Aizaia 16:14 - Edo Bible (E Baibol Ẹdo) Version 1996

¹⁴ “Vbe ukpo eha ne ọ dee zẹẹ, ẹfe ọrhẹnrhẹn ne Moab mwẹ gha khian ne a ho bẹkun. Ibozẹghẹ ọ re ọ ra kẹe rre vbe ẹvbo ọrhẹnrhẹn ne ọ mwẹ, te iran ni ra vbe ye mitan mitan.”

Aizaia 16:14 ပူးပေါင်းရင်းမြစ်များ

Gẹnẹsis 31:1

E Jekọb ghi họn wẹ ivbi e Leban ta ee khian wẹẹ, “Jekọb viọ emwi erha ima fo. Emwi erhamwa ọre ọ ya họn ẹfe ne ọ mwẹ hia.”

Ẹsta 5:11

Ọ keghi gha rhuọ ma iran vbene irẹn fe hẹ, inu emọ ikpia ne irẹn mwẹ vbene ọba vbe rhie irẹn ye ukpo nọkhua hẹ kevbe vbene irẹn mwẹ uyi sẹ emwa ọvbehe hia ni rre ukpo asẹ vbe oga ọba hẹ.

Job 14:6

Rhie aro hin ẹre egbe rre ne u sẹ ọe rae, ne u giẹ ẹe vbe zọmọ vbe agbọn usẹ ne ọ ye, a deghẹ ọ gha sẹtin.

Job 7:1

“Ẹdagbọn ọmwa nagbọn, te ọ ye vbe okuo ne a ya ẹtin mu ọmwa gha rrie.

Aizaia 11:14

Iran gha koko dekun e Filistia ni rre odẹ ọlarrie owẹn, iran ghi vbe fu iran ni rre odẹ ahọ emwi viọ. Iran gha khọn ivbi Idọm kevbe Moab, ivbi Amọn ghi gha họn ẹmwẹ ne iran.

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 16:13

Ọnii ọrọre uhunmwu ne Nọyaẹnmwa ka vbe giee rre vbekpa e Moab. Banbanna nian, e Nọyaẹnmwa khare wẹẹ,

Aizaia 17:4

E Nọyaẹnmwa khare wẹẹ, “Ẹdẹ dee ne ukpọlọmwẹ Izrẹl gha sẹ ufomwẹ, a ghi ya ogue rọ ẹfe ne ọ te mwẹ.

Aizaia 21:16

Ẹre Nọyaẹnmwa na tama mwẹ wẹẹ, “Ọ gha wa rre ukpo okpa zẹẹ ukpọlọmwẹ ọghe ẹwae e Keda gha sẹ ufomwẹ!

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 25:11

Iran gha niẹn obọ ladian zẹ vbe ọmwa ne ọ ra khue vbe ẹzẹ, sokpan, Osanobua gha gbe iran kotọ, obọ iran ghi dinmwi lughọlughọ ye uwu ẹzẹ.

Aizaia 7:16

Uhin vbe ọ te sẹ ẹghẹ ne a kha na, emwa gha lẹ kua vbe otọe avbe ọba eveva ni runran uwẹ na.

Jerimaia 48:42

A gha fuẹn Moab ua, ẹi ghi ra vbe gha re okpẹvbo ọvbehe rhunmwuda, ọ sọtẹ mwẹ nẹ.

Jerimaia 9:23

E Nọyaẹnmwa keghi kha wẹẹ, “Ọ ma kei ne iran ni wan ya ẹwaẹn iran gha rhuọ ra ne iran ni wegbe ya iwegbe iran gha rhuọ ra ne iran ni fe ya ẹfe iran gha rhuọ.

Diuteronomi 15:8

Sokpan, gha zẹ emwi obọ ne u vbe rhie ne emwa mọmọ zẹ vbene ọ ho.