Aizaia 15:9 - Edo Bible (E Baibol Ẹdo) Version 1996

⁹ Ẹzẹ ne ọ rre ẹvbo Dibọn khian ne ọ ghi baa ba ẹmwẹ esagiẹn, Osanobua ye vbe zẹ emwi ne ọ rhia sẹẹ ọnii yotọ khẹ emwa ni rre evba. Ẹn, ugbe yan agbanmwẹ diakhẹ emwa hia ni rre Moab.

Aizaia 15:9 ပူးပေါင်းရင်းမြစ်များ

II Ọba 17:25

Ẹghẹ ne iran na sẹ evba vbe okaro, iran ma ga e Nọyaẹnmwa, rẹn keghi rhunmwuda ọnii gie oduma gha khian, ọ na gbele eso vbe uwu iran.

Aizaia 15:8

Urhu eve ọ re a ghi họn vbe ehe hia ne otọ e Moab lae. A họn nẹẹn vbe ẹvbo Eglaim kevbe Biarelim.

Jerimaia 15:3

“Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Nọmbas 21:30

Sokpan, banbanna nian, a fuẹn ivbi uniẹn iran an kevbe Hesbọn wa gha dee do se Dibọn kevbe Nasim ya sẹ Mofa vbe ọkpẹn Madeba.”