Aizaia 16:12 - Edo Bible (E Baibol Ẹdo) Version 1996

¹² Ivbi e Moab gha miẹn ẹsọn a gha wu a rrie, ne iran ya hin uhunmwu oke, ne iran na ya gha yo aro ẹbọ kevbe ẹgbo ẹbọ ni rrọ, ya gha na erhunmwu sokpan, ọ maa rhọkpa i ra ke ọe ladian ne iran.

Aizaia 16:12 ပူးပေါင်းရင်းမြစ်များ

I Ọba 11:7

Ọ keghi bọ ehe ne a na gho Kiẹmọs ne ẹbọ emwiekhue Moab ye odẹ ahọ e Jerusalẹm kevbe ehe ne a na gho e Milkọm ne ẹbọ emwiekhue Amọn.

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

II Ọba 19:12

Avbe erha mwẹ odede ọ re ọ dunmwu avbe ẹvbo ne a tie ẹre Gozan, Haran kevbe Rezẹf sẹ otọ, ọ kevbe gbele emwa ni rre Bẹtẹdẹn, ni rre Telasa, ẹbọ iran ne ọ sẹtin miẹn iran fan i rrọọ.

II Ọba 3:27

Ọ keghi rhunmwuda onii mu ovbi ẹre ne ọdiọn ne ọ gha rriọba lele ẹe, ọ keghi gbe ẹe ye uhunmwu ekẹn ne a gbe lẹga ẹvbo nii ya zọ ese ghe ẹbọ e Moab. Ohan keghi mu ivbi Izrẹl, iran na werriegbe, iran lahin ẹvbo nii rre, iran na gha rrie ẹvbo iran.

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Aizaia 16:13

Ọnii ọrọre uhunmwu ne Nọyaẹnmwa ka vbe giee rre vbekpa e Moab. Banbanna nian, e Nọyaẹnmwa khare wẹẹ,

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Aizaia 37:38

Ọ ghi sẹ ẹdẹ ọkpa, vbe ọ ghi ga vbe aro e Nisrọk ne ẹbọ ne ọ gho, eva vbe uwu avbe ivbi ẹre nikpia, Adramẹlẹk kevbe Siarezẹ, keghi ya umozo iran gbe ẹe rua, iran na lẹ gha rrie otọe Ararat. Ovbi ẹre nokpia ọvbehe ne a tie ẹre Esahadọn keghi rhie ihe ẹre zẹvbe ọgbaisi.

Aizaia 47:13

U i ye mwẹ ẹtin, vbene a bu ruẹ ude sẹ gie iran ni we uki ne uẹn ladian do miẹn ruẹn fan avbe iran ni ghe umian vbe orhọnmwẹ iran ni mwamwa iso ye dọmwadẹ oghae ni vbe tama ruẹn uki uki wẹ ghe emwi ne ọ gha sunu vbe egbe ruẹ.

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Jerimaia 48:13

Ẹghẹ nii, ivbi e Moab gha khian ne iro hanrẹn ba ẹmwẹ e Kemọs ne ẹbọ iran, zẹ vbene iro e Bẹtẹl han ivbi Izrẹl, ẹbọ ni ne iran te mu ẹtin yan.

Jerimaia 48:35

I gha ru ẹe ne emwa e Moab ghẹ ghi zọ ese ne a giuan vbe ehe ne iran na ga, kevbe ne iran ghẹ ghi zọ ese ghe ẹbọ iran. mẹ ne Nọyaẹnmwa tae nẹ.

Jerimaia 48:46

Wa tohan ivbi e Moab. A fuẹn iran an ighe avbe emwa ni gho Kemọs, a keghi vbe viọ ivbi iran nikpia kevbe nikhuo zẹ vbe oghunmwu gha rrie.

Jerimaia 48:7

“E Moab, ẹtin ruẹn ọ re u mu ẹtin yan kevbe ẹfe ruẹ, sokpan, banban, uhin ighẹ te a ra khọn ruẹn, e Kemọs ne ẹbọ ruẹ gha yo iwe ọ ghi lele ivbi ọba kevbe avbe ohẹn ọnrẹn gha khian.

Nọmbas 21:28

Vbe ẹghẹ ọkpa yi, ivbiyokuo Saihọn keghi ke Hisbọn kpao zẹ vbe erhẹn ọ keghi dunmwu Ar ne ọ rre Moab rẹnkhẹnrẹnkhẹn ọ keghi mi oke ne ọ ke odọ vbe Anọn re.

Nọmbas 22:39

Ọ re Balam na lele Balak gha rrie ẹvbo ne a tie ẹre Huzot,

Nọmbas 22:41

Owiẹ ne ọ lelẹe, e Balak keghi rhie Balam gha rrie uhunmwu oke Bamot Bal. E Balam keghi sẹtin ke evba bẹghe eso vbe ivbi Izrẹl.

Nọmbas 23:14

Ọ keghi rhie ẹre gha rrie ako oha ọghe Zofin vbe uhunmwu oke Pisga. Ọ keghi vbe gba aka ihinrọn vbe evba, ọ na ya ẹkhuia ẹmila ọkpa ke ogho ọkpa zọ ese vbe uhunmwu ọkpọkpa vbọ.

Nọmbas 23:28

Ẹre ọ na rhie Balam gha rrie Uhunmwu oke Peọ ne a ke ghe ato.

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.