Aizaia 14:4 - Edo Bible (E Baibol Ẹdo) Version 1996

⁴ Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Aizaia 14:4 ပူးပေါင်းရင်းမြစ်များ

II Krọnikol 36:18

Ọba e Babilọn keghi fu emwi ni rre Ọgua Osa viọ, ke asa Ọgua Osa kevbe ẹfe ne ọba mwẹ kevbe ne avbe irriegie ẹre vbe mwẹ, ọ na viọ ehia gha rrie Babilọn.

Aizaia 13:1

Uhunmwu ne a giee rre vbe ekpa e Babilọn ọ re ọ na khin, zẹ vbene Aizaia ne ovbi Amọz họn ẹẹn ke ehe ne Osanobua ye gha dee.

Aizaia 13:19

E Babilọn ọrọre otọe arriọba ne ọ mose sẹẹ vbe uwu ehia, emwi ne emwa rẹn ya hio nọ. Sokpan mẹ ne Nọyaẹnmwa gha dunmwu e Babilọn uan zẹ vbene i ru e Sọdom kevbe Gomorra.

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 14:5

E Nọyaẹnmwa rhie ufomwẹ ye ẹtin avbe enikhaemwisẹ dan nẹ,

Aizaia 14:6

iran ni ya ohu wọ avbe emwa nii uhunmwu, vbe ne iran i na vbe dobọ ẹvbo ni iran khọnrẹn ne iran zẹ kpokpo yi.

Aizaia 16:4

Gie ima di otọ uwa ya. Wa degue ima ne obọ iran ni ho ne iran fuẹn ima an ghẹ gba ima.” (A zẹ ọmwa kpokpo kevbe ọfuan gha sẹ ufomwẹ, iran ni vbe mu ẹvbo rhia gha kpao).

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Aizaia 47:5

E Nọyaẹnmwa tama e Babilọn wẹẹ, “Tota ne u hunwan hii vbe uwu ebiebi a i ghi dọlegbe tie ruẹ oloi avbe uhunmwu ẹvbo!

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 48:17

“Wa khiẹ ẹvbo nii, wa ni yin diake ẹe wa hia fẹẹrẹ ni rẹn usi ẹre. Wa kha wẹẹ, ‘A ye arriọba ẹtin ẹnrẹn owẹ yotọ, uyi kevbe ẹtin ẹnrẹn i ghi rrọ ọvbehe.’

Eve Orriara 4:1

Igoru mwa ne ọ te fi wainwain wu nẹ vbe aro. Avbe okuta Ọgua Osa tagha lele ore ẹvbo hia.

Ezikiẹl 5:15

“Ohu uwa gha kakabọ mu mwẹ, I na rri uwa oya, avbe ẹvbo ni lẹga uwa gha runran. Iran gha yan aroa gha ghe uwa, iran ghi ya uwa gha gbogiẹ.

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Habakọk 2:17

U tọn ẹgbo Lebanọn gbe otọ nẹ, banbanna nian a gha vbe tọn uwẹ gbe otọ, u gbele aranmwẹ ọnrẹn nẹ, banbanna nian, te avbe aranmwẹ ọnrẹn ghi ra runran uwẹ. Ena gha sunu rhunmwuda izigha ne u dee kevbe uyinmwẹ ika ne u yin ghe emwa ne agbọn na kevbe avbe okpẹvbo ni rrọọ.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.

Arhie Maan 18:16

Iran ghi vbe kha wẹẹ, “Okokokoo, Ọ mu ohan gbe o ighẹ emwi ne ẹvbo nọkhua nii miẹn! Eto ovbiohuẹ kevbe ododo ibakpa ọre ọ te ya haan, ọ ghi silo emwi itegbe ọghe igoru, okuta ighobioye, kevbe ikpe ẹrọnmwọ ye egbe.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.