Aizaia 15:2 - Edo Bible (E Baibol Ẹdo) Version 1996

² Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Aizaia 15:2 ပူးပေါင်းရင်းမြစ်များ

II Samuẹl 10:4

E Hanun keghi munọ eguọmwadia e Devid, ọ na zẹlẹ iran obọ ọkpọkpa kua vbe ẹtu iran, ọ keghi giagia iran ukpọn ke ẹkun gha die otọ, ọ na wẹ ne iran gha rrie.

I Krọnikol 19:4

E Hanun na munọ emwa ne Devid gie ẹre uhunmwu, ọ na gbẹn iran ẹtu kua, ọ na giagia ẹwu iran la ẹkun, ọ na wẹ ne iran gha rrie.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Aizaia 14:31

Wa gha go, ne uwa vbe gha tu nọ iyobọ, wa ne avbe okpẹvbo e Filistin hia. Wa runran, wa hia fẹẹrẹ. Amẹ ne ọ bii ne ọ re ebubẹ, ke odẹ okuọ dee, ivbiyokuo ne avbiẹrẹ okpa i rre otu ẹre.

Aizaia 15:3

Emwa ni khian vbe ore viọ ukpọn akhiẹ rhuan, emwa gha viẹ, iran vbe khiẹ vbe adesẹ ughe kevbe ẹrhunrhun owa.

Aizaia 16:12

Ivbi e Moab gha miẹn ẹsọn a gha wu a rrie, ne iran ya hin uhunmwu oke, ne iran na ya gha yo aro ẹbọ kevbe ẹgbo ẹbọ ni rrọ, ya gha na erhunmwu sokpan, ọ maa rhọkpa i ra ke ọe ladian ne iran.

Aizaia 16:7

Ivbi e Moab gha viẹ rhunmwuda ọlọghọmwa ne iran mwẹ. Iran hia gha viẹ vbe iran a ye ẹre rre ighe evbare esiesi ne iran te re vbe Kẹ Hẹrẹs. Ọna gha wa ya egbe wọ iran fo.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 3:24

Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!

Jerimaia 3:21

A họn owogho eso vbe uhunmwu oke: Ivbi Izrẹl ọ re ọ tulo, ne ọ vbe rinmwian rhunmwuda iran ru orukhọ, iran keghi vbe mianmian e Nọyaẹnmwa ne Osanobua iran.

Jerimaia 47:2

Ọ wẹẹ: “Ghe! Amẹ bi vbe odẹ okuọ, ọ gha khọn rre zẹ vbe ẹzẹ ne ọ ro sẹ oke ọ gha ro gue otọ kevbe emwi ni rrọọ hia, avbe okpẹvbo kevbe ẹvbo ni rrọọ hia, emwa hia gha go wẹ wa bu rre, emwa ni rre agbọn gha viẹ eve orriara.

Jerimaia 47:5

Ivbi e Gaza miẹn akhiẹ nọkhua, ọgbunu gbe ivbi Askẹlọn unu an vbe Filistia ra khiẹ kpee sẹ hẹ vbe otọ yi?

Jerimaia 48:1

Ẹmwẹ ne Nọyaẹnmwa ne Oghodua tae vbekpa Moab ọ re ọna khin: “Wa tohan ivbi e Nebo, a dunmwu ẹvbo iran an nẹ! A khọn mu e kirriatam, a guọghọ odin nọkhua ne ọ lẹga ẹre sotọ, a keghi vbe fa emwa ni rrọ ua.

Jerimaia 48:18

Wa ni rre Dibọn, wa ke ukpo uyi uwa tuorre, ne uwa tota ye ebubẹ vbe otọ. Ọmwa ne ọ fuẹn Moab ua rre emwa na, ọ keghi ye avbe owa ọkhẹ ẹre khian itowa.

Jerimaia 48:31

Rhunmwuda ọnii, I gha viẹ ivbi e Moab hia, kevbe ivbi e Ka Hẹrẹs.

Jerimaia 48:35

I gha ru ẹe ne emwa e Moab ghẹ ghi zọ ese ne a giuan vbe ehe ne iran na ga, kevbe ne iran ghẹ ghi zọ ese ghe ẹbọ iran. mẹ ne Nọyaẹnmwa tae nẹ.

Jerimaia 49:3

Ivbi e Hesbọn, wa gha tulo! A fuẹn Ai rua nẹ! Ikhuo e Raba, wa ya gha khiẹ! Wa viọ ukpọn akhiẹ ye egbe ne uwa gha khiẹ. Wa gha hẹ yo hẹ rre vbe uwu iro ne ọ hanrẹn. A gha mu e Milkọm ne ẹbọ uwa gha rrie iwe, ke ẹe ke avbe ohẹn ọnrẹn kevbe avbe ivbi ọba.

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Ezikiẹl 27:31

Iran zẹ eto iran ne uẹn, iran keghi viọ ukpọn akhiẹ ye egbe. Ekhọe iran hia rriara, vbe iran viẹ nii.

Ezikiẹl 30:2

“Ovbi ọmwa, guan ẹmwẹ akhasẹ, ne u tama iran vbene imẹ ne Nọyaẹnmwa ne Udazi kha hẹ. Te u ra ya avbe ẹmwẹ na go: “Ẹdẹ ugborrirri dee!

Ezikiẹl 7:18

Iran gha viọ ukpọn akhiẹ ye egbe, iran ghi gha guẹ kpẹkpẹkpẹ. A gha zẹlẹ iran hia eto, a ghi vbe fa iran uan.

Levitikọs 13:40

Eto ọmwa gha khuọn kua vbe odieke ra odaro uhunmwu, ọnii ma mu awua gie ẹe.

Levitikọs 21:5

“Ohẹn rhọkpa ghẹ khiokhio ehe rhọkpa vbe eto ne uhunmwu ẹnrẹn ra ne ọ gia ẹtu ẹre, ra ne ọ ya emwi vinnọ egbe ẹre ne ọ ya rhie maa ighẹ te irẹn khiẹ.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Nọmbas 21:28

Vbe ẹghẹ ọkpa yi, ivbiyokuo Saihọn keghi ke Hisbọn kpao zẹ vbe erhẹn ọ keghi dunmwu Ar ne ọ rre Moab rẹnkhẹnrẹnkhẹn ọ keghi mi oke ne ọ ke odọ vbe Anọn re.

Nọmbas 21:30

Sokpan, banbanna nian, a fuẹn ivbi uniẹn iran an kevbe Hesbọn wa gha dee do se Dibọn kevbe Nasim ya sẹ Mofa vbe ọkpẹn Madeba.”

Nọmbas 32:3

“Otọe ne Nọyaẹnmwa mu ne ivbi Izrẹl ne iran yin ẹnrẹn, ighẹ avbe ẹvbo Atarọt, Dibọn, Jazẹ, Nimra, Hesbọn, Elielẹ, Seban, Nebo kevbe Biọn, otọe ne ọ maa ẹmila wa nọ, ma keghi vbe mwẹ ẹmila ni bun.

Nọmbas 32:38

Nebo, Bal Miọn (te a fi eni na werriẹ) kevbe Sibma. Iran munọ eni ughughan ne ẹvbo ne iran dọlegbe bọlọ.

Diuteronomi 14:1

“Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.

Diuteronomi 34:1

E Mosis keghi ke otọe ne ọ rriẹe ọghe Moab gha rrie oke Nebo vbe uhunmwu Oke Pisga vbe odẹ ọghe Jẹriko, evba e Nọyaẹnmwa na rhie otọe Kenan hia ma rẹn: otọe Giliad rhinrin ya sẹ Dan vbe odẹ okun.