Aizaia 17:11 - Edo Bible (E Baibol Ẹdo) Version 1996

¹¹ Gia kha wẹ iran gele gbọọ, iran na họn ebe ẹsẹse vbe owiẹ ne uwa gbọọ iran zẹẹ, wa i ra kọlọ ọmọ iran. Ọlọghọmwa kevbe obalọ ne ẹ i mwẹ ukhunmwu ọkpa ọ re uwa ra miẹn vbọ.

Aizaia 17:11 ပူးပေါင်းရင်းမြစ်များ

Job 4:8

Mẹ miẹn emwa ni gua ugbo ọkhọ nẹ, iran na kọ uyinmwẹ ika zẹ vbe emwi okọ, eban nian, emwi ne iran rhọ ọrọre ọkhọ kevbe emwi dan.

Psalm 90:6

ọ na wan ọ na yuolo obobo ladian sokpan ọ kaka a vbe ota ọ keghi wu.

Aizaia 17:5

Izrẹl ghi do ye vbe ugbo ne a na fian ọka rhọ emwiokọ ni rrọ nẹ. Ọ ghi dihoi rua zẹ vbe ugbo ni rre iya e Refeim vbe a ghi wa gbẹn ọẹn mu otọ nẹ.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Hozia 8:7

Iran kọ ẹhoho iran gha rhọ okpẹhoho! Ugbo ọka ne ọma mọ ọka, ẹ i sẹtin rhie ebrẹd ladian. Sokpan, a deghẹ ọ sẹtin gha yerriọ, ẹrrẹe ọ re ọ ra rriọe rua.

Hozia 9:16

Ivbi Izrẹl ye vbe erhan ne inian rẹn kakaa nẹ, ne ẹ i ghi vbe sẹtin mọ. Iran i ra vbe mwẹ emọ sokpan, adeghẹ iran kue vbe miẹn biẹlẹ yi, te I ra gbele iran, nene emọ ne iran kakabọ ho ẹmwẹ ọnrẹn.”

Joẹl 1:17

Emwiokọ wulo ye uwu otọe nọkae. Ọka ne a gha viọ hin rre i rrọọ rhunmwuda ọnii, avbe erru ne emwi i ye, khian ni la ọrhiae rrie.

Levitikọs 26:20

Ẹsọn ne uwa gha miẹn hia, ọma ọkpa i ra kọe ladian, rhunmwuda, otọ ruẹ i ra ma emwiokọ, erhan ruẹn i ra vbe mọ.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Diuteronomi 28:39

Wa gha kọ emwiokọ ne a ya ru ayọn ne ọ baa wa ghi vbe dọlọ ẹe yi, sokpan wa i ra kọlọ ọmọ, ra ne uwa wọn ayọn rẹn, rhunmwuda ọkhọe gha rri erhan ne a ya ru ayọn ne ọ baa na.