Aizaia 15:5 - Edo Bible (E Baibol Ẹdo) Version 1996

⁵ Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 15:5 ပူးပေါင်းရင်းမြစ်များ

Gẹnẹsis 13:10

Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra).

Gẹnẹsis 14:2

Iran keghi mu okuo gie ọba isẹn, Bera ọghe Sọdom, Risia ọghe Gomorra, Sinab ọghe Adma, Siẹmba ọghe Zẹboim kevbe ọba ọghe Bẹla (ra Zoa)

Gẹnẹsis 19:22

Zẹgiẹ! Rhulẹ! I i ra sẹtin ru emwi rhọkpa vbe ẹ i re te u sẹ evba nẹ.” Rhunmwuda ne Lọt na tie ẹre nekherhe, a ke gha tie ẹvbo nii Zoa.

II Samuẹl 15:23

Emwa ni lele Devid khian ghi gberra khian, emwa nii hia keghi wee eve. Ọba keghi fian ẹzẹ Kidrọn rra, emwa rẹn keghi vbe fian ẹẹn rra, iran keghi la odẹ ẹgbo.

II Samuẹl 15:30

E Devid keghi mu Oke Ọliv hin, ọ kegha viẹ khian, ọ ma viọ ibata ye owẹ, sokpan ọ keghi mu ukpọn rhu uhunmwu gha khiẹ. Iran ni lelẹe khian hia keghi vbe viọ ukpọn rhu uhunmwu, iran na gha viẹ.

Aizaia 16:14

“Vbe ukpo eha ne ọ dee zẹẹ, ẹfe ọrhẹnrhẹn ne Moab mwẹ gha khian ne a ho bẹkun. Ibozẹghẹ ọ re ọ ra kẹe rre vbe ẹvbo ọrhẹnrhẹn ne ọ mwẹ, te iran ni ra vbe ye mitan mitan.”

Aizaia 22:5

Ẹghẹ ulẹ ọbanban ọna khin, ẹghẹ a khọn ọmwa muotọ kevbe iro hanrẹn vbe Iya Umian, e Nọyaẹnmwa, Oghodua ne Osanobua ne Udazi, ọ re ọ ru ima ọna. Ekẹn ne a gbe lẹga ẹvbo mwa khian ne a rẹnkhẹẹn uan, utumwẹ wa bu rre kegha migbo vbe uhunmwu oke.

Aizaia 59:7

Uma dan ọ re uwa si vbe ẹghẹ hia, ọ ghi vbe gha bọbọ uwa egbe ne a ru. Wa ghi gha gbe ne ọ ma rukhọ, ẹ i sọn uwa urumwẹ. Ọ rhia ẹe kevbe ọrẹnkhuan ọ re a ya rẹn ehe ne uwa lae,

Jerimaia 13:17

Adeghẹ uwa ma zẹ yọ, I gha ya viẹ vbe ẹkhokho rhunmwuda itengbemu uwa I gha viẹ eve orriara, ameve, mwẹ ghi gha rhọ kua, rhunmwuda, a munọ emwa oghunmwu viọ gha rrie.

Jerimaia 17:16

Sokpan, mẹ ma kha wẹ ne u gie ọkhọ rruan iran Nọyaẹnmwa. Mẹ ma vbe kha wẹ ne iran miẹn ibaro. E Nọyaẹnmwa, wẹ rẹn ọnọna, wẹ rẹn ẹmwẹ ne I tae.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 4:20

Ọfuan okpa lele ọvbehe itowa ọre ẹvbo nii hia ghi khin. Iran dunmwu agọ ima hia vbe udomwurri iran yanghan ukpọn onurho ni rrọ ua.

Jerimaia 48:3

Ivbi e Horonaim gha go kha wẹẹ, ‘Ọkhọ! Ọfuan!’

Jerimaia 48:5

Gha họn vbe iran so asukpẹ eve vbe odẹ ne ọ rrie Luhit; eve akhiẹ, vbe odẹ ne ọ rrie Horonaim.

Jerimaia 50:46

Ẹdẹ ne Babilọn gha de gbotọ, ọ gha la sẹ vberriọ wẹ otọe agbọn hia ghi mu rueghe, avbe agbọn ẹvbo nekpa gha họn utumwẹ wa bu rre ẹre.”

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Nọmbas 21:29

Ọ suwa, wa ne ivbi Moab: Wa la ọrhiae rrie nẹ wa ni gho e Kemọs ẹbọ uwa keghi ya avbe emwa nii khian ni rre errọ avbe Ikhuo keghi khian oghunmwu ọba Amọri.