Aizaia 15:1 - Edo Bible (E Baibol Ẹdo) Version 1996

¹ Uhunmwu ne a gie rre vbekpa e Moab ọ re ọna khin. Iran rẹnkhẹẹn avbe okpẹvbo ne a tie ẹre Aa kevbe Kẹẹ vbe asọn ọkpa, otọ e Moab na ghi wa hunwan hiii.

Aizaia 15:1 ပူးပေါင်းရင်းမြစ်များ

II Ọba 3:25

Iran na guọghọ ẹvbo iran an. Iran gha la otọ ne ọ maa emwiokọ gberra, ivbi Izrẹl hia ghi gha filo okuta yọ a te do miẹn wẹ okuta vuọn ehia fẹẹrẹ. Iran keghi khiọ uvun ẹzẹ, iran na tọnnọ avbe erhan ni mọ ọmọ kua. Okiekie, a keghi miẹn wẹ igiogbẹ ẹvbo nii ne a tie ẹre Harẹsiẹt ọkpa, ẹre ọ ghi ke ẹe. Ivbi Izrẹl keghi ghae ga ẹre, iran na dekun ẹnrẹn.

Aizaia 11:14

Iran gha koko dekun e Filistia ni rre odẹ ọlarrie owẹn, iran ghi vbe fu iran ni rre odẹ ahọ emwi viọ. Iran gha khọn ivbi Idọm kevbe Moab, ivbi Amọn ghi gha họn ẹmwẹ ne iran.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 14:28

Uhunmwu ne a giee rre vbe ukpo ne Ehaz wu ọ re ọna khin.

Aizaia 16:11

I ya akhiẹ viẹ eve orriara ne Moab, kevbe eve oya ne Kẹ Hẹrẹs.

Aizaia 16:6

Ivbi e Juda khare wẹẹ, “Ma họn vbene ivbi e Moab hio hẹ, ma rẹnrẹn ighe iran tọn egbe mu, iran ghi gha ya obọ rra ẹwẹe, sokpan, orhuọ ne iran rhuọ, ifianyanegbe nọ.”

Aizaia 16:7

Ivbi e Moab gha viẹ rhunmwuda ọlọghọmwa ne iran mwẹ. Iran hia gha viẹ vbe iran a ye ẹre rre ighe evbare esiesi ne iran te re vbe Kẹ Hẹrẹs. Ọna gha wa ya egbe wọ iran fo.

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 25:12

Ọ gha guọghọ owa ọkhẹ ni wegbe ọghe Moab ke ẹe kevbe ekẹn ne a gbe ni yo ne iran mwẹ, ọ ghi rrua ehia guọghọ ua yotọ zẹ vbe ebubẹ.

Nọmbas 21:28

Vbe ẹghẹ ọkpa yi, ivbiyokuo Saihọn keghi ke Hisbọn kpao zẹ vbe erhẹn ọ keghi dunmwu Ar ne ọ rre Moab rẹnkhẹnrẹnkhẹn ọ keghi mi oke ne ọ ke odọ vbe Anọn re.

Diuteronomi 2:18

ẹdẹnẹrẹ na, wa ghi wa ya la odẹ Ar la otọe Moab gberra.

Diuteronomi 2:19

Ẹghẹ nii, wa ghi do sikẹ otọ emwa Amọn ni re ivbi uniẹn e Lọt. Wa ghẹ kpokpo iran, wa ghẹ gu iran khọn rhunmwuda mẹ ira mu ne uwa vbe otọ ne I mu ne iran nẹ.”

Diuteronomi 2:9

“Ẹre Nọyaẹnmwa na tama mwẹ wẹ, ‘Wa ghẹ kpokpo ivbi e Moab ne ivbi e Lọt, ra ne uwa suẹn iran ne a gu gbinna. Mẹ mu ẹvbo Ar ne iran nẹ, mẹ i ra mu ne uwa vbe otọe iran hiehiere.’