Aizaia 15:3 - Edo Bible (E Baibol Ẹdo) Version 1996

³ Emwa ni khian vbe ore viọ ukpọn akhiẹ rhuan, emwa gha viẹ, iran vbe khiẹ vbe adesẹ ughe kevbe ẹrhunrhun owa.

Aizaia 15:3 ပူးပေါင်းရင်းမြစ်များ

II Samuẹl 3:31

Ẹre Devid na wẹ ne Joab kevbe emwa rẹn sọ ukpọn iran uan, ne iran viọ ukpọn akhiẹ rhuan, ne iran khiẹ Abna. Ugbẹn vbe iran ghi re ẹre, e Devid ne ọba tobọ ẹre keghi ya owẹ khian lele ẹkpẹti orinmwi ẹnrẹn.

II Ọba 6:30

Ọba ghi họn ẹmwẹ na, ọ keghi sọ ukpọn rẹn uan rhunmwuda vbene ọ gbe ẹre egbe sẹ, emwa ni sikẹ ọkpẹn ekẹn keghi bẹghe ẹre wẹ ukpọn akhiẹ ẹre ọ yọ kotọ.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Aizaia 3:24

Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”

Jerimaia 48:37

Iran hia khiokhio eto mu otọ iran keghi vbe gbẹn ẹtu iran. Iran valọ obọ iran, edọmwadẹ ọghọe keghi vbe rhuan ukpọn akhiẹ.

Eve Orriara 2:10

Avbe eniwanrẹn e Jerusalẹm tota lele otọ vbe ahunwan hii, iran zẹẹ ebubẹ ye uhunmwu, iran keghi viọ ukpọn akhiẹ ye egbe. Evbokhunvbi hia hie uhunmwu ghe otọ.

Ezikiẹl 7:18

Iran gha viọ ukpọn akhiẹ ye egbe, iran ghi gha guẹ kpẹkpẹkpẹ. A gha zẹlẹ iran hia eto, a ghi vbe fa iran uan.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Matiu 11:21

“Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.

Diuteronomi 22:8

“U gha bọ owa ọgbọn, ghẹ mwẹ u ma ru emwi ne a dayi lẹga ehọ okhiẹ ọ re. Ẹghẹ nii, ẹ i ghi rre urhu ruẹ ọ re ọ ye a deghẹ ọmwa defua, ọ na wu.

Jems 5:1

Banbanna nian, wa danmwehọ mwẹ, wa ni fee. Wa gha viẹ, wa gha viẹ eve orriara ye ẹmwẹ ọkhọ ne ọ ra do sunu vbe egbe uwa.

I Samuẹl 5:12

Iran ni ma wulo vbọ, uruvba keghi munọ iran. Iran kegha datie ẹbọ iran ne ọ do yi iran obọ.