Aizaia 14:32 - Edo Bible (E Baibol Ẹdo) Version 1996

³² Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 14:32 ပူးပေါင်းရင်းမြစ်များ

II Samuẹl 8:10

Ọ keghi rhunmwuda ọnii gie ovbi ẹre ighẹ Joram bu e Devid ne ọba ne ọ ya we ẹre do kevbe ne ọ gbe ọbevbaru ne ẹẹn rhunmwuda ne ọ na khọn e Hadadezẹ muotọ, ọmwa ne irẹn vbe Toi ka gba gbinna inugba ne ọ khin. E Joram keghi viọ avbe emwi ne a ya esiliva, igoru kevbe oze ru mwẹ obọ gha khian.

Psalm 102:16

Ẹghẹ ne Nọyaẹnmwa gha na dọlegbe bọ e Zaiọn, ọ gha rhie ukpọlọmwẹ irẹn maa.

Psalm 102:28

Avbe ivbi mwa gha rrọọ vbe ai mwẹ ẹbe, kevbe wẹ, rhunmwuda ighe wẹ ọre ọ tan obọ gue iran avbe ivbi iran gha rrọọ zẹ vbe emwa ne ẹkun sẹ ọre otọ.

Psalm 48:4

Avbe ọba sii koko iran keghi mu okuo gha die Oke Zaiọn.

Psalm 87:1

E Nọyaẹnmwa bọ owa ẹre yan oke ne ọ huanrẹn nii,

Psalm 87:5

A gha tae vbe ekpa Zaiọn wẹ, evba nii ọrọre ọghe uhunmwu ẹvbo hia kevbe wẹ, Oghodua gha ru ẹe ne ọ wegbe.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 25:4

Ivbiogue kevbe iran ne ẹ i mwẹ iyobọ lẹẹ bu ruẹ rre iran kegha rrọ vbe a i mwẹ ẹbe vbe ẹghẹ ibaro. U rhie ehe ne iran lẹre yi vbe ẹghẹ okpẹhoho, kevbe irhu vbe ẹghẹ owowo ne ọ tọn. Emwa dan gbinna zẹ vbe ẹhoho okhuakhua

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 37:32

Emwa gha rre Jerusalẹm kevbe Oke Zaiọn ni gha miẹn uhunmwu, rhunmwuda e Nọyaẹnmwa ne Oghodua tae mu olọ yan rẹn nẹ ighẹ erriọ ọ re ọ gha sunu.

Aizaia 37:9

Avbe ivbi Asiria keghi họn wẹ e Tihaka ọghe Sudan viọ ivbiyokuo Igipt dee do gu iran gbinna. Ugbẹn vbe ọgbaisi ghi họn ẹmwẹ na, ọ keghi gbẹn ebe gie Hẹzekaia ne ọba

Aizaia 39:1

Vbe ẹghẹ na zẹ, ọba e Babilọn ighẹ Merodak Baladan ne ovbi Baladan keghi họn ighẹ egbe ma te rran Hẹzekaia ne ọba, ọ keghi rhunmwuda ọnii gbẹn ebe gie ẹe, ọ keghi vbe haa oko gie ẹe.

Aizaia 4:6

Uyi ẹre gha degue ẹvbo nii, hin owowo avan rre, ọ ghi ya ẹe khian ehe ne ẹbe i ye, ne a degue hin obọ amẹ kevbe okpẹhoho rre.

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Aizaia 54:11

E Nọyaẹnmwa khare wẹẹ, “E Jerusalẹm wẹ ne ẹvbo ne u sẹsẹ kevbe ne egbe wọre. Vbe ne a i na vbe miẹn ne ọ fu ruẹ ẹko rre, I gha ya okuta ighobioye dọlegbe gbe ẹyotọ ruẹ.

Aizaia 57:13

Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”

Ezikiẹl 48:35

Utanmwẹ ekẹn nii hia vbe igienenẹ ọghe ore ẹvbo nii keghi re ibata eha iyenẹ yan arriaisẹn igbe (10,080). Eni ne a ghi ra gha tie ore ẹvbo nii ke ẹghẹ na kpao keghi re, “E Nọyaẹnmwa Rre Emwa Na.”

Zẹfanaia 3:12

I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Zẹkaraia 11:11

Ẹdẹrriọ ọ re a soo nene ile gọ. Iran ni dele, kevbe ni vbe khiẹnnẹ nene ohuan kegha ghe mwẹ, iran keghi vbe rẹn wẹ, te Nọyaẹnmwa ye emwi ne I ru na gie uhunmwu gie emwa.

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Hibru 11:10

Rhunmwuda, te Ebraham gha mudia khẹ ẹvbo nii ne Osanobua mwamwa ẹn ọ na vbe bọ ẹe, ẹvbo nii ne ọ mwẹ ẹyotọ etẹbitẹ.

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.