Aizaia 16:2 - Edo Bible (E Baibol Ẹdo) Version 1996

² Iran keghi mudia vbe ọkpẹn Ẹzẹ Anọn iran na gha gbe ọghẹghẹ ghe aro ghe iyeke zẹvbe ahianmwẹ ne a khulo hin oko iran rre.

Aizaia 16:2 ပူးပေါင်းရင်းမြစ်များ

II Ọba 3:4

E Mesia ne ọba Moab, ohuan ọ re ọ rri, ukpukpo ọ re ọ ya ye ivbi ohuan arriaisẹn iyisẹn (100,000) kevbe eto ohuan arriaisẹn iyisẹn (100,000) mu ohan gie ọba Izrẹl.

Itan 26:2

Ẹbọ ne a tie ne ọmwa i miẹn emwi ru uwẹ re sokpan a ma wẹ te u gele fidọn. Te iran yevbe ahianmwẹ ni tin gberra vbe ne iran i na vbe tin kan otọe.

Itan 27:8

Ọmwa ne ọ kpao vbe owa rre, te ọ yevbe ahianmwẹ ne ọ kpa hin oko rre.

Aizaia 13:14

“Avbe orhunmwuyẹn ni rre Babilọn gha lẹ gha rrie ẹvbo iran, iran ghi zagha a vbe ẹrhuẹ ni lẹ ne ohuẹ kevbe avbe ohuan ni i mwẹ ne ọ su iran.

Jerimaia 48:20

Iran gha tama uwa wẹẹ, ‘E Moab dee guọghọ ua, wa viọe ighẹ a fa ẹre ua nẹ. Wa ya ya ẹe go lele ọkpẹn Ẹzẹ Anọn wẹẹ a fuẹn Moab ua.’

Jerimaia 48:46

Wa tohan ivbi e Moab. A fuẹn iran an ighe avbe emwa ni gho Kemọs, a keghi vbe viọ ivbi iran nikpia kevbe nikhuo zẹ vbe oghunmwu gha rrie.

Jerimaia 48:9

Wa mu okuta ayere yotọ ne Moab ẹ i ghi rrei a fuẹn ọnrẹn uan ban. A gha ya avbe ẹvbo ni rrọọ khian itowa, a i ghi miẹn ọmwa ne ọ gha yin ẹnrẹn ọvbehe.”

Nọmbas 21:29

Ọ suwa, wa ne ivbi Moab: Wa la ọrhiae rrie nẹ wa ni gho e Kemọs ẹbọ uwa keghi ya avbe emwa nii khian ni rre errọ avbe Ikhuo keghi khian oghunmwu ọba Amọri.

Diuteronomi 2:36

E Nọyaẹnmwa ne Osanobua mwa keghi gie ima khọn avbe ẹvbo hia ni rre ke Aroa vbe ọkpẹn Ẹzẹ Anọn kpao rhinrin ya sẹ Giliad mu otọ ke ẹe kevbe avbe ẹvbo ni wa rre ọkpẹn nene ẹzẹ tobọ ẹre. A ma miẹn ẹvbo ne ekẹn ọnrẹn yo gbe ne ima.

Diuteronomi 3:12

“Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Diuteronomi 3:8

“Ẹre a na miẹn wẹ ẹghẹ ni ọ re ima na viọ ẹvbo hia ni rre odẹ ahọ Ẹzẹ Jọdan hin obọ avbe ọba Amọri eva rre, kevbe Ẹzẹ Anọn ya sẹ oke Hẹmọn.

Jọsua 13:16

Otọe iran keghi ke Aroẹ kpao (vbe ehọ Iya Anọn) kevbe ẹvbo ne ọ rre adesẹneva iya nii, kevbe avbe otọ ni rriẹe hia ni lẹga Mẹdeba.

Giọgis 11:18

Ẹre iran na ye gha khian vbe uwu ato. Iran keghi bi egbe ne otọe Idọm kevbe Moab, iran keghi do sẹ odẹ ahọ ọghe Moab vbe obọ nọkpa ọghe Ẹzẹ Anọn. Iran keghi bu agọ ye evba sokpan, iran ma fian Ẹzẹ Anọn rra rhunmwuda evba ọrọre uwu Ọghe Moab.