Aizaia 16:10 - Edo Bible (E Baibol Ẹdo) Version 1996

¹⁰ Orhiọnkpa ne ẹko maa ighi rrọ nian vbe otọe ne ọ maa emwiokọ nii. A i ghi miẹn ọmwa ne ọ wee ra ne ọ gha so ihuan vbe ogba azara. A i ghi miẹn ọmwa ne ọ minọ alimo ya ru ayọn, uwemwẹ oghọghọ sẹẹ ufomwẹ.

Aizaia 16:10 ပူးပေါင်းရင်းမြစ်များ

Job 24:11

Iran ghi gha minọ ẹvbi oliv ladian, iran ghi vbe minọ ayọn alimo ladian, sokpan, ovbamẹ amẹ ghi gha gbe iran tobọ iran.

Aizaia 24:11

Emwa gha go vbe adesẹ ẹvbo rhunmwuda wẹ ayọn ighi rrọọ. Oghọghọ fo ẹdẹdẹmwẹdẹ, a wabọ ẹre ua hin otọe ni rre.

Aizaia 32:10

Ẹko sẹtin wa vuọn uwa nian, sokpan, vbe ẹghẹ na ukpo ne ọ dee, wa gha rre uwu iro ne ọ hanrẹn, rhunmwuda, wa i ighi ra miẹn alimo rhọ.

Jerimaia 48:33

A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Ezikiẹl 7:7

Ufomwẹ dee ne uwa ni rre otọe nii. Ẹghẹ dee ne ai ghi ra na gha do ugie ọyọ vbe avbe uhunmwu oke, otighi ghi gha rre ehia.

Joẹl 1:12

Alimo ayọn kevbe avbe erhan ohọ ehia luẹluẹe. Erhan ni mọ hia, khuọn ebe kua, iran keghi wulo. A ho ẹkorhiẹnrhiẹnmwẹ emwa nii bẹkun.

Emọs 5:11

Wa wọ avbe ivbiogue uhunmwu, wa keghi vbe do iran ọka viọ. Rhunmwuda ọnii, wa i yin owa okuta ne mose mose ne uwa bọlọe, ra na uwa da ayọn ne ọ ke ugbo azara ne uwa gbe rre.

Emọs 5:17

Ugomwẹ gha rre uwu ogba azara hia. Emwi na hia sunu rhunmwuda, I dee ra do rri uwa oya.” Erriọ Nọyaẹnmwa khare.

Emọs 9:13

E Nọyaẹnmwa khare wẹẹ, “Ẹdẹ dee ne ọka gha maa ẹgiẹgiẹ gberra vbene a ya rhọ ẹre alimo ayọn ghi vbe wan ẹgiẹgiẹ gberra vbene a sẹtin ya ru ayọn. A vbe oke nekhua gha gin ayọn ne ọ rhiẹnrhiẹn rre. Ọ ghi gha lẹẹ ọre ku otọ.

Zẹfanaia 1:13

Emwa gha fu iran emwi viọ, a gha dunmwu owa iran an. Iran i yin owa ne iran bọlọe ra ne iran da ayọn vbe ọghe ugbo azara ne iran gbee.”

Giọgis 9:27

Iran kegha rrie ugbo iran, iran na ya kọlọ ọmọ erhan ne a ya ru ayọn ne ọ baa, iran keghi ru ayọn, iran na ya ẹe le evbare emwiukpo. Iran na gha rrie aro ẹbọ iran, iran na ya gha re, iran na ya gha da, iran na gha ye Abimẹlẹk gbe ogiẹ.