Aizaia 17:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “E Damaskọs i ghi ra sẹtin gha re okpẹvbo ọvbehe, utete itowa ọ re ọ ghi ra gha khin.

Aizaia 17:1 ပူးပေါင်းရင်းမြစ်များ

Gẹnẹsis 14:15

Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs.

Gẹnẹsis 15:2

Sokpan Ebram keghi kha wẹẹ, “Nọyaẹnmwa ne Udazi, I i mwẹ emọ, de esa ne ẹse ne u ra ru mẹ khin? Ọmwa ne I mwẹ ne ọ gha rri ukhu, ọrọre Eliezẹ ne ovbi e Damaskọs.

I Ọba 11:24

Rẹn keghi do khian ọkaolotu avbe ikpata eso (Emwi na keghi sunu vbe Devid khọn Hadadeza miotọ nẹ ne ọ na vbe gbele avbe ọba ẹ Siria ni ga gie ẹe.) E Rezọn kevbe emwa rẹn kegha rre Damaskọs, emwa rẹn na ya ẹe ma ọba e Siria.

II Ọba 16:9

E Tiglat Pailesa keghi khuẹnniẹn ye Ehaz re, ọ na viọ ivbi iyokuo ẹre gha rrie Damaskọs, ọ na khọn ẹnrẹn, ọ na gbe Rẹzin ne ọba a, ọ na viọ emwa nii oghunmwu gha rre Ka.

I Krọnikol 18:5

Ugbẹn vbe ivbi e Siria ni rre Damaskọs ghi gie ivbiyokuo ne iran ya ye Hadadezẹ ne ọba obọ, e Devid ne ọba keghi dekun iran, ọ na gbele arhin arriaisẹn evayan ugie (22,000) vbọ.

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

II Krọnikol 28:5

Rhunmwuda ne Ehaz ne ọba na ru orukhọ, e Nọyaẹnmwa keghi gie obọ e Siria ke ukhunmwu ne ẹẹn vbe okuọ, ọ keghi vbe viọ ni bun vbe ivbi e Juda oghunmwu gha rrie Damaskọs. E Nọyaẹnmwa keghi vbe gie Pẹka ne ovbi e Remalaia ne ọba Izrẹl khọn miẹn Ehaz otọ ọ na gbele arriaisẹn iyehan (120,000) vbe uwu ivbiyokuo e Juda ni din sẹ vbe ẹdẹ ọkpa kẹkan. E Nọyaẹnmwa ne Osanobua avbe erha iran odede kue yọ ne emwi na sunu rhunmwuda ighẹ ivbi e Juda fi iyeke gbe irẹn.

Aizaia 10:9

I khọn avbe ẹvbo ne a tie ẹre Kalno kevbe Kakẹmis, e Hamat kevbe Apad. I khọn e Sameria kevbe Damaskọs.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 15:1

Uhunmwu ne a gie rre vbekpa e Moab ọ re ọna khin. Iran rẹnkhẹẹn avbe okpẹvbo ne a tie ẹre Aa kevbe Kẹẹ vbe asọn ọkpa, otọ e Moab na ghi wa hunwan hiii.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Aizaia 25:2

U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Aizaia 7:16

Uhin vbe ọ te sẹ ẹghẹ ne a kha na, emwa gha lẹ kua vbe otọe avbe ọba eveva ni runran uwẹ na.

Aizaia 7:8

Vbọzẹ? Rhunmwuda, e Siria ma wegbe sẹ e Damaskọs ne igiogbe ọ re, e Damaskọs ma vbe wegbe sẹ e Rezin ne Ọba. Sokpan, zẹ vbe ọghe Izrẹl, vbe ọ te do sẹ ukpo isẹn yan iyeha, iran gha zanzan ẹẹn ruan sẹrriọ wẹ, ẹ i ghi sẹtin guakpao do gha re uhunmwu ẹvbo ẹdẹ.

Aizaia 8:4

Ọmọ na ghi te wan sẹ ne ọ gha na gha tie ‘Iye’ tie ‘Ebaba’, ẹfe ni rre Damaskọs kevbe emwi ne a furu vbe Sameria hia gha khian ne ọba Asiria hẹ gha rrie.”

Jerimaia 49:2

“Sokpan, ẹghẹ dee ne I gha na gie iran ni rre Raba ne igiogbẹ họn ẹmwẹ okuo, a ghi ya ehia khian itowa, a ghi vbe giẹn avbe igue ẹre hia sotọ. Izrẹl ghi mu otọ ẹre werriegbe vbe obọ iran ni te miẹn ẹre re.

Maika 1:6

Rhunmwuda ọnii e Nọyaẹnmwa khare wẹẹ, “I gha ye Sameria khian itowa ne ọ vbiolo yan egbe vbe otọ oha, ehe ne a gha kọ alimo ayọn yi. I gha kpolo ẹvbo nii zẹ vbe iku ku uwu iya, I gha vbe gie agbọn miẹn ẹyotọ ẹre.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Zẹkaraia 9:1

Uhunmwu ne Nọyaẹnmwa giee ọ re ọna khin: Ọ mwamwa oya ne otọe Hedrak nẹ kevbe ore ẹvbo e Damaskọs. Ẹ i re ẹwae Izrẹl ọkpa ọrọre ọghe Nọyaẹnmwa sokpan, rẹn ọre ọ vbe yan igiogbẹ e Siria.

Iwinna 9:2

Ọ na ya miẹn ẹre ebe ọghe rẹn ọna khin, ne ọ rhie mwẹ gha rrie Ọgua ediọn avbe Ju ni rre Damaskọs wẹ, rẹn gha miẹn emwa ni lele odẹ ọghe Nọyaẹnmwa vbe odọ, ne ọ sẹtin munọ ehia, ikpia kevbe ikhuo nọ viọ iran gha di e Jerusalẹm.

Diuteronomi 13:16

Wa ghi viọ emwi ne emwa ẹvbo nii mwẹ hia ladian, a ghi do si ẹe yan egbe vbe ughe ẹvbo nii, wa ghi giẹn ẹvbo ni ke emwi hia ni rrọọ zẹ vbe emwi izọese gie Nọyaẹnmwa Osanobua rua. A ghi wa gie ẹe gha re itowa ẹdẹdẹmwẹdẹ, a ghẹ dọlegbe bọe.