Aizaia 14:3 - Edo Bible (E Baibol Ẹdo) Version 1996

³ E Nọyaẹnmwa gha rhan ivbi Izrẹl yotọ vbe obọ obalọ iran kevbe usẹ iran kevbe iwinna ne ọ wegbe ne a ya ẹtin munọ iran gha winna.

Aizaia 14:3 ပူးပေါင်းရင်းမြစ်များ

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 32:18

Emwa Osanobua gha fe vbe obọ ukpokpo, owa iran ghi gha re ne ọfumwegbe ye kevbe ne ẹ i mwẹ ẹbe.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Jerimaia 17:4

Wa gha vbe zobọ vbe otọe ne I te mu ne uwa, I ghi vbe ru ẹe ne uwa ya ga avbe eghian vbe otọe ne uwa ma rẹn emwi rhọkpa vbe ekpa ẹre rhunmwuda te ohu mwẹ ye vbe erhẹn, ọ gha vbe gha yọn rhinrin ẹdẹdẹmwẹdẹ.”

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Jerimaia 30:8

E Nọyaẹnmwa ne Oghodua khare wẹẹ, “Ọ gha sẹ ẹdẹ ne ẹdẹrriọ. I gha bun urọnghọn ne ọ rre iran urhu, I ghi vbe rhan iran ọgiọrọ hẹ kua. Iran i khian ghi vbe gha re eviẹn avbe erhunmwuyẹn ọvbehe.

Jerimaia 50:34

Sokpan, ọmwa ne ọ wegbe ọ re ọmwa ne ọ ra miẹn iran fan khin, e Nọyaẹnmwa ne Oghodua, ọ re a tie ẹre. Rẹn ọ re ọ ra tobọ ẹre mu ẹzọ iran gui, ọ ghi rhie ọfumwegbe ye otọ agbọn, sokpan, orueghe ghi gha re ọghe ivbi e Babilọn.”

Ezikiẹl 28:24

E Nọyaẹnmwa keghi kha wẹẹ, “Avbe ẹvbo ni lẹga Izrẹl, ọkpa ne ọ gha ye dọlegbe yevbe ogigban kevbe ọkọsọ ne ọ gha kuan Izrẹl egbe i ghi rrọ. Iran gha vbe rẹn wẹ mẹ ọrọre Nọyaẹnmwa ne Oghodua.”

Zẹkaraia 8:2

“Ọ kpẹre ne ekhọe mwẹ kegha rrọọ wẹ ne I ye Jerusalẹm obọ rhunmwuda ahoẹmwọmwa ne I mwẹ ghe emwa ni rrọọ, a ho ẹmwẹ ọmwa ne ọ ye ohu avbe eghian rẹn gha mu mwẹ.

Zẹkaraia 8:8

I ghi vbe viọ iran ke odẹ ahọ kevbe orrie rre ne iran do gha rre Jerusalẹm. Iran ghi gha re emwa mwẹ mẹ ghi vbe gha re Osanobua iran. I ghi gha khaemwisẹ yan iran vbe ọghọ kevbe ute.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.