ubimwẹ ẹzẹ nọkhua mu vẹ.

Aizaia 17:12 ပူးပေါင်းရင်းမြစ်များ

Psalm 18:4

Ebe ọghe uwu te wa lẹga mwẹ nẹ, amẹ ọfuan te lẹ rhu mwẹ,

Psalm 29:3

A họn urhu e Nọyaẹnmwa vbe uhunmwu avbe okun, Osanobua uyi davan, urhu ẹre keghi migbo la okun hia gba.

Psalm 83:2

Ghe avbe eghian ruẹn si otighi, iran ni khuiwu ruẹ vbe sọtẹ.

Aizaia 13:4

Wa danmwehọ owogho ne ọ rre uhunmwu oke, owogho emwa ni wa bun ẹsẹse, owogho agbọn ẹvbo kevbe otọe arriọba ni sii egbe koko. E Nọyaẹnmwa ọghe Ivbiyokuo gha mu ivbiyokuo ẹre egbe yotọ khẹ okuo.

Aizaia 28:17

Ohiẹn ẹmwata ọrọre okun ne a ra tan ya mwa ẹyotọ ẹre, a ta ẹmwata ọ re a ra ya mwa egbe ekẹn ọnrẹn.” Okpẹhoho ọ re ọ ra kpolo ohoghe ne uwa mu ẹtin yan hia kua, orogho ghi guọghọ ekẹn ne uwa mwẹ kua.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Aizaia 8:9

Wa ne uhunmwu ẹvbo, wa ya ohan si egbe koko! Wa danmwehọ, wa ne ẹvbo ni rre urria vbe otọ agbọn na. Wa mu egbe ne uwa ya gbinna. Sokpan, wa gie ohan gha mu uwa. Ẹn, wa mu egbe ne uwa ya gbinna, sokpan, wa gie ohan gha mu uwa.

Aizaia 9:5

Ibata avbe iyokuo ni mu okuo dee kevbe ẹwu iran ne esagiẹn gbe yi hia erhẹn gha giẹn ehia a.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Ezikiẹl 43:2

I keghi ya bẹghe uwanmwẹ ne wainwain ne a ya rẹn ighe Osanobua Izrẹl rre evba vbe ọ ke odẹ ahọ dee. Urhu e Nọyaẹnmwa keghi ye vbe uvannọmwẹ okun, uwanmwẹ ne wainwain nii keghi wan mu otọ hia.

Daniẹl 7:2

Emwi ne I miẹn vbe asọn nii ọna khin. Ẹhoho keghi hoho ke igienenẹ rre, ọ na ghi mu aro okun rueghe.

Maika 4:11

Uhunmwu ẹvbo si koko, ne iran mu okuo gie uwa. Iran wẹẹ, “Te a gha dunmwu e Jerusalẹm sẹ otọ. Ma gha ya ẹvbo na khian itowa!”

Nọmbas 10:35

Ẹkpẹti Ile nii gha wa si okhian, e Mosis ghi kha wẹẹ, “E Nọyaẹnmwa, kpaegbe ne u zagha avbe eghian ruẹn kua, ne u vbe khulo iran ni mu ohu ruẹ kua!”

Iyẹn ne ọ Maan Ọghe Luk 21:25

“Ama gha rhiegbe ma vbe owẹn, kevbe uki kevbe avbe orhọnmwẹ. Egbe gha wọ agbọn ẹvbo ni bun vbe agbọn, ne afianma okun ni gbinna, kevbe odin amẹ ni hẹ yo hẹ rre.

Arhie Maan 17:1

Ọkpa vbe uwu avbe odibosa ihinrọn, ne egboghogbogho gha gue nii, keghi bu mwẹ gha dee do tama mwẹ wẹẹ, “Larre, ne I do rhie maa ruẹn vbene a ra ya rri ọre oya hẹ ighẹ ogiete ebabotu nii, ẹvbo nọkhua nii ne a bọ ye ọkpẹn avbe ẹzẹ ni bun.

Arhie Maan 17:15

Odibosa nii keghi vbe tama mwẹ wẹẹ, “Amẹ ne u miẹn ne ebabotu ni tota yan kegha re ẹbu kevbe agbọn ẹvbo kevbe ẹvbo ne a zẹ.